Blikkenslagar

Då ein av våre blikkenslagarar har funne nye utfordringar, søkjer me etter fleire hender på vår blikkenslagaravdeling. Har du interesse for handverk i metall og tynnplateprodukt? Er du nøyaktig, kreativ og teknisk anlagt? Har du i tillegg sveinebrev som blikkenslagar, tømrar eller liknande? Då er du rett person for oss!

I Tecno VVS leverer me totaltekniske løysingar. Blikkenslagaravdelinga er ei viktig brikke både i leveranse av synlege fasadeprodukt som pipehattar, tak og beslag samt levere spesialprodukt på mål til vår ventilasjonsavdeling. Me arbeider saman i eit stort fleirfagleg arbeidsmiljø, tett på kundar.

Arbeidsoppgåver

• Montera plater på tak og fasadar til bygningar (taktekking)

• Reparera lekkasjar på tak og bygningar

• Produsera beslag, takhattar mm.

• Laga og montera nedløpssystem

• Produsera og montera kanalar for vår ventilasjonsavdeling

• Service og reparasjonar på tak, fasadar og ventilasjonsanlegg mm.

Kompetanse og personlege eigenskapar

• Sveinebrev som blikkenslagar eller tømrar

• Førarkort klasse B

• Ansvarsmedviten, serviceinnstilt og påliteleg

• Søkjar må beherska norsk munnleg og skriftleg

  
  
  

  Er du interessert i meir ansvar?

  For den rette personen kan formannstilling også vurderast.

  Som formann kjem i tillegg oppgåver som synfaring, prising og handsaming av kvardagslogistikk på avdelinga.

  Me tilbyr

• Ei interessant stilling i eit godt fleirfagleg arbeidsmiljø

• Utfordrande og utviklande arbeidsoppgåver

• Gode pensjons-, løns- og forsikringsforhold