Voksenlæring / "fagbrev på jobb"

Sjukepleiarar som ønskjer seg ei framtidig karriere innanfor ambulansetenesta og akuttmedisin.

Vilkåret for stillinga er at du stettar ambulansetenesta sine krav til kompetanse og kan gå inn som "andremann" i bemanninga i ambulansetenesta.

• Tilsettinga: tidsavgrensa engasjement / praktikant / lærekontrakt
• Oppstart: etter avtale
• Stillingsprosent: mellom 50-100%, avhengig av turnuslinje ved aktuell stasjon

Voksenlærling er ei ordning med tilpassa løp for voksne i eit arbeidsforhold. Det er ein unik sjanse til å skaffe seg fagbrev og autorisasjon på grunnlag av allsidig praksis, vurdering av realkompetanse og opplæring i bedrift, kombinert med rettleia praksis. I ambulansetenesta gir vi dette tilbodet som eit praktikantretta og tidsavgrensa engasjement for sjukepleiarar som ønsker å oppnå autorisasjon som ambulansearbeidar.

Ambulansetenesta ligg organisert i Avdeling for Prehospitale tenester og AMK i Kirurgisk klinikk som eigen seksjon. Tenesta har 19 døgnambulansar, 8 dagambulansar i tillegg til 2 moderne ambulansebåtar som dekkjer kystlinja vår i Solund og Florø.

Tenesta har omlag 230 tilsette fordelt over stasjonane i Helse Førde sitt nedslagsfelt.

Tenesta har årsplan og all vakt er vakt på vaktrom/stasjon. Stasjonane har gunstige arbeidstidsordningar med vakt på vaktrom og konsentrerte arbeidsperiodar med kompenserande kviletid før og etter vaktperiodar. Tilsette går dagvakter på dagbil og elles døgnvakter på 2-3 samanhengande vaktdøgn.

Aktuelle søkjarar får arbeids- og lærekontrakt i ambulansetenesta sitt eige vikarområde. Ein blir så formidla ut til aktuell stasjon. Det blir forsøkt å finne stasjonar som harmonerer med søkjar si bustadadresse. Dette er stasjonar som både har aktivitet og gode vilkår for eit tilpassa læreløp. Ved bestått opplæring og fagbrev i ambulansefaget, vil du vere kvalifisert til å søkje fast stilling på våre stasjonar. For fast tilsetting er det krav til autorisasjon som ambulansearbeidar.

Med dette søkjer vi deg som er motivert for, og trivast i eit uforutsigbart miljø. Du verdset både store utfordringar og rutineprega oppgåver. Ein jobb i ambulansetenesta betyr å være ein god kollega, jobbe i sjølvstendige team og saman finne gode løysninger til det beste for pasienten. Vi leverer helsetenester av høg kvalitet i by og distrikt, blant fjordar og fjell, i all slags vær i alle årstider, i alle typar heimar, og til ulike pasientgrupper.

Ambulansetenesta er blant den mest synlege og eksponerte delen av helsetenesta. Du veit difor å ta vare på deg sjølv og dine kollegaer for å kunne fungere optimalt i ein til tider utfordrende jobb. Arbeid i ambulansetenests kan bestå av lange timar og mørke netter. Vi søkjer deg som forstår at verdens beste jobb gir meining.

Arbeidsoppgåver

Arbeid i ambulansetenesta består seg av daglege rutinar, reinhald, kvalitetsarbeid, trening og beredskap på ambulansestasjonen. I oppdrag og møte med pasientane utførast undersøking, forflytting, observasjon og behandling. Føring av utrykningskøyretøy, arbeid på skadestad, operativ leiing, opplæring og rettleiing er og blant våre naturlege arbeidsoppgåver.

• Beredskap for, og utføring av ambulanseoppdrag
• Beredskapsretta arbeid, internt utviklingsarbeid og internundervisning
• Delta på undervisning og sertifisering / utsjekk i tråd med tenesta sin kompetanseplan
• Eigentrening og teamtrening
• Kontroll og vedlikehald av beredskapsutstyr og ambulansar
• Reinhald og klargjering av utstyr, uniformar og stasjon
• Interne arbeidsoppgåver på stasjonen og elles i avdelinga
• Utføre sitt arbeid i tråd med gjeldande lover, forskrifter, prosedyrer og internt reglement som gjeld for føretaket

Kvalifikasjonar

• Autorisert sjukepleiar. (Personell med anna helsefagleg autorisasjon kan og søkje, men vert då særleg vurdert ut frå realkompetanse og relevant erfaring).
• Kunne vise til "nødvendig ambulansefaglig kompetanse" - til vikarkurs eller innfasing i ambulanseteneste som stettar minstekrav i akuttmedisinforskriften §11.
• Førarkort kl. C1
• K160 utrykkingsførarbevis.
• Helsekrav til førarkort klasse D
• God fysisk og psykisk helse. Søkjar må bestå fysisk test. Testen kan bli gjennomført i forkant eller i samband med intervju. Nærare informasjon om krava finn du på Helse Førde og ambulansetenesta si internettside - sjå her.
• Kunne gjere bruk av IKT verktøy med dei vanlegaste office produkta og digital journalføring.
• Stor arbeidskapasitet. Det forventast eit tydeleg initiativ til å auke fagkompetanse, delta på kurs/øvingar og halde seg fagleg oppdatert og bestå kurs og sertifiseringar gjennom læreløpet.
• Delta og bestå trinn 2 kompetanse i Helse Førde etter tenesta sin kompetanseplan
• God norsk munnleg og skriftleg framstillingsevne
• Søkjarar utanfor Skandinavia må dokumentere kunnskap i norsk skriftleg og munnleg
• Politiattest krevst før tilsetting i stillinga etter lov om Helsepersonell §20a.

Personlege eigenskapar

• Personlege eigenskapar vektleggast høgt.
• Gode evner til sjølvstendig arbeid. Kreativ og initiativrik i jobbsamanheng.
• Imøtekomande, høfleg, positiv og serviceinnstilt
• Pasientorientert med respekt for den einskilde pasient
• Gode samarbeids- og kommunikasjonsevner
• Evne til å jobbe sjølvstendig, men og vere ein god teamarbeidar/teamleiar for m.a. kunne ta leiing og jobbe effektivt i akuttmedisinske situasjonar
• Like å tidvis ha det hektisk og jobbe med høg aktivitet
• Pliktoppfyllande
• Bidra til eit godt arbeidsmiljø

Vi tilbyr

• Tilpassa læreløp med lærekontrakt og tidsavgrensa engasjement
• Lønn i samsvar med gjeldande overeinskomst
• Gode pensjons- og forsikringsordningar
• Ein arbeidsplass som er ei inkluderande arbeidslivsbedrift (IA-bedrift)
• Eit levande fagmillø med gode kollegaer
• Fagleg og personleg utvikling
• Sterkt tverrfagleg samarbeid
• Kompetanseutvikling i form av fagstige

Kontaktinformasjon

Per-Erik Eide Hjelle, Opplæringsansvarleg, 41530515, per-erik.eide.hjelle@helse-forde.no

Leif Otto Halland, Assisterande ambulansesjef, 41530504, leif.otto.halland@helse-forde.no

Arbeidsstad

Nøkkelinformasjon:

Arbeidsgivar: Helse Førde



Referansenr.: 4839157524

Stillingsprosent: 100%

Engasjement

Startdato: 01.10.2024

Sluttdato: 31.12.2025

Søknadsfrist: 31.08.2024