Seksjonsleiar Anestesi Førde

Avdeling for AIO har ledig ei spennande og utfordrande leiarstilling for Anestesi Førde. Har du lyst til å ta leiaransvar og bidra til å utvikle anestesiseksjonen vidare?

Vi søkjer etter ein nytenkjande, framtidsretta og løysingsorientert seksjonsleiar, som med sin veremåte bidrar til eit positivt og godt arbeidsmiljø. Du er engasjert, opptatt av leiarskap, tar ansvar og samarbeider godt både internt og eksternt. 
Seksjonsleiar må bidra til å forvalte ressursane til det beste for pasientane, Avdeling AIO og føretaket. Dagens samfunn er i hurtig endring, og vi må innan alle område tilpasse/endre oss for å møte framtida - vi skal vere framtidsretta og innovative.  

Avdeling for AIO er organisert i 7 seksjonar - anestesi, intensiv, operasjon Førde, operasjon Lærdal, dagkirurgi, sterilsentral og anestesilegar.  Anestesiseksjonen i Førde har 30 stillingar inkludert seksjonsleiar og fagutviklar. Vi har i dag aktivitet innan fagområda ortopedi, gastro-/endokrin-/proktologi-/plastikk-kirurgi, urologi, Ønh og gynekologi, samt utpost. 

Anestesisjukepleiarane er del av sjukehuset sin akuttberedskap, traume- og stansteam. 

Vi har i haust flytta inn i ny, moderne operasjonsavdeling med 10 operasjonsstover. Det er lagt vekt på smarte og effektive løysingar som skal fremje god pasient- og utstyrsflyt, samt eit godt arbeidsmiljø.

Seksjonsleiar vil ha ei viktig oppgåve med å forbetre og fornye arbeidsprosessar i samarbeid med brukarane og dei andre seksjonane i avdelinga. Det er forventa at ny operasjonsavdeling skal bidra til å effektivisere drifta.

Tryggleik, kvalitet og kompetanse i ei høgteknologisk avdeling er vårt fokus i møte med pasienten. Godt samarbeid/kommunikasjon med alle brukarar av våre tenester og støttepersonell er avgjerande for å få gode pasientløyper/gode helsetenester.

Arbeidsoppgåver

• Ansvar for god og sikker drift av anestesiseksjonen 
• Økonomi, fag, personal- og resultatansvar for heile seksjonen
• Ansvar for kompetansekartlegging, rett fagleg utvikling av dei tilsette og å leggje til rette for forsking
• Ansvar for god ressursstyring, sikre fagleg forsvarlege tenester, pasienttryggleik og kvalitet/internkontroll i seksjonen
• Delta i tenesteutvikling, spesielt som følge av arbeidet med Nye Førde sjukehus
• Delta i regionale og nasjonale utval
• Mål og handlingsplanar innanfor gjeldande rammer og strategiar
• Tett samarbeid med dei andre seksjonane i avdelinga, samt andre avdelingar i Helse Førde.
• Aktiv deltaking i leiargruppa med eit overordna perspektiv på avdelinga sine oppgåver og utvikling 
  

Kvalifikasjonar

• Relevant helsefagleg utdanning, fortrinnsvis anestesisjukepleiar
• Relevant leiararutdanning og/eller -erfaring
• Det er ønskjeleg med erfaring frå prosjekt- og endringsarbeid, samt med leiing og utvikling av team
• Det er ønskjeleg med erfaring frå samarbeid på tvers av både yrkesgrupper og avdelingar
• Gode evner til saksførebuing og skriftleg framstillingsevne
• God kjennskap til turnus- og arbeidstidsplanlegging

Personlege eigenskapar

• Evne til å gjere andre gode, er engasjert og engasjerer andre
• Motivasjon og interesse for fagfeltet, leiing og kvalitet for pasientane våre
• Tydeleg og strukturert som leiar, og har ein inkluderande leiarstil 
• Bidreg positivt til eit fagleg og kollegialt godt miljø
• Gode samarbeidsevner
• Nytenkjande, framtidsretta og løysingsorientert
• God i formidling
• Bidrar til å skape eit godt, trygt og lærande arbeidsmiljø
• Lojal mot overordna mål og styringssignal i avdelinga/føretaket

Vi tilbyr

• Ein spennande og utfordrande jobb
• Bli del av avdelinga si leiargruppe
• Nye og moderne arbeidslokaler og eit fagfelt i utvikling
• Lønn etter avtale
• Gode pensjons- og forsikringsordningar

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Bjørn Morten Øen, Avdelingssjef, +47 902 06 100

Arbeidssted

Svanehaugvegen 2

6812 Førde

Nøkkelinformasjon:

Arbeidsgiver: Helse Førde


Referansenr.: 4875371146

Stillingsprosent: 100%

Fast

Søknadsfrist: 15.01.2025