Rådgjevar

Rettleiingstenesta Vestland indre (Voss), Vestland fylkeskommune
 
Rådgjevaren vår i vaksenopplæring for vaksne og opplæring i bedrift skal over i ei prosjektstilling i ein periode og vi har no ledig eit 100% vikariat som rådgjevar, med kontorplass på Voss, i perioden 01.04.2025 – 31.12.2026.
Rettleiingstenesta er ei brukarnær teneste i vidaregåande opplæring i Vestland fylkeskommune. Primæroppgåva til tenesta er å leggje til rette for at flest mogleg ungdom og vaksne fullfører vidaregåande opplæring. Vi har eit nært samarbeid med skulane, lærebedrifter, samarbeidsorgan, kommunar, NAV og andre aktuelle instansar.  Vi skal bidra til lærelyst og fremje læring for elevar, lærlingar og lærekandidatar. Dette gjer vi gjennom å følgje opp elevar, lærlingar/lærekandidatar, støtte ungdom utanfor opplæring, rettleie vaksne og yte pedagogisk- psykologiske tenester. Tenesta består av eit tverrfagleg team innan fagfelta pedagogisk-psykologis teneste (PPT), oppfølgingstenesta (OT), opplæring i bedrift  (OIB) og vidaregåande opplæring for vaksne (VO).  Rettleiingstenesta vestland indre har to kontor, i Sogndal og på Voss. 

Arbeidsoppgåver

Bidra til at rettleiingstenesta leverer tenester med høg fagleg kvalitet til elevar og lærlingar ved å:

• Rettleie vaksne som ønskjer å søkje vidaregåande opplæring, eller vurdering av realkompetanse
• Kartleggje opplæringsbehov for vaksne
• Leggje til rette for realkompetansevurdering av vaksne
• Rettleie, følgje opp og besøke lærlingar og lærebedrifter for lærlingar over 25 år.
• Arrangere kurs og informasjonsmøte for faglege leiarar og instruktørar i lærebedrifter, informere om fagopplæring i arbeidslivet
• Saksbehandle i tråd med gjeldande regelverk
• Samarbeide tverrfagleg internt i tenesta og eksternt med våre samarbeidspartnarar
• Utføre andre arbeidsoppgåver som kan bli lagt til stillinga

Kvalifikasjonar

Vi søkjer deg som har:

• Relevant utdanning frå høgskule eller universitet, som t.d. innan pedagogiske fag eller karriererettleiing
• Rettleiingskompetanse
• Kunnskap om realkompetansevurdering av vaksne
• Kunnskap om læring hos vaksne
• Kjennskap til kva moglegheiter og rettar den vaksne har i vidaregåande opplæring
• Kjennskap til praksisfeltet og arbeidsmarknaden
• Kunnskap om saksbehandling og bruk av lov - og  regelverk
• God munnleg og skriftleg framstillingsevne i norsk
• Førarkort kl. B

Personlege eigenskapar og særleg relevant erfaring kan kompensere for utdanningskravet.

Personlege eigenskapar

Vi søkjer etter deg som: 

• Er løysingsorientert, strukturert
• Har evne til å samarbeide, men òg jobbe sjølvstendig
• Er fleksibel, inkluderande og har evne til å byggje gode relasjonar

 

Vi tilbyr

Vi tilbyr: 

• Givande arbeid med ungdom og vaksne i vidaregåande opplæring i eit arbeidsmiljø med høg fagleg kompetanse.
• Vi er opptekne av at vi skal trivst på jobb, og ha eit godt og uformelt arbeidsmiljø. Slik gjer vi kvarandre gode og skapar engasjement.
• Løns- og arbeidsvilkår i samsvar med gjeldande avtalar i Vestland fylkeskommune.
• Ein av Norges sikraste pensjonsordningar. Dei fleste tenestepensjonar vert berre utbetalt i 10 år, offentleg tenestepensjon varar frå den dagen du sluttar i jobb og livet ut. 
• Gode forsikringsvilkår.  
• Stillingsnemning konsulent/rådgjevar/seniorrådgivar etter kvalifikasjonar og erfaring.

Andre opplysningar

• Alle nytilsetjingar vert gjort med ei prøvetid på 6 månader.
• Administrasjonsmålet i fylkeskommunen er nynorsk.
• Det er krav om politiattest før tilsetjing

Vi gjer merksam på at i følgje offentleglova § 25, 2. ledd kan opplysningar om søkjaren bli offentleggjort sjølv om du har oppmoda om ikkje å bli ført  på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.

Kontaktinformasjon

Mona Kristin Øvereng Ylvisåker, leiar, 41680306

Arbeidsstad

Gymnasvegen 5

5700 Voss

Nøkkelinformasjon:

Arbeidsgivar: Vestland fylkeskommune


Referansenr.: 4917950762

Stillingsprosent: 100%

Vikar

Søknadsfrist: 20.02.2025