Tannpleiar - fast stilling

Vi har ledig 100% fast stilling som tannpleiar ved Nesttun klinikkområde fom 01.10.2024. Stillinga er fordelt mellom Nesttun tannklinikk i 40% stilling og Austevoll tannklinikk i 60% stilling.

Nesttun tannklinikk ligg like ved bybanestopp og har flotte nye lokaler med 13 behandlingsrom. Austevoll tannklinikk er ein veletablert tannklinikk for 2 tannlegar, tannpleiar og tannhelsesekretærar. Vi behandlar hovudsakleg prioriterte pasientgruppar i tillegg til betalande vaksne.

Du som søker stillinga bør ha tilgang til bil då det er ferje til Austevoll og ingen kollektivtransport som samsvarer med arbeids- og ferjetid.

Arbeidsoppgåver

• Jobbe i fyrstelinjetenesta og ha ansvar for utadretta verksemd i samråd med klinikkleiar og kollegaer
• Klinisk arbeid som omfattar alle pasientgrupper, inklusiv vaksne betalande pasientar
• Halde seg fagleg oppdatert og følge gjeldande lover og retningslinjer for evidensbasert behandling, samt jobbe for å nå målsetnadane til Vestland tannhelseteneste
• Delta i HMS-arbeid og kvalitetsutvikling samt andre felles oppgåver for drift av klinikken

Kvalifikasjonar

• Søkjar må ha autorisasjon som tannpleiar
• Søkjar må beherske norsk skriftleg og munnleg
• Den som skal tilsetjast i tannhelsetenesta må leggje fram politiattest

Personlege eigenskapar

Vi søkjer deg som:
• Likar å jobbe med menneske og som set pasienten i fokus
• Arbeidar sjølvstendig og mestrar travle dagar
• Er positiv og serviceinnstilt
• Har gode kommunikasjonsevner
• Har gode samarbeidsevner
• Har fagleg integritet og fokus på fagleg utvikling
• Bidreg til eit godt arbeidsmiljø på klinikken
• Har evne til å skape gode relasjonar til pasientar, pårørande, medarbeidarar og andre samarbeidspartnarar
• Ynskjer å være med på å utvikle Vestland tannhelseteneste

Det vert vektlagt at søkjar er personleg eigna til stillinga

Vi tilbyr

Løn etter gjeldande tariff
Gode forsikrings- og pensjonsordningar

Andre opplysningar
Administrasjonsmålet i fylkeskommunen er nynorsk. Alle nytilsetjingar i fylkeskommunen blir gjort med ei prøvetid på 6 månader.
Vi gjer merksam på at i følgje Offentleglova § 25, 2.ledd, kan opplysningarr om søkjar bli offentleggjort sjølv om søkjar har oppmoda om ikkje å bli ført på offentleg søkjarliste. Søkjar som har bedt om unntak, vil bli varsla før søkjarlista blir offentleggjort.

Kontaktinformasjon

Tonje Lundin, tannlege, 99568232

Mette Vibeke Skønberg Vallentinsen, områdeleiar tannhelse, 92887298

Arbeidsstad

Nesttunvegen 90

5221 Nesttun

Nøkkelinformasjon:

Arbeidsgivar: Vestland fylkeskommune



Referansenr.: 4850014861

Stillingsprosent: 100%

Fast

Søknadsfrist: 08.09.2024