Fagleiar - psykisk helseteam og rusomsorg

Det er ledig 100 % stilling som fagleiar for Psykisk helseteam og rusomsorg.

Tenesta er ei lågterskelteneste og yter tenester til personar med psykiske plager og/eller rusproblematikk. Organisatorisk er tenesta plassert i eininga Helse, saman med legetenesta, helsestasjon og ergo- /fysioterapitenesta og har kontorplass på Helsesenteret i Gaupne.

Psykisk helseteam og rusomsorg er tverrfagleg samansett med psykiatriske sjukepleiarar, vernepleiarar med og utan vidareutdanning i psykisk helsearbeid, ruskonsulent, erfaringskonsulent og psykolog, til saman 8,1 årsverk. Tenesta følgjer opp vaksne (over 18 år) med utfordringar knytt til psykisk helse og/eller rus, frå lettare utfordringar til meir alvorleg og langvarig problematikk. Tenesta har fokus på helsefremjande arbeid, der tiltak og aktivitet som blir sett i verk skal bidra til betring, meistring og ein meiningsfull kvardag for den enkelte. Aktuelt er drift av møteplassen "Huset", oppfølging i heimen, støttesamtalar, rettleiing, Rask Psykisk Helsehjelp m.m

Som fagleiar har du ein sentral rolle i å sikre kvalitet på tenestene, fagleg utvikling og koordinere samarbeid både internt i teamet og med samarbeidspartar. Stillinga er delt mellom administrative oppgåver (ca. 40 %) og brukarretta arbeid.

  Ansvar og arbeidsoppgåver

• Kontinuerleg planlegging, koordinering, gjennomføring og evaluering av tenestetilbodet
• Syte for eit godt og systematisk fagleg arbeid og fagleg oppfølging av tilsette
• Utøve eit synleg/tydeleg leiarskap og stå fram som inspirator og positiv drivkraft
• Fordele oppgåver til tilsette etter behov, kompetanse og ressursar
• Vere ein pådrivar til utvikling og samarbeid
• Ansvar for kvalitetssikring og fagleg utvikling
• Utforming og implementering av prosedyrar og retningslinjer
• Delta i planlegging og gjennomføring av strategiske tiltak for helsetenesta
• Direkte pasient/brukarretta arbeid

  Kvalifikasjonar

• 3-årig helse og sosialfag ev. anna relevant høgskuleutdanning
• Vidareutdanning innan psykisk helse/rus/leiing er ynskjeleg
• Leiarerfaring og erfaring frå arbeid innan psykisk helse og rus vil vere eit fortrinn
• Gode samarbeidsevner og evne til å motivere og utvikle tilsette
• Interesse for fagleg utvikling og kvalitetsforbetring
• God datakunnskap og interesse for digitale fagsystem
• Meistre norsk godt, både munnleg og skriftleg
• Førarkort for personbil

  Me legg vekt på 

• Verdsetje andre sin kompetanse og bidra inn i eit fagleg fellesskap
• Fagleg engasjement og evne til heilskapleg tenking
• Gode kommunikasjonsevner og samarbeidsevner
• Evne til å arbeide strukturert og sjølvstendig
• Fleksibel og løysningsfokusert
• Det vil bli lagt stor vekt på personlege eigenskapar

  Me kan tilby

• Arbeid i ein veldriven kommune med gode og sikre rammevilkår
• Eit godt og stabilt arbeidsmiljø med høg fagkompetanse
• Utfordrande arbeidsoppgåver
• Gode moglegheiter for utviklingsarbeid
• Gode faglege og personlege utviklingsmoglegheiter
• Fleksibel arbeidstid og god pensjonsordning
• Kommunale tilsetjingsvilkår med gode pensjons- og forsikringsordningar
• Løn etter avtale/ gjeldande tariff og avtaleverk

  Andre opplysningar 

• Administrasjonsmålet i kommunen er nynorsk
• Alle faste nytilsetjingar vert gjort med ei prøvetid på 6 månader
• Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort sjølv om du har oppmoda om ikkje å bli ført på offentleg søkjarliste Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort
• Søknadar må leverast innan fristen og må sendast inn via rekrutteringssystemet vårt EasyCruit

 Ved interne søkjarar kan det bli ledig stilling/vikariat utan fagleiarfunksjon.

Link til søknadsskjema: Søk her