Sommarvikarar 2025

Sommarvikarar 

Ute er det surt, men me har begynt å tenkje på sommarturnusen;)

Gulen kommune har behov for ferievikarar sommaren 2025 i sone Brekke, Byrknes og Dalsøyra (Sone BBD). Søkjarane må skrive i søknaden om det er periodar dei ikkje kan jobbe i sommar/eventuelt andre avgrensingar, samt om ein ynskjer å jobbe i spesielle avdelingar (Brekke, Byrknes eller Dalsøyra). I hovudsak er det snakk om arbeid i perioden: veke 25- 33.

Kommunen har, for tida, ekstra tillegg på helg.

Arbeidsoppgåver 

• Pleie og omsorg i heimetenestene

Kvalifikasjonar 

• Vi ynskjer sommarvikarar som vert motivert av å gje ein god og stabil kvardag for bebuarane og alle er velkomne til å søkje; både med og utan helsefagleg bakgrunn. Det vil verte gjeven opplæring. Søkjarar med helsefagleg bakgrunn/utdanning vil verte prioritert.
• Dei som skal jobbe i heimetenestene må ha førarkort klasse B 
• Må kommunisere godt på norsk - både munnleg og skriftleg

Personlege eigenskapar 

• Vi ynskjer ferievikarar som er fleksible, stabile, tar initiativ og ynskjer å bidra til å gje gode tenester til brukarane
• Kan bidra til eit godt og stabilt arbeidsmiljø
• Å vere personleg eigna kan verte vektlagt ved tilsetjing

Anna 

• Tenestespråket i Gulen kommune er nynorsk
• Tilsetjing etter gjeldande lover, føresegner og avtalar
• For tilsetjing innan pleie og omsorg, Miljøteneste, i skule og i barnehage, vert det stilt krav om politiattest
• Vi gjer merksam på at søkjarlister med namn, kjønn, alder og noverande stilling er offentleg informasjon. Dersom søkjarar likevel ber om konfidensiell handsaming, og grunnen for å unnta offentleggjering ikkje vert godkjent, får søkjen høve til å trekke søknaden sin før offentleggjering
• Løn etter tariff