Er du vår nye Helsefagarbeidar?

Vi har ledig stilling i det vi meiner er verdas beste jobb – heilt ærleg!

Er du helsefagarbeidar og har lyst på ei fast stilling på 80% ved vår hjarte-/lunge-/gastro-sengepost? Då vil vi veldig gjerne høyre frå deg! 

Sengeposten vår er ei avdeling med 24 sengeplassar og mange erfarne og fagleg gode helsefagarbeidarar  og sjukepleiarar.  I tillegg har vi helsefagarbeiderlærling og sjukepleiarstudentar.

Vi har eit godt arbeidsmiljø med ein trygg og open kommunikasjon. Du vil bli tatt god imot som ny. Vi har regelmessige fagdagar og jobbar kontinuerleg med å oppretthalde  ein høg fagleg standard.

Hos oss møter du ei variert pasientgruppe, med både hjartepasientar, lunge- og gastropasientar, og pasientar med mange ulike medisinske diagnosar. Denne breidda gjer at det alltid er noko nytt å lære, og det bidrar til ein arbeidskvardag som både er utviklande og spanande.

Stord byr på vakker natur som inviterer til unike naturopplevingar og eit mangfald av aktivitetar for både born og vaksne. Her finn du alt frå flotte turløyper til eit breitt tilbod innan ulike idrettar. Kulturlivet blomstrar med eit rikt og variert program, og for dei som ønskjer gode utdanningsmoglegheiter, kan Stord skilte med både vidaregåande skular og Høgskule.

Kommunikasjonen er framifrå – både nordover til Bergen og Flesland, og sørover til Stavanger. I tillegg har Stord sin eigen flyplass med gode ruter til Oslo, noko som gjer det enkelt å reise.

Om det skulle bli intern søknad og tilsetjing, kan andre stillingsstorleikar bli ledige. Dersom dette er aktuelt for deg, hugs å oppgje det i søknaden.

Ta gjerne kontakt med oss dersom du har spørsmål om stillingene. Grip sjansen og søk i dag! Vi ønskjer å høyre frå deg! 

Arbeidsoppgåver

• Gi god omsorg til pasient og pårørande
•  Bidra til å gjennomføre naudsynlege tiltak i samarbeid med ansvarleg sjukepleiar
• Dokumentere naudsynleg informasjon i samarbeid med ansvarleg sjukepleiar
• Bidra til at pasientar mottar naudsynleg omsorg og pleie
  
• Ansvar for generelt postarbeid
• Oppfølging av lærlingar

Kvalifikasjonar

• Norsk autorisasjon som helsefagarbeidar
• Ha gode IKT-kunnskapar
• Gode språkkunnskapar er heilt avgjerande for forsvarleg pasientbehandling. Ikkje-nordiske statsborgarar må minimum ha bestått Bergenstesten eller anna norsktest på B2-nivå. Dokumentasjon må leggjast ved søknad

Personlege eigenskapar

Hos oss er det viktig at du:

• er pasientorientert
• arbeidar sjølvstendig
• har høg arbeidsmoral
• bidrar til eit godt arbeidsmiljø
• trivast i eit aktivt og travelt miljø
• kommuniserar og samarbeider godt med pasientar, pårørande og kollegaer

Vi tilbyr

• Positivt og triveleg arbeidsmiljø
• Høgt fagleg nivå, stor bredde på medisinske problemstillingar
  
• Ein arbeidsplass som er ei inkluderande arbeidsliv-bedrift (IA-bedrift)
• Dersom intern søknad og tilsetjing kan det verte ledig andre stillingsstorleikar

Kontaktinformasjon

Anne Grete Solli, Funksjonsleiar - lunge/hjerte sengepost, +47 91727832

Arbeidsstad

Tysevegen 64

5416 STORD

Nøkkelinformasjon:

Arbeidsgivar: Helse Fonna HF


Referansenr.: 4897053685

Stillingsprosent: 80%

Fast

Søknadsfrist: 31.12.2024