Psykiatrisk sjukepleiar

Om stillinga

I eining pleie og omsorg avdeling for rus og psykiatri har me behov for ein dyktig sjukepleiar i 100 % fast stilling frå 01.04.2025. Stillinga er organisert under eining for pleie og omsorg. Stillinga inneber dagarbeid, men me er opne for at ein kan jobbe enkelte seinvakter når behovet er der. 

Arbeidet vil mellom anna bestå i miljøterapeutisk praktisk arbeid og gje tenester til menneske med samansette utfordringar og heilskapleg pasientoppfølging med fokus på den mentale/rusrelaterte helsa, så vel som den somatiske og kliniske helsa. 

Dagleg oppfølging av tenestemottakarar og ivaretaking av brukarar sine ressursar er ein viktig del av arbeidet for å bidra til meistring og god livskvalitet.  

Arbeidsoppgåver

• Ansvar for heilskapleg oppfølging og miljøtiltak for brukarar med psykiske og rusrelaterte utfordringar 
• Følgje opp medisinsk og miljøterapeutisk behandling 
• Helsesamtaler
• Støttesamtaler
• Kartlegge fysisk og psykisk helse
• Lavterskeloppfølging og gruppetiltak
• Tverrfagleg samarbeid og deltaking i møte, undervisnings- og rettleiingsopplegg
• Gje oppfølging til vaksne innbyggjarar med moderat til alvorlege psykiske lidingar og rusmiddelavhengigheit med utgangspunkt i den enkelte sine behov 
• Delta i dagsentertilbod 
• Syte for tverrfagleg samhandling med kollegaer, fastlegar, spesialisthelsetenesta, pårørande og andre instansar
• Ivaretaking av pasient/brukar sine ressursar, og bidra til meistring og god livskvalitet 
• Vere med og vidareutvikle tenesta i tråd med samfunnet si utvikling
• Planlegge og utvikle styringsverktøy og rutinar som sikrar ei mest mogleg effektiv ressursforvaltning og trygg tenesteutøving 
• Medansvar for at eininga driv eit langsiktig og systematisk folkehelsearbeid 

Kvalifikasjonar

Krav

• Norsk autorisasjon som sjukepleiar 
• Vidareutdanning innan psykisk helse og rus eller psykisk helsearbeid
• Gode ferdigheiter innan IKT
• Framandspråklege må dokumentera bestått B2

Ønskjer

• Erfaring frå arbeid med personar med spesielle helseutfordringer
• Et godt klinisk blikk og god observasjonsevne
• Har kompetanse og erfaring innan psykisk helse og rus
• Har erfaring frå personar med somatiske helseutfordringer

Personlege eigenskapar

• Tydelig, raus og engasjert 
• Du er opptatt av kvalitet og er fagleg oppdatert 
• Har fleksibilitetsvilje og tar ansvar
• Er ein person med positive haldningar, er fleksibel og ser moglegheitar framfor begrensingar
• Er løysingsorientert, meistrar stress og uforutsette situasjonar
• Du likar varierte arbeidsoppgåver og spanande utfordringar både fagleg og sosialt 
• Du er endringsvillig og er oppdatert på samfunnet si utvikling 
• Er lojal til arbeidsoppgåver, rammer og beslutninger som er gitt i tenesta
• Har evna til å arbeida sjølvstendig, i team og tverrfagleg
• Gode samarbeidsevner, men samstundes tørre å ta eigne avgjersler når det trengs
• Har gode samarbeids- og kommunikasjonsferdigheiter
• Er positiv, fleksibel og engasjert
• Likar utfordringar og har evne til å arbeide framtidsretta
• Bidreg aktivt til fagutvikling og eit godt arbeidsmiljø
• Har gode datakunnskaper med evne til å arbeide systematisk og ryddig
• Er organisert, strukturert
• Personlig egnaheit vil bli vektlagt

Me tilbyr

• Spanande og varierte arbeidsoppgåver der ingen dagar er like
• Eit godt og inkluderande arbeidsmiljø, og god samarbeidsånd
• Fleksible arbeidstidsordningar
• Gode velferdsordningar

• Eit fagleg miljø med utfordrande oppgåver, gode moglegheiter for fagleg og personleg utvikling og høve til å vera med å forme ein kommune i positiv utvikling og vekst
• Lønn, offentleg pensjon og arbeidsmilkår etter gjeldande lov- og avtaleverk
• Gunstige pensjonsordningar, yrkesskade- og gruppelivsforsikring

Arbeidstilhøve

Me ønskjer eit arbeidsmiljø prega av mangfald, og at våre tilsette skal spegla folkesetnaden elles. Me oppfordrar alle som er kvalifisert til å søkja jobb hjå oss uansett alder, funksjonsevne, kjønn eller minoritetsbakgrunn. All utanlandsk utdanning må vera NOKUT godkjent. Me legg vekt på å leggja til rette arbeidsforholda dersom du har behov for det. 

Administrasjonsmålet i kommunen er nynorsk. Alle nytilsetjingar vert gjort med ei prøvetid på 6 månader.
Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort, sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort, og vil ha moglegheit til å trekkja søknaden. 

Som tilsett i Samnanger kommune vil du bli innmeldt i KLP si pensjonsordning. KLP tilbyr pensjon, bank og forsikringstenester og er Norges største pensjonsselskap. Ordninga dekker alderspensjonar, AFP, uførepensjon, etterlattepensjon, yrkesskade- og gruppelivsforsikring.

Søknadar må leverast innan fristen og må sendast inn via rekrutteringssystemet vårt JobbNorge.