Avdelingsleiar førebyggjande
- Arbeidsgiver
- Kvinnherad kommune Brann og redning
- Frist
- 31.08.2024
Beskrivelse
Vi søkjer etter leiar av førebyggjande avdeling for Kvinnherad brann og redning.
Stillinga er spennande, omfattande og gir høve til fagleg og personleg utvikling.
Omtale av stillinga
Brann- og redningstenesta i Kvinnherad kommune er delt i to avdelingar: Førebyggande- og beredskaps avdeling. Førebyggjande avdeling skal bestå av leiar, branninspektør/ingeniør, og tre brannførebyggjarar. Leiar av førebyggjande avdeling inngår i brann- og redningstenesta si leiargruppe og deltek i overordna vaktordning. Det er krav om bustad i kommunen for å ivareta krav om oppmøtetid.
Oppmøteplass er hovudbrannstasjonen på Husnes.
Arbeidsoppgåver
- Personal-, fagleg- og økonomisk-oppfølging av førebyggjande avdeling
- Planleggja, koordinera og leia brannførebyggjande aktivitetar og sakshandsaming.
- Systematisk forbetringsarbeid for å sikra etterleving av krav i lover, forskrifter, avtaleverk og interne rutinar
- Delta i arbeid med risiko- sårbarheitsanalyse, førebyggande- og beredskapsanalysar
- Bidra til eit godt samarbeid og auka kompetanse innan brannførebygging hjå kommunen og andre aktørar
- Delta i operativ beredskap, inkludert inngå i rullerande vaktordning som innsatsleiar brann i kommunen
- Andre oppgåver etter ordre frå leiar av brann og redning
Kvalifikasjonar
- Oppfylla krav i «Forskrift om organisering, bemanning og utrustning av brann- og redningsvesen og nødmeldesentralene (Brann- og redningsvesenforskriften)»§ 43, eller vera i stand til å oppfylla desse krava innan kort tid.
- Oppfylla krav i «Forskrift om organisering, bemanning og utrustning av brann- og redningsvesen og nødmeldesentralene (Brann- og redningsvesenforskriften)»§ 44.
- Førarkort klasse B, samt kode 160. Har du ikkje kode-160, må du forplikte deg til å gjennomføre kurs etter tilsetjing
- Det er ønskjeleg med sertifikat klasse C
- Relevant erfaring, fortrinnsvis frå brann- og redningsteneste
- God kjennskap til IKT som arbeidsverktøy
- Gjennomføra og bestå fysisk test for røykdykkar
- Gode munnlege og skriftlege norskkunnskapar
- Det er ønskjeleg med evne/erfaring til å gjennomføra undervisning/opplæring
- Erfaring frå HMT-arbeid
- Leiarerfaring
- Erfaring frå budsjettarbeid og økonomirapportering
Det er ønskjeleg at søkjar opplyser om referansar som kan kontaktast.
Det er krav om helseattest og utvida politiattest ved tilsetting.
Personlege eigenskapar
- Gode samarbeidsevner, strukturert, lojalitet til kommunens og brannvesenets reglar og rutinar, vera samlande og kunne motivera dei du er satt til å leia, ha gjennomføringsevne, vera tydeleg og ha gode kommunikasjonseigenskapar.
- Brann- og redningstenesta ønsker søkjarar som har positive haldningar, fungerer godt i team, jobbar sjølvstendig og har operativ forståing og handlekraft.
Personlege eigenskapar vil bli tillagt vekt.
Søkjar må gjennomføra fysisk test for røykdykkarar under intervjuet. Eventuelle kandidatar bes derfor om å ta med treningstøy og gode sko. Det er høve for å ta ein dusj etter gjennomført fysisk test.
Vi tilbyr
- Spennande oppgåver som vil bli løyst i samarbeid med dyktige kollegaer i eit tverrfagleg og sosialt kompetansemiljø.
- Lønn etter kvalifikasjonar og avtale.
- Tilsetjing skjer etter gjeldande vilkår for kommunale arbeidstakarar i samsvar med HTA og AML.
- Pensjonsordning, ulykkes- og gruppelivsforsikring gjennom KLP.
- Kvinnherad kommune er ei IA-bedrift.
- Dekning av flytteutgifter etter nærare reglar.
Søknaden vert å senda
Kvinnherad kommune oppfordrar til å søkja elektronisk (godkjende vitnemål og attestar tek ein med på evt. intervju). Normalt vil søkjar sitt namn bli offentleggjort i postjournal og offentleg søkjarliste. Dersom du ønskjer at søknaden ikkje skal verta offentleggjort må du grunngje dette. Vi gjer merksam på at opplysningar om søkjarane likevel kan verta offentleggjorde, jfr. Offentleglova §25. Du vil verte varsla om dette på førehand slik at du har høve til å trekkje søknaden din.
Innsendte vitnemål og attestar blir ikkje returnert.
Link til søknadsskjema: Søk her
- Sektor
- Offentlig
- Sted
- Bogsnesvegen 16, 5460 Husnes
- Stillingsfunksjon
- Ledelse, Annet, Undervisning og pedagogikk
- FINN-kode
- 366069753
- Sist endret
- 16. aug. 2024 07:39