Lærarstillingar skuleåret 2025/2026

I Ørsta kommune kan det, frå 01.08.2025, verte ledige lærarstillingar i grunnskulen. Det kan vere både faste stillingar, og vikariat for skuleåret 2025/2026.

Ørsta kommune har i alt sju kommunale skular, og skulane er organisatorisk plassert i kommunalområdet Oppvekst, kultur og inkludering.

Arbeidsoppgåver

• Ta del i Ørsta kommune sitt arbeid med å skape eit trygt, godt og inkluderande læringsmiljø der elevane si fysiske og psykisk helse står i sentrum
• Planleggje, gjennomføre og evaluere undervisning. Til fleire av lærarstillingane vil det også ligge kontaktlæraroppgåver
• Arbeide systematisk og målretta med grunnleggjande ferdigheiter, i alle fag
  
• Tett samarbeid med born og føresette
• Delta i nettverksarbeid og skuleutvikling, på kvar einskild skule og mellom skulane i kommunen
• Pedagogisk personale må vere budde på å ta på seg rettleiingsansvar i høve til studentar

Kvalifikasjonar

• Vi søkjer primært etter grunnskulelærarar
• Lærarar med godkjent pedagogisk utdanning og undervisningskompetanse (PPU) vil ved særskilde fagbehov verte vurderte
• God munnleg og skriftleg framstillingsevne. I Ørstaskulen nyttar vi nynorsk som målform og kommunen nyttar nynorsk i all skriftleg kommunikasjon
• Ved tilsetjing vert det stilt krav om politiattest etter Opplæringslova § 17-11

Vi ber deg oppgi kva fag du har fordjuping i når du søkjer på stillinga.

Barneskulane: Søkjarar med 30 studiepoeng i eitt eller fleire kjernefag (norsk, engelsk eller matematikk) vert prioritert.
Ungdomsskulane: Søkjarar med 60 studiepoeng i eitt eller fleire kjernefag (norsk, engelsk eller matematikk) vert prioritert.
Opplæringssenteret: Søkjarar med 30 studiepoeng eller meir i norsk som andrespråk og 60 studioepoeng  i grunnskulefag vert prioritert.

Personlege eigenskapar

• Du har høg relasjonskompetanse
• Du er god på samarbeid, både med born, føresette og andre tilsette
• Du bidreg til utviklinga av eit inkluderande og raust arbeidsmiljø
• Du er ein god rollemodell og ein trygg og tydleg vaksenperson
• Du kan leie klasser og grupper på ein god og inkluderande måte
• Du har god fagleg kompetanse, er fleksibel og løysningsorientert
• Du kan arbeide sjølvstendig, men samtidig ha vilje og evner til å arbeide i team
• Du har profesjonsfagleg digital kompetanse (PfDK). I dette legg vi evne til å tileigne seg kunnskapar om og bruke pedagogiske programvare og andre digitale verkty, og korleis bruke desse til det beste for elevane si læring. I Ørstaskulen disponerer alle lærarar og elevar Chromebooks og Google Workspace for Education som hovudverkty

Vi tilbyr

• Ein spanande, variert og meiningsfull arbeidskvardag der elevane si læring og utvikling står i sentrum
• Eit godt arbeidsmiljø
• Gode pensjonsordningar i SPK for undervisningspersonalet og gode forsikringsordningar i KLP for alle tilsette i Ørsta kommune

Ørsta kommune arbeider for å utvikle ein aktiv heiltidskultur og ynskjer så mange som mogleg tilsette i heiltidsstillingar. Fordelane ved flest mogleg tilsette i heile stillingar er store, først og fremst for elevane våre, men også for den tilsette sjølv, arbeidsmiljøet og for arbeidsgjevar. Vi vil difor så langt som råd legge til rette for at alle som har norsk, engelsk og/eller matematikk i fagkrinsen sin skal få høve til å jobbe i heile stillingar. 

Stillingane er plassert i kap. 4 gr. 2.

Lønsplassering og stillingskode vert fastsett ved tilsetjing.

Referansar vert nytta, og søkjarane kan verte kalla inn til gruppeintervju og individuelle intervju.

Personlege eigenskapar vert vektlagde i ei heilskapleg vurdering av søkjarane.

Prøvetid i faste stillingar og årsvikariat er 6 månader.

Løns- og arbeidsvilkår i samsvar med gjeldande lov, forskrift og avtaleverk.

 

Dokumentasjon 
Framlegging av vitnemål og attestar saman med søknaden er ein føresetnad for best mogleg sakshandsaming.  Vitnemål og attestar dannar grunnlag for fastsetjing av ansiennitet og rett løn.  Vi ber om at attestar og vitnemål scannast og lastast opp som vedlegg til søknaden din. 
Ørsta kommune arbeider for å skape ein heiltidskultur, der heile stillingar er det naturlege. Kvalitet på tenestene, kontinuitet og tryggleik skal stå i sentrum. Som tilsett er du ein viktig medspelar i kommunen sine utviklingsarbeid. 

Intern søkjar
Dersom du ynskjer å bli vurdert ut frå kriterium for intern fortrinnsrett til stillinga, hakar du av på omsyn – intern søkjar. Dette gjeld berre for tilsette i Ørsta kommune som er ufrivillig deltids tilsett, har jobba i kommunen i til saman 12 månadar dei siste 2 åra, eller andre faktorar knytt til lover og avtaleverk som kan gi grunnlag for fortrinnsrett. Jf. AML §14.2

Om offentleglova 
I samsvar med offentleglova § 25, kan opplysningar om søkjaren unnatakast offentleg søkjarliste, dersom søkjaren sjølv oppmodar om dette. Den som ønskjer at namnet skal vere unnateke offentleg søkjarliste må grunngje dette. Søkjaren sine behov vil verte vurdert konkret opp mot omsynet til offentleg interesse og kravet om ålment innsyn. Elles vil oppmodinga verte vurdert i høve prinsippet om meirinnsyn på vanleg måte. Dersom kommunen meiner at det ikkje er grunnlag for fritak, vil søkjaren verte kontakta og få tilbod om å trekkje søknaden før endeleg søkjarliste vert laga.

Kontaktinformasjon

Pål Einar Brekke, Rådgjevar, 47623418, pal-einar.brekke@orsta.kommune.no

Kari Flø, Kommunalsjef oppvekst, kultur og inkludering, 47639076, kari.flo@orsta.kommune.no

Arbeidsstad

Dalevegen 6

6153 Ørsta

Nøkkelinformasjon:

Arbeidsgivar: Ørsta kommune


Referansenr.: 4905991205

Stillingsprosent: 100%

Vikar

Søknadsfrist: 02.03.2025