Ledig stilling

Lærdal er ein spennande kommune i Indre Sogn med trøkk, tru og fokus på vekst og utvikling.I Lærdal kan du leva det gode liv saman med 2 200 andre lærdøler. Vår vakre bygd inst i Sognefjorden ligg midt mellom Oslo og Bergen.
Store fjell- og utmarksområde byr på eit aktivt friluftsliv. Lærdal er ei kulturbygd med ein rik kulturarv.
Vi kan nemne Borgund stavkyrkje, dei historiske vegane og gamle Lærdalsøyri.

 

Me har 30% fast stilling som brukarstyrt personleg assistent. Stillinga er hjå ei dame.

Stillinga kan kombinerast med 70% stilling i heimebasert omsorg slik at stillinga vert 100%. 

I tillegg treng me tilkallingsvikarar til same tiltak.

I stillinga vil du:

• inngå i turnus saman med andre
• arbeidstida er hovudsakleg på utvalde vekedagar frå kl 10.30-16.00
• må pårekne noko vakter på ettermiddag/kveld ved planlagde reiser

Personlege eigenskapar og kvalifikasjonar:

Arbeidsoppgåvene er allsidige med både praktiske og personlege gjeremål. Det vert lagt vekt på personlege eigenskapar som:

• positiv haldning
• gode samarbeids- og kommunikasjonsevner
• fleksibilitet og løysingsorientert
• evne og ynskje om å tileigne seg ny kunnskap og nytte dette aktivt i arbeidet
• gode norskkunnskapar munnleg og skriftleg, minimum B2
• like å lage mat
• rydding og erfaring med hushald
• førarkort kl B

Me søkjer ein person som er positiv, motiverande og har godt humør. 

Me kan tilby:

• opplæring
• meiningsfulle og utfordrande arbeidsoppgåver
• god pensjons- og forsikringsordning

Den som vert tilsett må leggje fram gyldig politiattest (ikkje eldre enn 3 månader). Politiattest skal ikkje leggjast ved søknaden, men ved tilsetjing.

Lønnsvilkår:

• lønn etter tariff
• pensjonsordning med 2 % innbetaling til KLP

Link til søknadsskjema: Søk her