Rådgjevar

NAV Luster held til i lyse og trivelege lokalar i Gaupne sentrum, like ved Lustrabadet. Me er eitt av seks NAV- kontor i region Sogn.

Flyktningtenesta og Vaksenopplæringa ligg òg organisert til NAV- kontoret. Vaksenopplæringa har eigne lokalar i lagshuset på Granden i Gaupne sentrum.

NAV Luster, Flyktningtenesta og Vaksenopplæringa har per i dag omlag 20 tilsette totalt.

I NAV Luster legg me vekt på samarbeid på tvers av kommunegrensene for å vidareutvikle tenestene til innbyggjarar og arbeidsgjevarar i regionen. Me deltek aktivt i regionale fagnettverk og i utviklings- og forbetringsarbeid i heile regionen.

Me har behov for fleire rådgjevar til dei sosiale tenestene våre som er ein del av den kommunale tenestemenyen i NAV- kontoret.

NAV Luster har ledig:

• To vikariat som rådgjevar, 100 % stilling, frå snarast til 31.07.2025, med moglegheit for forlenging
• 100 % vikariat som rådgjevar i samband med foreldrepermisjon frå medio desember og ut heile 2025
• Andre mellombelse stillingar kan verte aktuelle

Det er moglegheit for at stillingane kan bli faste på sikt.

Arbeidsoppgåver

• Oppfølging, rettleiing og sakshandsaming etter Lov om sosiale tenester i NAV
• Kartlegging av brukaren sin heilskaplege situasjon, rettleiing og bistand til brukarane
• Oppfølging retta mot arbeid og aktivitet som fordrar tett kontakt med arbeidsgjevarar
• Kartlegging, avdekking og ivaretaking av tenestemottaker sine barns behov i møte med NAV
• Handsame og følgje opp søknader om økonomisk sosialhjelp
• Økonomisk oppfølging og rådgjeving
• Bustadsosialt arbeid

NAV er ein organisasjon i stadig utvikling og endring. Andre arbeidsoppgåver må påreknast.

Kvalifikasjonar

• Minimum treårig høgskule/universitetsutdanning, helst innan helsefagleg/sosialfagleg/samfunnsfagleg retning
• Annan utdanningsretning kan vurderast ved særleg relevant erfaring
• Det er ønskeleg med kompetanse på oppfølging etter Lov om sosiale tenester i NAV
• Det er ei føremon om du har erfaring frå NAV, eller erfaring frå arbeidsretta oppfølging gjennom metoden Supported Employment
• Sertifikat kl. B
• Digital kompetanse

Me legg vekt på

• at du har gode kommunikasjonsevner, relasjons- og rettleiingskompetanse. Du vil i jobben møte brukarar med forskjellige utfordringar og behov.

• at du har evne til å jobbe sjølvstendig og i team for å finne gode løysingar
• at du er ein relasjonsbygger som er god på å samarbeide med andre
• at du har erfaring med sakshandsaming, rettleiing og oppfølgingsarbeid frå offentleg forvaltning
• at du har god forståing for korleis gjeldande lovverk nyttast i praksis
• at du har god økonomisk forståing
• at du tek raskt til deg ny kunnskap, og tek ansvar for eiga læring og faglege utvikling
• at du har digital kompetanse og gode evner til å sette deg inn i nye datasystem og arbeidsmetodar
• at du beherskar nynorsk som målform
• at du er personleg egna for stillinga vil bli særleg vektlagt

Me kan tilby

• Arbeid i ein veldriven kommune med gode og sikre rammevilkår
• Eit godt arbeidsmiljø med høg fagkompetanse
• Gode moglegheiter for fagleg utvikling
• Kommunale tilsetjingsvilkår med gode pensjons- og forsikringsordningar
• Løn etter avtale

Andre opplysningar

• Administrasjonsmålet i kommunen er nynorsk
• Alle faste nytilsetjingar vert gjort med ei prøvetid på 6 månader
• Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort sjølv om du har oppmoda om ikkje å bli ført på offentleg søkjarliste Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort
• Søknadar må leverast innan fristen og må sendast inn via rekrutteringssystemet vårt EasyCruit