Lærar med realfagkompetanse - vikariat

Er du ein engasjert og autoritativ lærar med realfagleg bakgrunn, håpar me at du søkjer deg til oss ved Åmot skule. Me har ledig eit vikariat i 100% stilling, med moglegheit fast tilsetjing. 

Åmot skule ligg sentralt i Åmot, i Vinje kommune. Me er ein 1-10 skule med om lag 160 elevar frå alle verdas hjørne. Me ynskjer oss ein lærar som er tydeleg, inkluderande og har ein autoritativ lærarstil, med hjarte for faget. Ved vår skule vil du få høve til å utvikle deg som lærar både i klasserommet og i fagfellesskapet med andre pedagogar og fagarbeidarar. 

Arbeidsoppgåver

• Sikre at elevane våre får høg kvalitet på opplæringa i eit trygt og inkluderande læringsmiljø
• Sørge for læring og progresjon for den einskilde elev, gjennom tilpassa opplæring
• Aktiv deltaking i skulen sitt pedagogiske utviklingsarbeid
• Bidra i eit kollektivt læringsfellesskap, med god delingskultur
• Forpliktande team- og avdelingssamarbeid
• Samarbeid med leiinga, føresette og andre aktuelle instansar

Kvalifikasjonar

• Godkjend lærarutdanning innanfor realfaga matematikk og naturfag, andre fag kan òg bli vurdert 
• Erfaring frå grunnskule og vidaregåande
• Spesialpedagogisk erfaring er eit ynskje, men ikkje eit krav 
• Kunnskap og forståing om lese-, skrive- og reknevanskar
• Gode digitale ferdigheiter og bruk av digitale verkty i undervisninga
• Me nyttar Visma flyt timeplan og Visma skole
• Søkjarar må ha meget gode munnlege og skriftlige ferdigheiter i norsk
• Personlege eigenskapar vil bli vektlagt

Personlege eigenskapar

• Du er glad i å jobbe med barn og unge - inne som ute
• Du har gode mellommenneskelege ferdigheiter
• Du er ein tydeleg og raus klasseleiiar
• Du beherskar ulike læringsstrategiar og tilpassa opplæring
• Du er profesjonell i møte med elevar, føresette og andre samarbeidspartnarar 
• Du er lære- og samarbeidsvillig 
• Du likar å halde deg fagleg oppdatert 
• Du er engasjert, kreativ og løysingsorientert 
• Du har evne til å ta og gje ansvar 
• Du fremstår som ein vaksen rollemodell, som møter elevar tydeleg og vennleg
  

Me tilbyr

• God forsikrings- og pensjonsordning
• Ein attraktiv arbeidsplass med godt arbeidsmiljø og engasjerte tilsette
• Løn etter lokal lønnstabell
• Aktivitetskortordning med gåvekort, og mogelegheit for å vinne flotte premiar

I Vinje kommune er det offisielle styringsmålet nynorsk. Alle tilsette pliktar å nytte nynorsk skriftspråk i tenesta. 
I samsvar med offentleglova § 25 kan namn på søkjarane offentleggjerast. 

Kontaktinformasjon

Renate Øien, Verksemdsleiar, +47 40452948

Arbeidsstad

Skulevegen 10

3890 Vinje

Nøkkelinformasjon:

Arbeidsgivar: Vinje kommune


Referansenr.: 4890275599

Søknadsfrist: 06.01.2025