Pianopedagog - 40% vikariat - Alver kulturskule

Om stillinga

Alver kulturskule har ledig 40 % vikariat som pianopedagog i perioden 21.01.2025 - 30.06.2025.

 Han/ho som får tilbod om stillinga vert tilsett i Alver kommune, med tenestestad Alver kulturskule. Dersom det vert endring av elevgrunnlag eller personalsamansetjing ved skulen må evt. endring av undervisningsstad og stillingsinnhald kunne påreknast. Han/ho som blir tilsett har ôg plikt til oppmøte på stabs- og planleggingsmøta i kulturskulen som ein del av stillinga, talet møte vert rekna ut etter stillingsstorleik. 

Om Alver kulturskule

Kulturskulen i Alver er ein viktig del av kulturlivet i kommunen og har eit personale med svært høg kunstfagleg og pedagogisk kompetanse. Kulturskulen har i dag om lag 750 elevplassar innan kunstformane musikk, teater, dans og visuell kunst og er ein samarbeidspart for dei ti skulekorpsa i kommunen. Undervisninga er desentralisert, men hovuddelen av undervisninga vår finn stad på Manger, Frekhaug og i Knarvik og finn stad etter grunnskulen sin undervisningsdag.  

Arbeidsoppgåver

Undervisning av einskildelevar, prosjekt i grupper og samspel i tillegg til samarbeid med andre kulturskuledisiplinar og lokalt lagsliv. Akkompagnement av både nybyrjarar og vidarekomne elevar på ulike instrument/songarar, prøvespel kan verte aktuelt. Samspel. Deltaking i felles kulturskuleprosjekt; konsertar og framsyningar både lokalt og regionalt. 

Ønskt kompetanse

Relevant kulturfagleg og pedagogisk høgskuleutdanning med piano som hovudinstrument. 
Relevant erfaring som pianopedagog og akkompagnatør innan skuleslaget. 

Personlege eigenskapar som engasjement og initiativ, og glede i å undervise born og unge vert vektlagt. 

Me har norsk som undervisningsspråk og er ein nynorskkommune.

Vi tilbyr

Løn etter lov og avtaleverk.
God pensjonsordning