Brannkonstabel

Bremanger brann og redning har ledig to deltidsstillingar som brannkonstabel ved brannstasjonen i Svelgen. Bremanger brann og redning er organisert med fem brannstasjonar og tre depot, og har om lag 55 deltidsmannskap. Alle mannskapa i Bremanger brann og redning har plikt til å bere radio.

Arbeidsoppgåver

Deltidsbrannkonstabelen vert utkalla ved brann/ulukke etter behov. Det er krav til ca. 8 øvingar à 3 timar pr. år. Brannkonstablane ved Svelgen stasjon er utan fast vaktordning, men har plikt til å bere radio og møte på utalarmeringar så sant dei har høve. 

Kvalifikasjonar

• Arbeidsstad og bustadadresse innanfor rimeleg tid frå brannstasjonen
• Må oppfylle fysiske og medisinske krav til røykdykking
• Førarkort kl B.
• Skriftleg godkjenning frå hovudarbeidsgjevar
• Vere villig til å gjennomføre nødvendig opplæring/kurs som brannsjefen pålegg
• God samarbeidsevne og fleksibilitet
• God norskkunnskap, munnleg og skriftleg

Ynskjeleg:

• Førarkort klasse C og utrykkingsførarkort kode 160 for køyring av brannbil
• Fyrstehjelpskompetanse
• Bakgrunn innan beredskap, redning og tryggleik.
  

Aktuelle søkjarar må gjennomgå helsesjekk og fysisk test før tilsetjing.
Den som får stillingane må legge fram helse- og politiattest.  

Vi tilbyr

• Eit godt arbeidsmiljø der du vil møte gode kollegaer med godt humør og stå på vilje.
• God pensjon og gode lånevilkår gjennom medlemskap i pensjonsordning. SPK.no - Statens pensjonskasse for undervisningspersonale og KLP.no - Kommunal Landspensjon for andre. Ordningane ein får tilgang på kan bety mykje gjennom livsløpet.
• Gode personforsikringar i arbeid og fritid.
• Gode moglegheiter for vidareutdanning, fagleg og personleg utvikling. Etter nærare avtale kan etter- og vidareutdanning gjennomførast med kompensasjon frå arbeidsgivar.
• Arbeidsgjevar dekker kostnadar til arbeidsklede, jf lokal avtale.
• Senioravtale for tilsette over 62 år.  Undervisningspersonale får 100 % løn med 80 % arbeidstid.  Andre tilsette får 2 ekstra veker fritid, dvs totalt 8 veker ferie og fritid!
• Mentorordning for nyutdanna undervisningspersonalet, god opplæring og oppfølging til nytilsette.
• Tilsette i turnusordning får vere med på planlegging av si eiga arbeidstid og fritid. Kan vere muleg med langvakter.
• Startpakke for nytilsette. Startpakka består av eit årleg tilskot på kr. 30.000,- pr år i inntil fem år.
• Rekrutteringstilskot til sjukepleiarar og vernepleiarar med kr. 30.000,-  pr år inntil 10 års ansiennitet.
• Hjelp til å finne bustad og barnehageplass.
• Gratis barnehage. Løpande barnehageopptak gjennom året!
• Gratis 12 timar SFO i veka for 1-3 klasse.
• Sjå ledige bustadtomtar i kommunen.
• Tilskot til bustadbygging Tilskotet er sett til kr 200 000 for bustadhus og kr 50 000 for kjøp av nybygt bustad i fleirbustadbygg.      

Kontaktinformasjon

Robert Endestad, Leiar for brannberedskap, +47 90124335

Arbeidsstad

6723 Svelgen

Nøkkelinformasjon:

Arbeidsgivar: Bremanger kommune


Referansenr.: 4862020251

Stillingsprosent: 1%

Fast

Søknadsfrist: 10.01.2025