Leiar i næringseininga

Stillinga som leiar for næringseininga i Hareid kommune er ledig. Her får du prøvd deg på utfordrande arbeidsoppgåver som spennar frå overordna ansvar for næringsutvikling og hamn til å jobbe for auka bulyst og reiseliv. 

Vår nye medarbeidar trivst med varierte, utfordrande arbeidsoppgåver og eit høgt tempo. Du ivrar for bulyst og fleire innbyggjarar. Har du engasjement og initiativ? Finn du kreative og korrekte løysingar i utfordrande saker av ulik karakter? Ja, då kan du vere den vi ser etter. 

Næring er ei av seks einingar i sektor for samfunnsutvikling. Vi syt for inntekter til kommunen gjennom mellom anna tomteutvikling, og utvikling av reiseliv som næring. "Vekst i Hareid", folkehelsekoordinator/SLT, klima, miljø og berekraft ligg også til eininga vår. 

Arbeidsoppgåver

Du vil få overordna ansvar for næring, næringsteam, næringsfond og hamn. Rolla som hamnesjef ligg til stillinga. 
Sentrale oppgåver vil vere:

• personal-, økonomi- og budsjettansvar
• overordna ansvar som grunneigar av for ubygd eigedom i kommunen. I det ligg kjøp og sal av eigedomar, rettar, løyver til arrangement, torghandel og regelverk for dette, avtalar/kontraktar, evnt. tvistar og jordskiftesaker m.m. 
• utgreiingsarbeid, arbeid med malar, politiske saker og møte i politiske utval
• offentlege innkjøp
• næringsutviklingsarbeid, kontakt med næringsliv
• utvikling av bustadfelt og regelverk for og sal av kommunale tomter
• utvikling og sal av næringsområde
• utvikling av reiseliv som næring, m.a. cruise og cruisenettverk

Andre arbeidsoppgåver kan bli lagt til stillinga.

Kvalifikasjonar

• relevant høgare utdanning innan aktuelle fagområde t.d. jus, plan/eigedom eller offentleg forvaltning
• god skriftleg og munnleg framstillingsevne på norsk. Det vert nytta nynorsk skriftspråk i kommunen.
• førarkort kl. B

Vi ønskjer at du har erfaring og kjennskap til kommunale fagsystem, regelverk og organisering av offentleg forvaltning.

Utdanningskravet kan vi gå bort frå, om du har sterk og allsidig praksis frå aktuelle fagområder og er godt eigna til jobben.

Personlege eigenskapar

• fleksibel, proaktiv og open for nye utfordringar
• sjølvstendig, strukturert, initiativrik og løysingsorientert
• ansvarsbevisst med god gjennomføringsevne
• god på leiing, samarbeid, formidling og kommunikasjon  

Vi legg vekt på at du er godt eigna til stillinga. 

Vi tilbyr

• god arbeidsfelleskap med dyktige medarbeidarar og kollegaer
• meningsfulle arbeidsoppgåver med mulegheit til å påverke og utvikle både organisasjonen og lokalsamfunnet
• løn etter avtale, god pensjonsordning i KLP og fleksibel arbeidstidsordning
  

Kontaktinformasjon

Kai-Rune Bjørke, Kommunalsjef, +47 990 44 350

Arbeidsstad

Rådhusplassen 5

6060 HAREID

Nøkkelinformasjon:

Arbeidsgivar: Sektor for samfunnsutvikling


Referansenr.: 4887817657

Stillingsprosent: 100%

Fast

Søknadsfrist: 05.12.2024