Miljøterapeutar i medleverturnus

Er du vernepleiar og har ein genuin interesse for å vera til hjelp i kvardagen til andre? Kan du i tillegg brilijera med arbeidserfaring innanfor habilitering?

Då ynskjer me at du søkjer stilling hos oss!

Me ser etter deg som er fagleg engasjert og ønskjer å gjera ein skildnad i livet til våre tenestemottakarar ved å vera trygg, omsorgsfull og raus. 

Habiliteringstenesta i Bømlo kommune gjev tilbod til personar med utviklingshemming og behov for omfattande og langvarige tenester. Me utgjer omlag 126 årsverk som yt heildøgns tenester til 45 personar i 10 bufellesskap/burettslag, samt dagtilbod. Me har behov for fleire positive og fleksible medarbeidarar.

Me har 4 nyoppretta 100% stillingar som miljøterapeut, fortida i medlevarturnus. 

Medlevarturnusen vår er sett opp slik:

• 2 døgn på, 7 døgn fri
• 2 døgn på, 7 døgn fri
• 3 døgn på, 7 døgn fri
• Arbeid kvar 4 helg

Er du den me leitar etter? Søk no og bli ein del av vårt engasjerte team!

Oppstart etter avtale. Aktuelle kandidatar vert kalla inn til intervju.

Arbeidsoppgåver

• Ansvarleg for kartlegging, tiltaksplanar, vedtak og dokumentasjon i profil.
• Oppfyljing og rettleiing vedrørande Helse- og omsorgstenestelova. kap. 9 og Pasient- og brukerrettighetslova kap. 4.
• Rettleiing av miljøarbeidarar.
• Deltakande i planlegging og gjennomføring av fagmøter.
• Medikamenthåndtering.
• Yta praktisk bistand og rettleiing i dei daglege gjeremåla.
• Leggje til rette for god omsorg og utvikling for tenestemottakarane.
• Internt samarbeid i tenesta, samarbeid med ulike instansar, samt verje og pårørande.
• Delegerte arbeidsoppgåver frå avdelingsleiar.

Kvalifikasjonar

• Autorisert vernepleiar. Søkjarar med helse- og sosialfagleg utdanning på bachelornivå kan og bli vurdert. 
• Personlege eigenskapar og erfaring med mennesker med ulike funksjonsvariasjonar vert vektlagt. 
• Kjennskap og erfaring  med Helse- og omsorgstenestelova kap. 9, samt Pasient- og brukerrettighetslova kap. 4.
• Erfaring med systematisk og målretta miljøarbeid, samt habilitering.
• Kompetanse med handtering av digitale systemer som Profil og Visma ressurstyring.
• Gode norsk kunnskapar, både skriftleg og munnleg.
• Førarkort klasse B.

Personlege eigenskapar

• Du er imøtekommande, omgjengeleg og venleg. 
• Du er sjølvstendig, men arbeider og godt i team.
• Du kan stå i krevjande situasjonar over tid.
• Du er uredd og ser løysingar før avgrensing.
• Du trivast med variert arbeid og ein viss grad av uføreseielege dagar med høgt arbeidstempo.
• Du bidrar til å skapa eit godt arbeidsmiljø.
• Du bør vera i god fysisk form.
  

Me tilbyr

• Varierte og spennande arbeidsoppgåver 
• Faglege og personlege utfordringar i eit godt og inspirerande arbeidsmiljø
• Gode offentlege pensjons- og forsikringsordningar
• Løn og arbeidsvilkår i samsvar med gjeldande lov og avtaleverk
• Stilling i ei inkluderande arbeidslivsverksemd (IA-verksemd)
• Medlemskap med tilsettegoder i velferdsklubben

Andre opplysingar: 

• Det vert stilt krav om politiattest ved tilsetjing etter Helse og omsorgstenestelova § 5.4 
• Bømlo kommune ser på inkludering og mangfald som ein styrke, og vil oppmode alle kvaliserte søkjarar om å søke stilling uavhengig av bakgrunn 
• Me gjer merksam på at søkjarar vert ført opp på offentlig søkerliste. Det er mogleg å søkje om anonymitet, men det må vere særskilte omstende for å få innvilga unntak, jf. Offentleglova § 25

Synes du stillinga ser interessant ut, og samsvarar med kvalifikasjonane dine, sender du oss søknaden din elektronisk via Webcruiter.no med CV, vitnemål og attestar vedlagt. Ved førespurnad må du kunna skaffa bekrefta kopiar av dokumentasjonen din. Dersom du har spørsmål om stillinga og rekrutteringsprosessen, ta kontakt med avdelingsleiar Sandra Hastrup Thorsheim eller verksemdsleiar Frode Bratten.

Kontaktinformasjon

Frode Bratten, Verksemdsleiar, 900 12 842, frode.bratten@bomlo.kommune.no

Sandra Hastrup Thorsheim, Avdelingsleiar, 45970897, sandra.thorsheim@bomlo.kommune.no

Arbeidsstad

Kyrkjevegen 1

5430 Bremnes

Nøkkelinformasjon:

Arbeidsgivar: Bømlo kommune


Referansenr.: 4913227472

Stillingsprosent: 100%

Fast

Søknadsfrist: 02.03.2025