Intensivsjukepleiar/sjukepleiar

Er du interessert i eit mangfald av intensiv- og intermediærmedisin, er kanskje Intensivseksjonen på Volda sjukehus arbeidsplassen for deg!

Intensiv- og intermediærpasientane våre er mangearta og har oftast svikt i minst to organfunksjonar. Mange treng respirasjonsstøtte i form av maskebehandling og i enkelte tilfelle også intubasjon og respiratorbehandling. Organstøttande behandling med potente medikament er mykje i bruk. Intensiv har postoperativ overvaking på inneliggande operasjonspasientar i alle kategoriar, og det er vi som driftar den dagkirurgiske delseksjonen. Vårt personell er ansvarleg for fjernovervaking av hjerterytmar på pasientar ved sengepostane. Vi har også utrykningsansvar på ulike akutt-team som til dømes traume, hjartestans og hjerneslag.

Intensivseksjonen har svært god dekning av intensivsjukepleiarar, men også dedikerte sjukepleiarar. Fleire har blitt inspirerte til vidareutdanning gjennom erfaring hos oss. Vi har sterkt fokus på fag og har eigne fagsjukepleiarar og praksisrettleiarar. Vi har jamleg intensivstudentar i praksis.

Som vikar hos oss vil du få tilrettelagt opplæring gjennom eigen kontaktsjukepleiar. Etter ei viss tid, avhengig av ditt erfaringsgrunnlag, får du sjølvstendig pasientansvar. Vi har tredelt turnus med dag-, kveld- og nattevakter, samt arbeid kvar tredje helg.

Vi ber om at attestar og vitnemål vert lasta opp som vedlegg til søknaden din. Tilsetjing frå snarast.

Arbeidsoppgåver

• Pasientomsorg, stell og pleie
• Overvaking av vitalia etter ABCDE-prinsippet
• Informasjon/kommunikasjon
• Medikamenthandtering
• Dokumentasjon
• Pårørandeomsorg
• Tverrfagleg samarbeid

Kvalifikasjonar

• Du har autorisasjon som sjukepleiar
• Fordel om ein har videreutanning som intensivsjukepleiar

Personlege eigenskapar

• Du er fagleg engasjert
• Du er interessert og lærevillig
• Du er open og kommunikativ
• Du er fleksibel og dynamisk

Å vere personleg eigna vert vektlagt ved tilsetting.

Vi tilbyr

• Sterkt tverrfagleg samarbeid
• Ein inkluderande arbeidsplass
• Løn etter gjeldande overeinskomstar
• Medlemskap i god offentleg pensjonsordning og fordelaktige forsikringsvilkår

Midt i det beste Norge kan by på av fjord og fjell finn du Volda. Opplev dei ville og vakre Sunnmørsalpane som byr på alt frå enkle ruter og oppmerka stiar i flate fjelldalar til utfordrande klatreturar og fantastiske toppturar. Vi byr også på eit særs blomstrande kultur- og idrettsliv og eit framoverlent høgskule miljø. Det er gode kommunikasjonar med flysamband til Bergen og Oslo frå Ørsta/Volda lufthamn. Sjå meir om Volda her.

Kontaktinformasjon

Siv Reidun Osdal, Ass.seksjonsleiar, siv.reidun.osdal@helse-mr.no

Arbeidssted

Kløvertunvegen 1
6103 Volda

Nøkkelinformasjon:

Arbeidsgiver: Helse Møre og Romsdal HF

Referansenr.: 4922714238
Stillingsprosent: 80%
Vikariat
Startdato: 03.03.2025
Sluttdato: 31.08.2025
Søknadsfrist: 03.03.2025