Assistent - 63% mellombels - Sagstad skule

Om stillinga

Sagstad skule har frå 01.01.2025 ledig ei mellombels stilling som assistent i 63% stilling fram til 31.07.2025. Det er og rom for å auke stillinga ved å jobbe som tilkallingsvikar i SFO.

Vi søkjer ein engasjert og omsorgsfull person som kan bistå elevar med personleg assistanse, slik at dei kan delta i opplæringa og få eit tilfredsstillande utbytte av skulekvardagen.

Sagstad skule er ein barneskule som ligg nær Frekhaug senter, på søre del av Holsnøy i Alver kommune, med god kollektivtransport til og frå Bergen. Skulen har 468 elevar fordelt på 24 klassar, og eit personale på om lag 70 tilsette. Me har eit stort fokus på inkluderande læringsmiljø og trivsel for både elevar og tilsette.

Arbeidsoppgåver

Arbeidet som assistent vil variere og vere knytt til praktisk hjelp og bistand som:

• Hjelp til å følgje med i opplæringa og i skulefaglege aktivitetar.
• Støtte under sosiale aktivitetar i friminutta.
• Assistanse med kommunikasjon, flytting, bering av sekk og utstyr.
• Hjelp med praktiske behov som av- og påkledning, måltid og toalettbesøk.

Arbeidsoppgåvene vil vere tilpassa behova til den enkelte eleven og krev fleksibilitet.

Ønskt kompetanse

Vi ønskjer ein søkjar som:

• Har erfaring frå arbeid med barn eller elevar i skulekvardagen.
• Er omsorgsfull, tålmodig og god på å bygge relasjonar.
• Kan arbeide sjølvstendig, men òg samarbeide godt med lærarar og andre tilsette.
• Har evne til å sjå kvar enkelt elev sine behov og tilpasse seg situasjonen.
• Har moglegheit til å tiltre stillinga raskt

Tidlegare erfaring med liknande arbeid er ein fordel, men personlege eigenskapar vil bli vektlagt.

I tråd med opplæringslova vert det stilt krav om politiattest ved tiltrede

Vi tilbyr

• Løn og arbeidsvilkår etter gjeldande lov- og avtaleverk.
• Eit inkluderande og støttande arbeidsmiljø.
• Moglegheiter for å bidra til utvikling av ein spennande og viktig rolle i skulekvardagen.