100% stilling som ergoterapeut i Ullensvang kommune

100% fast stilling som ergoterapeut i Ullensvang kommune

Vi ønsker medarbeidarar med ulik bakgrunn, fagkombinasjonar, kompetanse, livserfaring og perspektiv. Det gir oss eit mangfaldig arbeidsmiljø som set oss betre i stand til å løysa oppgåvene. I Ullensvang kommune er vi opptekne av mangfald og inkludering, det er viktig for oss å ha ein arbeidsstyrke som representerer befolkninga. Vi oppmodar alle som er kvalifisert til å søkja, uavhengig av alder, kjønn og kjønnsidentitet, funksjonsevne, livssyn eller etnisk bakgrunn. Vi legg til rette arbeidsplassen ved behov.

Me tilbyr varierte og utfordrande arbeidsoppgåver i eit positivt arbeidsmiljø saman med andre fysioterapeutar og ergoterapeutar, og i tett samarbeid med andre kommunale tenester.

Ullensvang kommune arbeider for å skape bærekraftige, framtidsretta og heilskaplege tenester med brukaren i fokus. I tillegg til rehabilitering og klinisk verksemd, skal tenesta fokusere på helsefremjande og førebyggjande tiltak.

Tenesta har avdelingar i Odda, Kinsarvik, Lofthus, Utne og Jondal. Oppmøtestad vil vere i Odda. Oppgåver og arbeidsområde innad i kommunen vil kunne variere etter behovet i tenesta. Du vil arbeide med brukarar i alle aldrar: born, vaksne og eldre.

Ullensvang kommune tilbyr 60.000,- i rekrutteringstilskot for nye tilsette i kommunen. Dette vert utbetalt som 30.000,- etter første og andre året ein er tilsett.

Stillinga er ledig frå d.d.

Arbeidsoppgåver

• Kartlegging, funksjonstrening og tilrettelegging i møte med ei variert brukargruppe.

• Rettleiing og rådgjeving til brukarar, pårørande og andre fagpersonar.

• Habilitering/ rehabilitering i samarbeid med andre kommunale tenester t.d. skule/barnehage, heimetenester, helseinstitusjonar, etc.

• Tverrfagleg samarbeid rundt enkeltbrukarar, og på systemnivå

• Formidling, tilpassing og oppfølging av tekniske hjelpemiddel

• Tilrettelegging og tilpassing av bustad og omgjevnadar

• Førebyggjande og helsefremjande arbeid på systemnivå og til ulike brukargrupper t.d. informasjonsformidling, universell utforming, grupper etc.

• Delta i kvalitets- og fagutvikling ergo- og fysioterapitenesta, og i andre kommunale tenester ved behov.

Personlege eigenskapar

• Gode samarbeids- og kommunikasjonsevner.

• Evne til å samhandle og arbeide tverrfagleg med andre kommunale tenesteytarar og i spesialisthelsetenesta.

• Evne til å arbeide sjølvstendig og strukturert, og ta ansvar i drifta av tenesta.

• Profesjonell, positiv og engasjert i møte med pasientar, kollegaer og andre samarbeidspartar. Evne til å møte menneske i ulike livssituasjonar og med ulike behov.

• Motivert for å driva utviklingsarbeid i tenesta, og ha interesse for framtidsretta tenesteyting.

• Evne til fleksibilitet, og å handtere tidvis travle periodar og høgt tempo.

• Det er forventa at ergoterapeuten arbeider kunnskapsbasert og held seg jamleg fagleg oppdatert.

• Personlege eigenskapar vert vektlagt ved tilsetjing.

Kvalifikasjonar

• Offentleg godkjent ergoterapeut med norsk autorisasjon.

• Gode ferdigheiter i norsk, skriftleg og munnleg.

• Grunnleggjande datakunnskapar. Physica og Profil vert nytta som fagsystem.

• Fordel med relevant erfaring frå kommunehelsetenesta.

• Fordel med erfaring innan ergoterapi til born og unge.

• Fordel med erfaring innan bustadtilpasning.

• Førarkort klasse B.

• Politiattest vert kravd før tilsetjing, jmf Helse- og omsorgstjenesteloven § 5-4

Me tilbyr

• Varierte og spennande arbeidsoppgåver.

• Fleksible arbeidsdagar.

• Flotte kollegaer i eit kjekt fagmiljø.

• Mogelegheit til å utvikle tenesta og nye tilbod.

• Løn etter hovudtariffavtalen.

• Ullensvang kommune har inkluderande arbeidsliv (IA), fleksibel arbeidstid og gode permisjons- og pensjonsvilkår.

• Rekrutteringstilskot: 30 000,- etter 1. året og 30 000,- etter 2. året for nytilsette i kommunen.

Velkomen som søkjar på stillinga!

Kontakt: Maren Espedal Miille, Telefon: 47 36 19 15, E-post: maren-espedal.miille@ullensvang.kommune.no

Til orientering om Offentleglova:

Utgangspunktet er at alle søkjarnamn er offentlege etter Offentleglova. Det betyr at ditt namn vert gjort offentleg på kommunen si postliste når du har søkt ledig stilling.
For å gjera unntak må kommunen ha heimel i lova og vurdera konkret i kvar sak kva som er grunnen til unntaket.
I følgje offentleglova § 25 vert det stilt følgjande krav for å få unntak:
"Det kan likevel gjerast unntak frå innsyn for opplysningar om ein søkjar dersom vedkommande sjølv ber om det. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga. I utlysinga skal det gjerast oppmerksam på at opplysningar om søkjaren kan bli gjort offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje blir teke til følgje, skal søkjaren varslast om dette.

Arbeidsavtalar i Ullensvang kommune:
Dei som vert tilsett i Ullensvang kommune får tilsendt arbeidsavtale til digital signering. Du får tilsendt sms og e-post med link til digital arbeidsavtale. Viss du har fått munnleg melding om at du er tilsett vil du få tilsendt arbeidsavtale. Viss du ikkje får e–post i innboksen din, sjekk uønska e-post/søppelpost, eller fylge følgjande link: https://signering.posten.no/