Økonomikonsulent rekneskap

Om stillinga

Vi har ledig ei 100% stilling som konsulent på rekneskapsavdelinga, med oppstart så snart som mogleg.

Lønn- og rekneskapsavdelinga

Løn og rekneskap er i dag ei avdeling med vel 14 årsverk. Det er vedteke å omorganisere desse funksjonane frå hausten 2024 der rekneskapsdelen med om lag 6,5 årsverk vert flytta inn i ei ny felles eining saman med dei andre økonomifunksjonane. Vi har arbeidsplassen vår i trivelege kontorlokale sentralt i Knarvik.

Arbeidsoppgåver

Arbeidsoppgåvene vil hovudsakleg bestå av løpande rekneskapsarbeid. Dette inneber mellom anna utsending, kontroll og bokføring av inngåande faktura, månadleg bokføring og avstemming av bank, kasse og leverandørar mm. I tillegg skal vi gje rettleiing og hjelp til leiarar i forbindelse med bokføring og regelverk.

Ønskt kompetanse

For tilsetting i stillinga er det ønskjeleg med:

• Relevant utdanning innan rekneskap
• Erfaring frå Visma Enterprise økonomi og rekneskap i offentleg sektor
• Erfaring med merkantile oppgåver innan økonomi/rapportering/rekneskap.
• Interesse og lyst til å jobbe med rutineoppgåver, men og med utviklingsorienterte oppgåver.

Personlege eigenskapar vil bli vektlag, og vi ønskjer m.a. at du:

• er sjølvstendig, men trivs med samarbeid og vil vere ein god lagspelar for kollegaer og leiarar.
• er strukturert, systematisk, nøyaktig og faktasøkjande.
• er ansvarsbevisst og serviceinnstilt, og taklar litt hektiske periodar innimellom.
• er positiv, har godt humør og er ein aktiv bidragsytar til eit godt arbeidsmiljø.

Vi tilbyr:

• Godt og støttande kollegialt fellesskap med høg kompetanse
• Gode pensjons- og forsikringsordningar.
• Lønn- og tilsetjingsvilkår i samsvar med lov og avtaleverk.