Ergoterapeut

Vinje er kommunen for deg som søkjer vakre naturopplevingar!

Du som likar å jakte, fiske og drive med ulike friluftsaktivitetar
Du som trivst best i slalombakken, i langrennsløyper innover vidda eller på høge toppar
Du som blir lokka av det nære og trygge
Du som trivst i eit lokalmiljø der ting skjer
Du som vil få til noko
- Du kjem til å trivast her i Vinje! 

Vinje kommune ser etter ein ny ergoterapeut til vår fagleg engasjerte og trivelege fysio-ergoterapi avdeling, da vår gode kollega skal ut i svangerskapspermisjon. Me er ei avdeling som set faglegheit og trivsel høgt! Hjå oss får du ein spanande arbeidskvardag i eit godt arbeidsmiljø. Tverrfagleg samarbeid er viktig for oss, og me er stolte av å ha høg kompetanse i alle ledd av dei kommunale tenestene. Vinje kommune er positiv til kreative utviklings- og fornyingsidear, og du har store moglegheiter til å påverke arbeidskvardagen din.
Fysio- og ergoterapiavdelinga er organisert  under verksemda helse og førebygging, saman med legekontor, helsestasjon- og skulehelsetenesta, kommunepsykolog og det interkommunale jordmorsamarbeidet. Avdelinga består i dag av 3 kommunale fysioterapeutar, 2 ergoterapeutar og 3 fysioterapeutar med driftstilskot.
 

Arbeidsoppgåver

• Førebyggjande og rehabiliterande tiltak ovanfor menneske i alle aldrar som har eller kan få vanskar med daglege aktivitetar, i eigen heim og i institusjon
• Tverrfagleg samarbeid, i tett kontakt med kommunens øvrige tenesteapparat
• Rettleiing og rådgjeving til pasientar, pårørande og andre samarbeidspartnarar
• Kontakt med hjelpemiddelsentralen og ansvar for oppfylgjing, formidling og tilpassing av hjelpemiddel til kommunens brukarar
• Tilrettelegging av bustad og rettleiing for at brukar skal kunne bu lengst mogleg i eigen heim
• Lærings- og meistringskurs gjennom Frisklivssentralen
• Helsefremmande og førebyggjande arbeid i form av mellom anna inspirasjonsdagar og pårørandekurs 
• Utvikling av tenesta

Kvalifikasjonar

• Autorisasjon som ergoterapeut 
• God digital kompetanse
• Førerkort klasse B
• God framstillingsevne i norsk, skriftleg og munnleg

Det er ynskjeleg med
- Veiledningskompetanse, individuelt og i gruppe
- Erfaring fra kommunehelsetenesta

Personlege eigenskapar

• Du har gode samarbeidsevner
• Du har fagleg engasjement og evne til å bidra i fagleg utvikling
• Du har godt humør, likar utfordringar og er løysningsorientert
• Du er fleksibel og omstillingsdyktig
• Du har evne til å arbeide både sjølvstendig og i team
• Du har gode kommunikasjons- og samhandlingsevner
  

Vi tilbyr

• Særs gode kollegaer
• Eit arbeidsmiljø prega av høg kompetanse, fagleg trygge og dyktige arbeidskollegaer
• Rom for fagleg utvikling
• Løn etter lokal tariff, i tillegg til rekrutteringstillegg og tillegg for pasientretta arbeid 
• Bilgjodtgjersle for å bruke privat bil i tenesta 
• Gratis skulemat
• Gratis SFO 1.-3. klasse
• God forsikrings- og pensjonsordning
• Aktivitetskortordning med gåvekort, og mogelegheit for å vinne flotte premiar
• Me kan vera behjelpeleg med å skaffe bustad

I Vinje kommune er det offisielle styringsmålet nynorsk. Alle tilsette pliktar å nytte nynorsk skriftspråk i tenesta. 
I samsvar med offentleglova § 25 kan namn på søkjarane offentleggjerast. 

Vinje kommune er oppteken av mangfald, og ynskjer at tilsette i kommunen reflekterer mangfaldet i lokalsamfunnet. Me oppmodar alle kvalifiserte kandidatar til å søkje uansett alder, kjønn, funksjonsevne eller kulturell bakgrunn.

Kontaktinformasjon

Elisabet Smalås Haagensen, Avdelingsleiar friskliv, fysio- og ergoterapitenesta, +47 40903666

Arbeidsstad

Vinjevegen 212

3890 Vinje

Nøkkelinformasjon:

Arbeidsgivar: Vinje kommune


Referansenr.: 4885489576

Stillingsprosent: 100%

Vikar

Startdato: 16.12.2024

Sluttdato: 25.10.2025

Søknadsfrist: 01.12.2024