Konsulent Pasientreiser

Avdelinga har ansvar for pasientreiser for folk som bur i Helse Bergen sitt geografiske område og har for tida 39 tilsette. Vi planlegg og gjennomfører om lag 320 000 pasientreiser for pasientar kvart år, med buss, drosje, tog, fly og båt, og mottar ca. 175 000 telefonsamtalar frå pasientar, behandlarar og transportørar årleg. Avdelinga betener også Helse Bergen sine kvite sjuketransportbilar, som transporterer liggande pasientar utan behov for medisinsk overvaking.

Vi leitar etter deg som er framoverlent og initiativrik, og som ønsker å bidra til å nå vårt mål om å levere trygge, effektive og føreseielege pasientreiser.

Stillinga er ein del av ein turnusplan med både dag-, kvelds- og laurdagsvakter. Avdelinga har opningstid måndag - fredag, 07.00-19.00 og laurdag 09.00-15.00.

Startdato etter nærare avtale.

Arbeidsoppgåver

Som konsulent i Avdeling for pasientreiser, vil du hovudsakleg handtere kontorrelaterte oppgåver knytta til organiseringa av pasientreiser, men du vil og ha oppgåver knytta til sjuketransporttenesta vår. Som sjuketransportbetjent arbeider du tett saman med ein kollega, der de vekslar mellom å køyre og å assistere pasienten bak i bilen. Arbeidsdagen er dynamisk og variert, og gir deg anledning til å møte pasientar med ulike behov.

Kontoroppgåver:

• Planlegge og koordinere pasientreiser, for å bidra til trygg transport til og frå behandling
• Handtere førespurnader frå pasientar, behandlarar, og transportørar over telefon
• Betene vårt pasientventeområde i Sentralblokka på Haukeland universitetssjukehus
• Gje informasjon og rettleiing til pasientar og samarbeidspartnarar, både munnleg og skriftleg, i samsvar med gjeldande regelverk
• Bidra i ulike daglege oppgåver som er relevante for avdelinga

Sjuketransportbetjent:

• Sjåfør for sjuketransportbilen
• Forflytting av pasientar, til dømes frå seng til båre

Kvalifikasjonar

• Du har høgskuleutdanning, fagbrev i kontor- og administrasjonsfag, eller relevant erfaring innan logistikk/reiseliv
• Du må meistre godt norsk og ha god munnleg og skriftleg formuleringsevne
• Du har gode IKT-ferdigheiter
• Du har førarkort klasse B

Personlege eigenskapar

• Du arbeider sjølvstendig og er løysingsorientert
• Du er fleksibel og omgjengeleg, og god til å samarbeide
• Du er systematisk og nøyaktig i arbeidet ditt
• Du har evne til å jobbe effektivt og bevarer roa sjølv i krevande situasjonar
• Du er påliteleg og har god rettleiingsevne

Vi tilbyr

• Eit aktivt og triveleg arbeidsmiljø
• God opplæring, og tett oppfølging både innan regelverk, system, forflytting med meir
• Gode pensjons- og forsikringsordningar
• Lønn i samsvar med gjeldande overeinskomst
  

Vi oppfordrar alle søkarar til å nytte Vitnemålsportalen for å laste opp vitnemål og karakterutskrifter.
Ved å bruke Vitnemålsportalen sikrar du at dokumenta dine er verifiserte og oppdaterte. Du finn meir informasjon om korleis du brukar Vitnemålsportalen på www.vitnemålsportalen.no. Har du har tatt utdanning i utlandet, må du legge ved godkjenning frå UDIR/Direktoratet for høgare utdanning og kompetanse (HR-dir) i søknaden. Om du ikkje finn alle dine relevante vitnemål i Vitnemålsportalen, kan du laste dei opp som eigne vedlegg til søknaden.

Kontaktinformasjon

Andreas Gudim Marberg, Seksjonsleiar, 55 97 70 97, andreas.gudim.marberg@helse-bergen.no

Torill Herø, Teamkoordinator, 55 55 96 35, tleo@helse-bergen.no

Anfinn Asbjørnsen, Rådgivar, 55 97 71 43

Arbeidsstad

Haukelandsveien 22

5009 Bergen

Nøkkelinformasjon:

Arbeidsgivar: Helse Bergen



Referansenr.: 4849252991

Stillingsprosent: 100%

Fast

Søknadsfrist: 04.09.2024