Fagbioingeniør blodbank

Vil du jobbe i eit fagleg sterkt miljø og bidra til ei trygg og effektiv blodbankteneste? Blodbanken i Volda har no ei ledig 100% fast stilling som fagbioingeniør!

Avdeling for medisinsk biokjemi og blodbank er den største avdelinga i Klinikk for diagnostikk, med seksjonar ved alle dei fire sjukehusa i føretaket. Medisinsk biokjemi og blodbank i Volda har 16 stillingar og om lag 18 tilsette. Seksjonen omfattar fagområda hematologi/koagulasjon, kjemi, pre-analyse/PNA og blodbank.

Ved endringar i personalgruppa kan det òg bli moglegheit for tilsetjing som bioingeniør i ei vaktgåande rutinestilling, anten fast eller som vikariat. Dersom dette er av interesse, ber vi om at det vert oppgitt i søknaden.

Arbeidsoppgåver

• Ivareta fagansvar for Blodbanken i Volda
• Utføre arbeidsoppgåver knytte til fagområdet
• Tileigne seg spesialisert kompetanse innan eige fagfelt
• Vere ressursperson innan sitt fagområde
• Bidra til kompetanseutvikling i seksjonen
• Ta del i daglege rutineoppgåver

Kvalifikasjonar

• Norsk autorisasjon som bioingeniør
• Relevant erfaring
• Meistrar norsk skriftleg og munnleg

Personlege eigenskapar

Vi søkjer ein engasjert kollega som likar å ta ansvar, er initiativrik og løysingsorientert. Vi ønskjer ein kollega som:

• Er motivert for fagleg utvikling og har interesse for transfusjonsmedisin
• Er fleksibel, strukturert og sjølvstendig
• Har gode kommunikasjons- og gjennomføringsevner
• Trivst med å arbeide både åleine og i team

Personlege eigenskapar vil bli vektlagde.

Vi tilbyr

• Sterkt tverrfagleg samarbeid
  
• Ein inkluderande arbeidsplass
  
• Løn etter gjeldande overeinskomstar
  
• Medlemskap i god offentleg pensjonsordning og fordelaktige forsikringsvilkår

Kontaktinformasjon

Joar Ulstein, Seksjonsleiar, 91664595, joar.ulstein@helse-mr.no

Arbeidsstad

Kløvertunvegen 1

6103 Volda

Nøkkelinformasjon:

Arbeidsgivar: Helse Møre og Romsdal HF


Referansenr.: 4901173976

Stillingsprosent: 100%

Fast

Søknadsfrist: 23.02.2025