Aktivitetskoordinator- Ørstaheimen

I tenesteområdet omsorg og sjukeheim, har vi ledig stilling som aktivitetskoordinator i 100% stilling. 

Vi søkjer ein engasjert, ansvarsfull og kreativ aktivitetskoordinator som er framtidsretta og løysingsorientert. Er du engasjert i å tilrettelegge aktivitetar som fremjar livsglede, fysisk helse og meistring, samt koordinere aktivitetar på tvers av avdelingane? Då kan dette vere stillinga for deg!

Som aktivitetskoordinator vil du ha ansvar for å følge opp og vere ein støttespelar i arbeidet med bebuarane sine fysiske aktivitetar. Du vil få ansvar for å gjennomføre og tilpasse treningstiltak både individuellt og i grupper som støttar opp om pasientane sine individuelle behov og fremje helse gjennom øvingar som styrkar mobilitet, funksjon og generell fysisk helse, på tvers av avdelingane.

Ein annan viktig del av stillinga er å koordinere og følge opp lærlingar, vidaregåande elevar, trivselsmedarbeidarar og språkpraksiskandidatar. Dette inneberer ansvar for kontakt med eksterne samarbeidspartnarar, som kan inkludere opplæringsbedrifter, skular, relevante offentlege etatar, og andre aktørar som er involvert i opplæring, praksis og integrering. Arbeidet skal koordinerast i lag med avdelingsleiarane, som har ansvar for dei ulike avdelingane.

Stillinga er dagstilling som inkluderer arbeid på helg.

Kommunen jobbar med årsplanlegging som gir våre tilsette fleksibilitet i kvardagen og gode føresetnader for å balanse mellom jobb og fritid.  

Arbeidsoppgåver

• Planlegge, tilrettelegge og gjennomføre aktvitetar for bebuarar på Ørstaheimen
• Koordinere og følge opp lærlingar, vidaregåande elevar,  trivselsmedarbedarar, språkpraksiskandidatar og andre samarbeidspartnarar som medverkar til aktivitetane på sjukeheimen
• Koordinere aktivitetar på tvers av avdelingane
• Samarbeide med frivillige og eksterne aktørar
• Samarbeide tett med avdelingsleiarane og andre tilsette for å ivareta bebuarane sine ynskje og behov for aktivitet og trivsel 
• Bidra til å skape eit godt og inkluderande miljø for bebuarar og eit godt arbeidsmiljø, samt bidra til samarbeid

Kvalifikasjonar

• Det er ynskjeleg med utdanning som Off. godkjent helsefagarbeidar, men anna kompetanse kan vurderast. Må kunne uføre legemiddelhåndtering.
• Erfaring med aktivitet og tilrettelegging for personar med ulike behov er ein føremon, det same gjeld erfaring i å jobbe med lærlingar, elevar og frivillige
• Kommunen nyttar nynorsk i all skriftleg kommunikasjon og det er nausynt at den som vert tilsette meistrar det norske språket godt

Det vert stilt krav om politiattest ved tilsetjing 

Personlege eigenskapar

• Du er engasjert, fleksibel og har godt humør
• Du har evne til å sjå og forstå dei enkelte bebuarane sine behov og ønskje, slik at du kan medverke til å gi eit godt tilbod til bebuarane våre
• Du er god til å organisere og planleggje, og kan handtere fleire oppgåver samstundes
• Du har interesse for aktivitet og trening og som trivast med å vere fysisk aktiv
• Du tek ansvar for at aktivitetane blir gjennomførte på ein trygg og effektiv måte
• Du er i stand til å finne løysingar som kan tilpassast dei enkelte bebuarane, og du er fleksibel når det oppstår behov for endringar
  
• Du ser moglegheiter for nye og spanande aktivitetar som kan betre livskvaliteten til bebuarane
• Har evne til å skape gode relasjonar og engasjere både bebuarar og kollegaer i aktivitetar
• Evne til å arbeide sjølvstendig og ta initiativ

 

Vi gjer ei heilskapleg vurdering av søkjarane og personlege eigenskapar vert vektlagde.  Referansar vert nytta og aktuelle søkjarar kan verte kalla inn til intervju.

 

Vi tilbyr

• 100% fast stilling med arbeid også på helg
• Eit spanande og meininsfylt arbeid med moglegheit for personleg og fagleg utvikling
• Gode kollegaer og triveleg arbeidsmiljø- kommunen nytter 10-faktor til medarbeidarundersøkingar og som utviklingsverktøy.
• Gode pensjons- og forsikringsordningar i KLP

 

Arbeidsvilkår: Dag inkl. helgar

Stillinga er plassert i HTA kap. 4 Gr.1.2 - fagarbeidarstillingar
Stillingskode: 7517 aktivitør/ 7076 helsefagarbeidar

Tilsetjing i samsvar med gjeldande lov, forskrift og avtaleverk. Det er 6 mnd. prøvetid, der fråvær går til fråtrekk.

Dokumentasjon
Framlegging av vitnemål og attestar saman med søknaden er ein føresetnad for best mogleg sakshandsaming.  Vitnemål og attestar dannar grunnlag for fastsetjing av ansiennitet og rett løn.  Vi ber om at attestar og vitnemål vert lasta opp som vedlegg til søknaden din. 

Intern søkjar
Dersom du ynskjer å bli vurdert ut frå kriterium for intern fortrinnsrett til stillinga, hakar du av på omsyn – intern søkjar. Dette gjeld berre for tilsette i Ørsta kommune som er ufrivillig deltids tilsett, har jobba i kommunen i til saman 12 månadar dei siste 2 åra, eller andre faktorar knytt til lover og avtaleverk som kan gi grunnlag for fortrinnsrett. Jf. AML §14.2

Om offentleg søkjarliste: 
I samsvar med offentleglova §25, kan opplysningar om søkjaren unnatakast offentleg søkjarliste, dersom søkjaren sjølv oppmodar om dette. Den som ønskjer at namnet skal vere unnateke offentleg søkjarliste må grunngje dette. Søkjaren sine behov vil verte vurdert konkret opp mot omsynet til offentleg meirinnsynpå valeg måte. Dersom kommunen meiner at det ikkje er grunnalg for fritak, vil søkjaren verte kontakta og får tilbod om å trekkje søknaden før endeleg søkjarliste vert laga.

Kontaktinformasjon

Lisa Mari Korsfur Silseth, Avd.leiar Vallastova, 481 32 814, lisa.mari.korsfur.silseth@orsta.kommune.no

Arja Hietanen, Konst. avdelingsleiar Bakketun, 481 23 801, arja.helena.hietanen@orsta.kommune.no

Marit Steinnes, konstituert avdelingsleiar Korrtidsavdelinga, 480 70 965, marit.steinnes@orsta.kommune.no

Wenche Flo, Tenesteleiar Omsorg og sjukeheim, 957 12 120, wenche.flo@orsta.kommune.no

Arbeidsstad

Håkonsgata 78

6150 Ørsta

Nøkkelinformasjon:

Arbeidsgivar: Ørsta kommune


Referansenr.: 4906761605

Stillingsprosent: 100%

Fast

Søknadsfrist: 28.02.2025