Filialstyrar Gulen folkebibliotek 

Om stillinga/stillingane

Gulen folkebibliotek har fire avdelingar. Hovudbiblioteket ligg i Eivindvik, og filialane i Brekke, Byrknes og Dalsøyra er lokalisert på skulane, saman med skulebiblioteka.

Er du glad i å lese, trivst du godt med å møte folk, og kan tenkje deg å formidle litteratur? Då håpar vi du vil søkje stillingane som filialstyrar!

Fylgjande stillingar vert ledige:

• 9,5% fast stilling som filialstyrar på Dalsøyra, ledig frå 01.11.2024
• 14,7% fast stilling som filialstyrar på Byrknes, ledig frå 01.11.2024

Dalsøyra filial er ope tysdagar kl. 16-19. Byrknes filial er ope onsdagar kl. 15-20.

Arbeidsoppgåver

• Oppgåver knytt til utlån og innlevering
• Samlingsutvikling
• Litteraturformidling
• Andre oppgåver som måtte kome til

Kvalifikasjonar

• Erfaring frå kundebehandling eller serviceyrke
• Ein må kunne kommunisere godt på norsk; både skriftleg og munnlege
• Gode IKT-kunnskapar
• Fagbrev (to år) er ynskjeleg, men er ikkje eit krav for stillinga/stillingane

Personlege eigenskapar

• Interesse for litteratur
• Fleksibel, nøyaktig og strukturert
• Imøtekommande, positiv og serviceinnstilt
• Arbeide sjølvstendig, men også samarbeide godt med andre
• Å vere personleg eigna kan verte vektlagt ved tilsetjing

Anna

• Tenestespråket i Gulen kommune er nynorsk
• Tilsetjing etter gjeldande lover, føresegner og avtalar
• For tilsetjing innan pleie og omsorg, Miljøtenesta, i skule og i barnehage, vert det stilt krav om politiattest
• Vi gjer merksam på at søkjarlister med namn, kjønn, alder og noverande stilling er offentleg informasjon. Dersom søkjarar likevel ber om konfidensiell handsaming, og grunnen for å unnta offentleggjering ikkje vert godkjent, får søkjen høve til å trekke søknaden sin før offentleggjering
• Løn etter tariff