Sokneprest i Sunnfjord prosti, med Florø som tenestestad

Vi har to ledige stillingar som sokneprest i Florø med tenestestad i Bru, Eikefjord, Kinn og Nordal sokn.

Hjå oss har vi ein småbyen sine gleder og storbyen sine utfordringar: dugnadsånd og samarbeid, men også utanforskap og einsemd. Vi søkjer etter ein prest som ynskjer å bygge kyrkjelyd, møte folk der dei er i livet og skape inkluderande fellesskap. Her vil du møte utfordringar og utvikle deg som prest.

Det er om lag 12.000 innbyggjarar i denne delen av Kinn kommune, av desse bur om lag 10000 i byen. Av innbyggjarane er 80% medlemar i Den norske kyrkja. I kommunen står dei havrelaterte næringane sterkt – t.d. havbruk, verfts-, fiske- og oljeindustri. Heile 2/3 av arbeidstilknytninga i kommunen er i det private næringslivet og i indre er ein del knytt til landbruk. Kommunen har variert natur og gode høve for eit aktivt friluftsliv. Det er eit breidt spekter kultur- og fritidstilbod i Florø med kor, korps og kulturskule. Frå Florø er det gode kommunikasjonar, flyplass (Oslo 1 t/Bergen 30 min) og fleire daglege avgangar med ekspressbåt til Bergen.

Sokna er kjenneteikna av at vi har byen og i tillegg småbygdene og øyane. Vi har 5 kyrkjer. Mellomalderkyrkja på Kinn er ein av nøkkelstadane på kystpilegrimsleia, og der vert Kinnaspelet framført kvart år.

Vi søkjer ein sokneprest til ei variert og allsidig presteteneste. Vi ynskjer ein som trivst med å arbeide med barn og unge. Denne stillinga vil kunne passe for ein som er nyutdanna.

Staben har nye kontor i eit eige Kyrkjetorg sentralt i Florø. Her er nyoppussa og funksjonelle lokaler. Kyrkjetorget vart etablert i 2024 og aktivitetstilbodet her er under oppbygging. Ved kontoret arbeider det 3 prestar, 2 organistar, 2 trusopplærarar i 50% stilling, sekretær og dagleg leiar. Vi har tilsett fleire nye medarbeidarar siste året.

Prosten leiar prestetenesta i prostiet og kallar jamleg prestane inn til fagsamlingar. Sunnfjord prosti omfattar 6 kommunar og har 17 sokn. Det er 15 prestar i prostiet.

Det er ein fordel å ha førerkort og disponere eigen bil.

Det vil bli utarbeida ei offentleg søkjarliste etter offentleglova § 25, jf. kyrkjeordning for Den norske kyrkja § 42. Dersom du ønskjer unnatak for denne, må du grunngje det i søknaden. Søkjarlista kan bli offentleg sjølv om du ber om unnatak. Grunnlag for handsaming etter personvernforordninga er artikkel 6 nr. 1 bokstav b og artikkel 9 nr. 2 bokstav b og g.

Bjørgvin bispedøme skal vere ein arbeidsplass med rom og respekt for mangfald, uavhengig av kjønn, alder, etnisk bakgrunn, seksuell orientering og funksjonsevne.
Vi oppfordrar alle kvalifiserte kandidatar til å søke. Den som blir tilsett må vise tilfredsstillande politiattest (barneomsorgsattest) jf. politiregisterloven § 39 jf. trossamfunnsloven § 20. 

Vi ber om at søknad med CV, vitnemål og referansar vert sendt elektronisk via Webcruiter. 

Arbeidsoppgåver

• Gudstenester og kyrkjelege handlingar
  
• Konfirmantundervisning
  
• Trusopplæring i lag med trusopplærarar
  
• Soknerådsarbeid
  
• Diakonalt arbeid retta mot innvandrarar og eldre kan inngå som ein del av stillinga
  
• Stillinga inngår i Den norske kyrkja si ordning for beredskap

Kvalifikasjonar

• Cand. theol. med praktikum eller tilsvarande/master i teologi med praktikum
  
• Medlemskap i Den norske kyrkja
  

Personlege eigenskapar

• Evne og vilje til samarbeid 
• Gode formidlingsevner
• Har eit ønskje om å byggje relasjonar og motivera frivillige
• Søkjar må og kunne samarbeide liturgisk med kollegaer uavhengig av kjønn eller teologisk usemje

Vi tilbyr

• Stillingskode 1555 sokneprest etter KA sitt tariffområde
  
• Pensjonsinnskott i KLP
  
• Reiseutgifter godtgjort etter gjeldende regulativ
  
• Til løna kjem særskilde regulativmessige godtgjersler
  
• Arbeidsvegleiing (ABV)

Kontaktinformasjon

Knut Magne Nesse, Prost i Sunnfjord, 91713275

Therese Nesse Mokkelbost, HR-sjef i Bjørgvin bispedøme, 93612276

Arbeidsstad

Strandgata 43

6905 Florø

Nøkkelinformasjon:

Arbeidsgivar: Den norske kirke


Referansenr.: 4868908575

Stillingsprosent: 100%

Fast

Søknadsfrist: 10.11.2024