Ergoterapeut

Ergoterapiavdelinga er ei avdeling i Ortopedisk klinikk som yter tenester til kliniske avdelingar i Helse Bergen, Haukeland universitetssjukehus. Vi legg vekt på ei god fagleg teneste, kontinuitet for pasientane og eit godt arbeidsmiljø for dei tilsette.

Ledig vikariat for ergoterapeut tilknytt Plastikkirurgisk avdeling og Revmatologisk avdeling

Vi har ledig vikariat for ergoterapeut i 60 - 80% stilling i seksjonen for plastikkirurgi og revmatologi. Hovuddelen av stillinga er tilknytt plastikkirurgisk avdeling, men ein må rekne med å behandle pasientar frå begge einingane. Dei fleste av pasientane ved plastikkirurgisk avdeling har gjennomgått operasjon etter skade eller sjukdom i handa og får poliklinisk oppfølging av ergoterapeut. Ein mindre del av pasientane er innlagd i sengepost. Ved revmatologisk avdeling får pasientane poliklinisk oppfølging av arm/handfunksjon, ortosebehandling, meistring av daglege aktivitetar og utfordringar knytta til utmatting. Ved begge einingane inngår ergoterapeuten i tverrfagleg team. Oppstart for vikariatet er 01.01.2025. 

Arbeidsoppgåver

• Kartlegging, behandling og rehabilitering av pasientar med handskade og revmatologisk sjukdom
• Forming og tilpassing av ortoser
• Vurdering, rettleiing og trening i daglege aktivitetar
• Kartlegging og rettleiing ved utmattelse (fatigue)
• Behandling i grupper
• Undervisning og rettleiing av pasientar, pårørande og tverrfagleg team
• Samarbeid med pasient, pårørande og anna helsepersonell
  

Kvalifikasjonar

• Norsk autorisasjon som ergoterapeut
• God kunnskap og interesse om handskadar og revmatologi
• Erfaring frå arbeid i spesialisthelsetenesta er ein fordel
• God skriftleg og munnleg framstillingsevne

Personlege eigenskapar

• Du har god fagleg vurderingsevne, arbeidar målretta og strukturert
• Du har evne til å arbeide raskt, sjølvstendig og effektivt
• Du har stor arbeidskapasitet og evne til å prioritere arbeidsoppgåver i ein travel kvardag
• Du har gode kommunikasjonsevner og samhandlar godt med pasientar, pårørande og kollegaer
• Du er fleksibel og trivast i eit aktivt og travelt miljø
• Du er personleg skikka til stillinga

Vi tilbyr

• Aktivt og triveleg arbeidsmiljø med hyggelege kollegaer
• Høgt fagleg nivå
• God opplæring
• Lønn i samsvar med gjeldande overeinskomst
• Gode pensjons- og forksikringsordningar

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Jorunn Ellingsen, Seksjonsleiar, 55975009

Bodil Stokke, Avdelingssjef, 55975008

Arbeidsstad

Haukelandsveien 22

5021 Bergen

Nøkkelinformasjon:

Arbeidsgivar: Helse Bergen


Referansenr.: 4887680206

Stillingsprosent: 60%

Vikariat

Startdato: 01.01.2025

Sluttdato: 30.06.2025

Søknadsfrist: 01.12.2024