Assistent

Sterilsentralen er ein seksjon i Sterilforsyning og støtteavdelinga som leverer sterilt fleirgongsutstyr til avdelingane som utfører pasientbehandling. Vi mottar mange typar kirurgisk utstyr som skal kontrollerast, pakkast og steriliserast etter nasjonal og internasjonal standard. Vi tel rundt 50 tilsette, og er ein travel seksjon med korte leveringsfristar. Vi leverer til avdelingar i heile sjukehuset,- også avdelingar med avstand der leveranse med bil er nødvendig.

Sterilsentralen er ei produksjonseining i endring. Vi planlegg flytting av dagens Sterilsentral. Vi skal inn i nye lokale som er under bygging. Vi samlar reingjering, desinfeksjon og sterilisering av kirurgisk gjenbruksutstyr frå alle einingar i sjukehuset. Dagens oppgåver i Sterilsentralen vil endrast i takt med denne utviklinga. Avdelinga forventar at ein søkjer fagskuleutdanning i Sterilforsyning når ein blir oppmoda til det.

Vi har no ledig eit 100% vikariat frå snarast og til 31.12.2024

Arbeidsoppgåver

• Mottak, kontroll, vedlikehald, emballering og sterilisering av kirurgisk gjenbruksutstyr
• Arbeid på lokasjonar utanfor sjølve Sterilsentralen
• Kommunikasjon med dei ulike avdelingane i sjukehuset som nyttar Sterilsentralen sine tenester
• Etter opplæring og oppnådd tryggleik på alle arbeidsstasjonar, vil du også få ansvarsvakter
• Reinhald av lokala i Sterilsentralen
• Arbeidsoppgåvene vil endre seg i takt med utviklinga i faget og drifta
  

Kvalifikasjonar

• Det er ønskeleg med erfaring frå reinhald
• Det er ønskeleg at du har kjennskap til IKT som arbeidsverktøy
• Du må meistre norsk både munnleg og skriftleg
• Du har interesse for helse, hygiene og pasientsikkerheit og søker meir kunnskap om fagområda
• Du er kvalifisert for opptak til fagskuleutdanninga

Personlege eigenskapar

• Du må vere eigna for oppgåvene
• Du arbeider nøye og strukturert - også under høg aktivitet
• Du er fleksibel, endringsvillig og kan arbeide både i team og aleine
• Serviceinnstilt og hyggeleg
• Du er i  god fysisk form, arbeidet kan vere krevjande for skuldre, nakke og rygg

Vi tilbyr

• Lønn iht gjeldande overeinskomst
• 3-delt turnus (dag, kveld og natt), med arbeid pt. kvar fjerde helg
• Fast mentor
• Ein god arbeidsplass med trivelege, svært erfarne og kunnskapsrike kollegaer
• Kurs og oppdateringar
  

Vi oppfordrar alle søkarar til å nytte Vitnemålsportalen for å laste opp vitnemål og karakterutskrifter.         
Ved å bruke Vitnemålsportalen sikrar du at dokumenta dine er verifiserte og oppdaterte. Du finn meir informasjon om korleis du brukar Vitnemålsportalen på www.vitnemålsportalen.no. Har du har tatt utdanning i utlandet, må du legge ved godkjenning frå UDIR/Direktoratet for høgare utdanning og kompetanse (HR-dir) i søknaden. Om du ikkje finn alle dine relevante vitnemål i Vitnemålsportalen, kan du laste dei opp som eigne vedlegg til søknaden.

Kontaktinformasjon

Vigdis Haram, Seksjonsleiar, 55976246

Arbeidsstad

Haukelandsveien 22

5021 Bergen

Nøkkelinformasjon:

Arbeidsgivar: Helse Bergen


Referansenr.: 4864765167

Stillingsprosent: 100%

Vikariat

Søknadsfrist: 10.10.2024