Rådgivar i bedriftshelsetenesta

Vil du bruke din erfaring og kunnskap i eit fagmiljø som prioriterer førebygging? Bli ein del av vårt engasjerte team i bedriftshelsetenesta i Helse Bergen!

Bedriftshelsetenesta (BHT) bistår sjukehuset i arbeidet med å skape sunne og trygge arbeidsplassar. Som ein del av vårt tverrfaglege team blir du med på å utvikle det førebyggande helse-, miljø- og sikkerheitsarbeidet.

BHT består av bedriftslege, bedriftsjordmor, bedriftssjukepleiarar, bedriftsfysioterapeutar, yrkeshygienikar samt rådgivarar innan HMS. BHT er ein del av Personal- og organisasjonsavdelinga der over 70 kollegaer tilbyr rådgiving og utviklingsstøtte på heile HR-området. BHT er lokalisert saman med, og har eit fagleg samarbeid med Yrkesmedisinsk avdeling.

Arbeidsoppgåver

• Bidra til å førebygge helseplagar og helseskadar som skuldast psykososiale risikofaktorar, med særleg vekt på emosjonelle belastningar hos våre tilsette
• Utvikle det systematiske HMS-arbeidet, med særleg vekt på digitalisering
• Koordinere kollegastøtteordninga i sjukehuset
• Halde kurs og undervise mellom anna om psykososialt arbeidsmiljø 
• Bistå leiarar, verneombod og tilsette med risikovurdering 
• Deltaking i lokale arbeidsmiljøutval
• Utføre målretta helseundersøkingar
• Andre BHT-oppgåver i eit tverrfagleg samarbeid

Kvalifikasjonar

• Helsefagleg utdanning på minimum bachelornivå
• Ønskeleg med erfaring frå bedriftshelseteneste
• Ønskeleg med videreutdanning innan HMS, anna relevant utdanning, eller STAMI sitt grunnkurs for BHT
• IKT-kompetanse og interesse for digitalisering
• Kunnskap om emosjonelle belastninger og andre psykososiale risikofaktorar i sjukehus

Personlege eigenskapar

• Du er engasjert og omgjengeleg, og har evne til å bygge gode relasjonar og skape eit positivt arbeidsmiljø.
• Du er analytisk, systematisk og målretta.
• Du er fleksibel og løysingsorientert, og har vilje til å tilpasse deg endringar og finne kreative løysingar på utfordringar.
• Du likar å tileigne deg og dele kunnskap, og er open for fagleg utvikling og erfaringsutveksling.

Vi tilbyr

• Varierte og sjølvstendige arbeidsoppgåver
• Eit triveleg arbeidsmiljø med høg tverrfagleg kompetanse
• Ei viktig rolle på ein arbeidsplass med eit stort samfunnsoppdrag
• Fleksibel arbeidstid
• Lønn etter avtale
• Gode pensjons- og forsikringsordningar

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Leif Johnsen, Seksjonsleiar, 91567104

Arbeidsstad

Haukelandsveien 22

5021 Bergen

Nøkkelinformasjon:

Arbeidsgivar: Helse Bergen


Referansenr.: 4915254456

Stillingsprosent: 100%

Fast

Søknadsfrist: 05.03.2025