Spesialfysioterapeut/ fysioterapeut

Seksjonen Klinisk fysioterapi og førebygging har ledig 100% vikariat for spesialfysioterapeut/ fysioterapeut.
Arbeidsstad:   Førde sentralsjukehus
Oppstart:         06.01.2025.

Klinisk fysioterapi og førebygging er organisert i Medisinsk klinikk under Avdeling for fysikalsk medisin og rehabilitering. Fysioterapiseksjonen har 17,5 stillingar, inkludert tre turnusfysioterapeutar.

Seksjonen gir tenester til alle somatiske avdelingar ved Førde sentralsjukehus, Nordfjord sjukehus og til Seksjon for Læring, meistring, fysikalsk medisin og rehabilitering.  Fysioterapeutane arbeidar ut ifrå tilvising frå somatiske avdelingar og poliklinikk. Seksjonen har ein ung stab med fokus på fagutvikling og nye teknologiske løysingar.

I tillegg til driftsoppgåver og dagleg pasientbehandling , er fleire tilsette i seksjonen aktive i høve til innovasjon, tenesteutvikling og forbetringsarbeid med tanke på å utvikle moderne og framtidsretta tenestetilbod. Døme kan være det digitale verktøyet Pust Deg Bedre og VR for menneske med hjerneslag: 

Erfaringar med VR som fysioterapitiltak i rehabilitering av hjerneslagpasientar. Ein intervjustudie (fysioterapeuten.no). 

Spesialisert rehabilitering er eit satsingsområde. Hausten 2024 opnar vi tilbodet i ny og moderne sengeavdeling.

Arbeidsoppgåver

• Stillinga er tilknytt rehabiliteringsavdelinga.
• Kartlegging, behandling og oppfølging av pasientar som er tilvist til rehabilitering.
• Tett tverrfagleg teamarbeid.
• Stillinga inkluderer helgevakter, ca. kvar 9 - 10 helg og høgtidsvakter.
• Oppgåver på andre avdelingar ved behov.

Kvalifikasjonar

• Norsk autorisasjon som fysioterapeut.
• Erfaring med rehabilitering, og interesse for rehabilitering. 
• Basiskunnskap i oppgåver fysioterapeutar møter på sengepostane.
• Må beherske godt norsk både munnleg og skriftleg.
• Erfaring frå spesialisthelseteneste er ønskeleg. 
• Erfaring med å arbeide i tverrfaglege team.
  

Personlege eigenskapar

• Vi søkjer ein engasjert person med gode kommunikasjonsevner som trivst med sjukehusoppgåver.
  
• Du må kunne arbeide sjølvstendig og trivst med å jobbe i eit tverrfagleg team.
  
• Du må ha evne til å strukturere dagen din og arbeide effektivt.
  
• Det er forventa at du er fleksibel og villig til å ta oppgåver på andre avdelingar ved behov.
  
• Det blir lagt vekt på personlege eigenskapar og engasjement for fagfeltet.

Vi tilbyr

• Lønn i samsvar med gjeldande overeinskomst.
• Gode pensjons- og forsikringsordningar.
• Moglegheit for fagleg og personleg utvikling.
• Å kunne bli en del av eit godt arbeidsmiljø med høg kompetanse på mange ulike fagområder.
• Hjelp med bustad, opplys i søknaden dersom det er ønskjeleg.

 

Vi oppfordrar alle søkjarar til å nytte Vitnemålsportalen for å laste opp vitnemål og karakterutskrifter.         
Ved å bruke Vitnemålsportalen sikrar du at dokumenta dine er verifiserte og oppdaterte. Du finn meir informasjon om korleis du brukar Vitnemålsportalen på www.vitnemalsportalen.no. Har du har tatt utdanning i utlandet, må du leggje ved godkjenning frå Direktoratet for høgare utdanning og kompetanse i søknaden (https://hkdir.no/utdanning-fra-utlandet). Om du ikkje finn alle dine relevante vitnemål i Vitnemålsportalen, kan du laste dei opp som eigne vedlegg til søknaden.

Mangfaldserklæring
Føretaksgruppa i Helse Vest ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonevne og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.

Kontaktinformasjon

Mari Bårdvik, Seksjonsleiar, +47 473 78 841

Arbeidsstad

Svanehaugvegen 2

6812 Førde

Nøkkelinformasjon:

Arbeidsgivar: Helse Førde



Referansenr.: 4858128427

Stillingsprosent: 100%

Vikariat

Startdato: 06.01.2025

Sluttdato: 31.12.2025

Søknadsfrist: 25.09.2024