Sommarvert på Astruptunet og  Eikaasgalleriet

Med oss fer du rikare!

Vi i Musea i Sogn og Fjordane søkjer deg som vil bruke delar av sommaren din hos oss i fantastiske omgjevnader i Jølster. Vi har behov for sommarvertar på begge sider av vatnet, både på Astruptunet og på Eikaasgalleriet.

Vi håpar at du etter ein sommar hos oss fer rikare vidare på din veg: Du har fått relevant arbeidserfaring, du har arbeidd saman med og blitt kjend med kjekke kollegaer, du har lært om kulturhistoria vår, du har møtt mange menneske og opplevd vestlandsnaturen i all slags vêr!

Om stillinga

Sommaren er ei travel tid på musea, med mange besøkande som vil oppleve utstillingar, og det museet har å by på inne og ute. Som sommarvert spelar du ei viktig rolle i sesongavviklinga, og du vil ta del i å løyse mange oppgåver på museet, både åleine og saman med andre. 

Som sommarvert hos oss vil du ha ei vertskapsrolle der du:

• tek imot besøkande på museet
• har førstelinjeteneste i resepsjon (telefon og billettsal)
• driv salg og varehandtering i butikk og kafe
• går omvisingar med besøkande
• har enkle administrative oppgåver
• handlar og hentar vare til kafe
• har enkle reinhalds- og skjøtselsoppgåver inne- og ute

Vi ser etter deg som:

• er flink til å uttrykke deg munnleg på norsk og engelsk
• trivst i ei vertskaps- og omvisarrolle
• har interesse for og likar å formidle kulturhistorie
• tilpassar deg og trivast med variasjon i arbeidsoppgåver
• stiller opp og er til å lite på
• har ordenssans og får ting gjort
• er mobil og kan jobbe på begge stader, samt jobbe utanfor høgsesong ved behov

Praktisk informasjon om stilling og søknad

Som sommarvert hos oss vil du få god opplæring både på museet, og som deltakar på eit digitalt INTRO-program for alle sommarvertar i Musea i Sogn og Fjordane. Du må derfor ha høve til å setje av tid til dette laurdag 26. april. 

Opningstider Astruptunet:

21.mai - 15.juni: opent fredag-søndag frå 11.00-16.00. Onsdag 17.00-19.00. 

16.juni - 10.august: opent kvar dag frå 11.00-16.00. Onsdag kl. 10.00-19.00.

11.august - 14.september: opent fredag-søndag frå 11.00-16.00, onsdag 11.00-17.00. Sluttdato på sesong er ikkje endeleg. 

Opningstider Eikaasgalleriet:

Omvising/opent etter avtale utanfor sesong.

31.mai - 13.juni: opent laurdag-søndag 11.00 -16.00. 

14.juni - 30.juni: opent dagleg frå 11.00 -16.00.

01.juli - 31.juli: open dagleg frå 11.00-17.00.

Arbeid følgjer vaktplan etter opningstider. Merk - mogleg behov ved bestilling og arrangement. Vi ønskjer at du merkar din søknad med kva tidsperiodar du kan jobbe, og om du har noko preferanse på museum. Vi prioriterer dei som kan arbeide helg i skuldersesong og dei som er over 18 år. 

Vi oppmodar kvalifiserte kandidatar om å søkje uavhengig av kjønn, funksjonsevne og kulturell bakgrunn. Søknad registrerer du via lenke på denne sida. CV, vitnemål og attestar skal du laste opp under "Vedlegg".
Vi gjer merksam på at søkarlista kan bli kravd gjort offentleg.

Nærare opplysningar får du ved å vende deg til museumsleiar, sjå kontaktinfo nedst på denne sida. 

Ved spørsmål som gjeld elektronisk søknadsskjema kan du ta kontakt med Jobbnorge på tlf. 75 54 22 20 eller kundeservice@jobbnorge.no kvardagar mellom 08:00-16:00.