Vikariat som fastlege ved Skjåk legesenter

Skjåk kommune har ledig vikariatstilling som fastlege i 80% stilling frå d.d. til 01.05.2025.

Vikariatet kan bli forlenga. Fastlegeheimelen har for tida ansvar for 630 listepasientar og akutthjelp på dagtid frå legekontoret, andre kommunale oppgåver etter nærare avtale -- per nå helsestasjonsarbeide 2-3 timar per veke. I tillegg blir du ein del av det regionale legevaktsamarbeid mellom dei 6 kommunane i Nord-Gudbrandsdalen. Den regionale legevakta er lokalisert ved Nord-Gudbrandsdal lokalmedisinske senter på Otta.

Skjåk legesenter er lokalisert på kommunehuset i Bismo med 3,2 legeheimlar og LIS1 (turnuskandidat).

Krav til kompetanse

• norsk autorisasjon som lege

• gjennomført norsk turnusteneste

• gode faglege kvalifikasjonar, evne til samarbeid og samhandling

• gode kommunikasjonsevner

• det er ein føresetnad at søkjar meistrar norsk språk godt, både skriftleg og munnleg

• søkjar må ha førarkort

• ved tilsetting blir det lagt vekt på personlege eigenskapar

Vi tilbyr

• Tilsetting på kommunale vilkår med fastløn etter avtale

• Tilrettelegging for spesialisering i allmennmedisin

• Regelmessig rettleiing gjennom heile tilsettingsperioden

• Eit arbeidsmiljø med fokus på trivsel, samarbeid og fagleg utvikling

• Pensjonsordning i KLP

Ved tilsetting er det krav om politiattest.

Kommunen kan hjelpe til med å skaffe bustad

For nærare opplysingar, ta kontakt med kommuneoverlege Sondre Bøye, 482 94 126, eller tenesteleiar for helse Eli Skjåk Teigum 902 41 735 .

Søknadsfrist 28. november 2024

• Elektronisk søknadsskjema

• Søkjarlista vil bli offentleggjort. Skjåk kommune praktiserer meiropenheit ved tilsetjingar. Dette inneber at du som søkjar må grunngje særskilt om du ønskjer unntak frå offentlegheit.

Kommunedirektøren