Spesialpedagog i barnehage

Volda kommune har frå barnehageåret 2025/2026 ledige stillingar i barnehagane som spesialpedagog. Det kan verte ledig både faste- og vikarstillingar.

Arbeidsoppgåvene vil vere direkte i arbeid med barn i kommunale- og private barnehagar eller i heimen, samt rettleiing av foreldre og personalet i barnehagane.  Spesialpedagog må rekne med å samarbeide med ein eller fleire barnehagar i kommunen. Spesialpedagog må vere budd på arbeid i fleire barnehagar på same dag, og må difor disponere eigen bil. Spesialpedagogane har nettverksamling kvar 4 veke. 

Volda kommune har høge ambisjonar for Voldabarnehagen. Gjennom systematisk arbeid bidreg vi til at barna i Volda får ein trygg og god start på sitt utdanningsløp. Barnehagane våre skal støtte barn si lærelyst og bidra til eit godt grunnlag for livslang læring i nært samarbeid med føresette. Det vert arbeidd med å ta i vare og vidareutvikle gode utviklings- og læringsmiljø, som sikrar barna ei god psykisk og fysisk helse, og i botn for dette arbeidet ligg ei forventning om god relasjonskompetanse hos våre tilsette. Refleksjon over eigen praksis er ein naturleg del av kvardagen vår. Vidare så arbeider vi aktivt med å implementere alternativ og supplerande kommunikajson (ASK) i alle barnehagane i kommunen. 

 

Sektor oppvekst sin visjon er:
Volda kommune har trygge barn, unge og vaksne som deltek, meistrar og lærer.

Barnehagane i Volda er ein viktig del av laget rundt barnet. Saman med helsestasjon, barnevern, skule, kulturskule og vaksenopplæring  er barnehagedrifta ein del av sektor oppvekst. Saman arbeidar vi målretta for å oppfylle sektoren sin visjon.

 

Volda er ein BTI-kommune (betre tverrfagleg innsats). BTI er ein modell for tverrfagleg samhandling, og skal bidra til at barn og unge og familiane deira får naudsynt hjelp så tidleg som mogeleg. Som tilsett i Volda kommune er det forventa at ein forstår og arbeider etter prinsippa i BTI-modellen.

 

Det kan verte aktuelt med intervju, både gruppe- og individuelle intervju. Førebels aktuelle datoar for dette er 10. mars. Andre datoar kan og verte aktuelle.

 

Dersom du krev stillinga etter arbeidsmiljølova § 14-3, utviding av stilling for deltidstilsett, må du opplyse om dette i søknaden.

Dersom du krev stillinga etter arbeidsmiljølova § 14-2, fortrinnsrett ved tilsetjing, må du opplyse om dette i søknaden. 

Arbeidsoppgåver

Arbeidsoppgåver

• Ansvar for å følge opp, gjennomføre, organisere innhald og omfang av enkeltvedtak til det beste for barnet og i tråd med gjeldande regleverk
  
• Implementere tiltak gjennom heilskapleg pedagogisk tilrettelegging, og sjå samanheng mellom spesialpedagogiske og allmennpedagogiske tiltak  
  
• Bistå med kompetanse innan det spesialpedagogiske feltet (spesialpedagog)
• Delta i aktuelle møter og planarbeid i barnehagen
• Rettleie personalet, foreldre og sikre eit godt foreldresamarbeid knytt til den spesialpedagogiske hjelpa

Kvalifikasjonar

• Spesialpedagog med barnehagelærar som grunnutdanning.
• Anna relevant høgskuleutdanning med vidareutdanning i spesialpedagogikk kan bli vurdert
• Barnehagelærar med erfaring i spesialpedagogisk arbeid i barnehagen kan bli vurdert
• Ønske om relevant erfaring i spesialpedagogisk arbeid i barnehage
• Ønske  om kompetanse og erfaring med alternativ og supplerande kommunikasjon (ASK)
• Rettleiarkompetanse er ein fordel
• God framstillingsevne på norsk, både munnleg og skriftleg (nynorsk)
• Gode digitale ferdigheiter 
• Bestått norskprøve i tråd med føringar i barnehagelova § 27, UDIR § A2-B1
  

Personlege eigenskapar

Vi søkjer deg som:

-          kan sjå heilskap og samanheng i det pedagogiske arbeidet
-          er sjølvstendig og strukturert med gode kommunikasjons- og samarbeidsevner
-          er ein leikande vaksen
-          kan støtte og rettleie foreldre/føresette, tilsette og avdelingar/team i deira arbeid
-          er i stand til å endre eigen praksis basert på kunnskap/forsking og refleksjon
-          ser verdien av medverknad, relasjonsbygging, kulturbygging og samhandling
-          har evne til å bygge gode relasjonar og bidra til eit positivt arbeidsmiljø
-          har forståing for og handlar ut i frå systemretta- og inkluderande arbeidet

 

Saman med kvalifikasjonar vil personlege eigenskapar verte vektlagt. Aktuelle kandidatar vil bli kalla inn til intervju. Det kan verte aktuelt med intervju, både gruppe- og individuelle intervju. Det er avsett tid til intervju 12. mars.  Andre datoar kan og verte aktuelle. Referansar blir kontakta etter intervju.

Vi tilbyr

• -          gode moglegheiter for å utvikle seg i eit fagmiljø som legg vekt på kvalitet
  -          fagleg kompetanseutvikling bla, i form av fagdagar med pedagogisk utviklingsarbeid for alle tilsette
  -          kurs og fagleg utvikling gjennom Volda kommune
  -          barnehagar med fokus på gode og utviklande leikemiljø for barn
  -          barnehagar som er oppteken av å gje medarbeidarane ansvar, tillit og høve til å påverke kvardagen sin i samarbeid med avdelinga/basen
  -          lønn etter kommunens lønns- og stillingsregulativ
  -          gode pensjons- og forsikringsordningar

Stillinga er plassert i kap. 4 lønsplassering og stillingskode vert fastsett ved tilsetjing. Volda kommune har god offentleg pensjonsordning i KLP.

Tilsetting skjer elles på dei vilkår og med dei rettar som går fram av gjeldande tariffavtalar og kommunale reglement. Utanlandske borgarar må legge fram dokumentasjon på lovleg opphald og arbeidsløyve i Noreg. Den som vert tilsett må legge fram gyldig politiattest, jfr barnehagelova § 30.

Prøvetida er 6 mnd.

Om offentlege søkjarliste: I samsvar med offentleglova § 25, kan opplysningar om søkjar bli unnateke i offentleg søkjarliste, dersom søkjaren sjølv bed om det. Søkjarar som ønskjer at namn skal vere unnateke offentleg søkjarliste, skal grunngje dette. Kommunen er pliktig til å vurdere meiroffentlegheit og gjere ei konkret vurdering av søkjar sitt ønskje om fritak, opp mot dei omsyn som talar for offentlegheit. Om kommunen meiner at grunngjevinga for fritak ikkje er tilstrekkeleg, vil søkjar bli kontakta slik at det er mogleg å trekkje søknaden før endeleg søkarliste vert laga.

Kontaktinformasjon

Ruxandra Raudøy, Koordinator støttetiltak barnehage, 91880526, ruxandra.raudoy@volda.kommune.no

Bodil Brautaset, Avdelingsleiar barnehage, +47 91194598, bodil.brautaset@volda.kommune.no

Arbeidsstad

Stormyra 2

6100 Volda

Nøkkelinformasjon:

Arbeidsgivar: Volda kommune


Referansenr.: 4906739531

Stillingsprosent: 100%

Fast

Søknadsfrist: 28.02.2025