Miljøarbeidarar

Habiliteringstenesta har ledig følgjande faste miljøarbeidar stillingar:

• 1 stilling på 73% med langvakter og tredjekvar helg.
• 1 stilling på 80% med kveld-, langvakter og tredjekvar helg
• 1 stilling på 90% med langvakter og tredjekvar helg
• 1 stilling på 100% med langvakter, og tredjekvar helg.
• 1 stilling på 98 % med dagvakter, langvakter og tredjekvar helg.

Oppstart etter avtale. 

Habiliteringstenesta i Bømlo kommune gjev tilbod til personar med utviklingshemming som har behov for omfattande og langvarige tenester. Me har for tida 126 årsverk som yt heildøgnstenester til personar i 10 burettslag, samt dagtilbod. Me søkjer positive og fleksible medarbeidarar.

Arbeidsoppgåver

• Utføra tiltak og prosedyrar med fokus på målretta miljøarbeid.
• Yta praktisk bistand til rettleiing i dei daglege gjeremåla, samt leggja til rette for god omsorg og utvikling for den einskilde brukar.
• Journalføring og arbeid opp mot gjeldande loverk.
• Stillinga rapportera til avdelingsleiar.
  

Andre oppgåver kan bli tillagt stillinga avhengig av den tilsette sin kompetanse og interesser. Endringar i arbeidsområdet må kunne påreknast. 

Kvalifikasjonar

• Ynskjeleg med fagbrev innan helse- og sosialfag. Søkjarar utan formell utdanning kan bli vurdert, der relevant erfaring/praksis, personlege og kreative eigenskapar vert vektlagt. 
• Erfaring med målretta miljøarbeid og personar med utviklingshemming.
• God norskkunnskap, både skriftleg og munnleg.
• Kunnskap om Helse og omsorgstenestelova kap. 9.
• Sertifikat kl. B, nokre stillingar krevjar sertifikat manuell gir.

Personlege eigenskapar

• Du jobbar godt både åleine og saman med andre.
• Du har gode relasjons- og kommunikasjonsevner.
• Du er fleksibel, både som arbeidstakar og tenesteytar.
• Du har god fysisk form.
• Du kan handtere utfordringar og høgt arbeidstempo. 
• Du er engasjert, initiativrik og kreativ.
• Du ser løysingar før avgrensing.
• Du jobbar mål- og resultatorientert.
• Du bidreg til ein positiv kultur og eit godt arbeidsmiljø.

Ved vurdering av den best kvalifiserte, legg me vekt på utdanning, erfaring og personlege eigenskapar, samt din motivasjon for stillinga. 

Vi tilbyr

• Varierte og spennande arbeidsoppgåver i ein flott kommune
• Faglege og personlege utfordringar i eit godt og inspirerande arbeidsmiljø
• Gode offentlege pensjons- og forsikringsordningar
• Løn og arbeidsvilkår i samsvar med gjeldande lov og avtaleverk
• Stilling i ei inkluderande arbeidslivsverksemd (IA-verksemd)
• Medlemskap med tilsettegoder i velferdsklubben

Anna informasjon

Etter helse- og omsorgstenestelova § 5-4 vert det stilt krav til godkjent politiattest før tiltreding i stillinga.

• Bømlo kommune ser på inkludering og mangfald som ein styrke, og vil oppmode alle kvaliserte søkjarar om å søke stilling uavhengig av bakgrunn. For denne stillinga oppmodar me spesielt menn til å søkja.
  
• Vi gjer merksam på at søkjarar vert ført opp på offentleg søkjarliste. Det er mogleg å søkje om anonymitet, men det må vera særskilte omstende for å få innvilga unntak, jf. Offentleglova § 25.
  

Synes du stillinga ser interessant ut, og samsvarar med kvalifikasjonane dine, sender du oss søknaden din elektronisk via Webcruiter.no med CV, vitnemål og attestar vedlagt. Ved førespurnad må du kunna skaffa bekrefta kopiar av dokumentasjonen din. Dersom du har spørsmål om stillinga og rekrutteringsprosessen, ta kontakt med Line.

Kontaktinformasjon

Line Skrede Habbestad, Avdelingsleiar, 948 10 927, line.skrede.habbestad@bomlo.kommune.no

Arbeidsstad

Kyrkjevegen 1

5430 Bremnes

Nøkkelinformasjon:

Arbeidsgivar: Bømlo kommune


Referansenr.: 4906647971

Stillingsprosent: 100, 80, 73, 90, 98%

Fast

Søknadsfrist: 03.02.2025