Dataetterforskar

Er du opptatt av teknologi og vil bidra med å bekjempe kriminalitet i det digitale rom? Då vil vi gjerne høyre frå deg!

Vi søkjer deg som ønskjer å bidra til å styrke politiet sin kapasitet på datatekniske undersøkingar, internettrelatert etterforsking og digital sporsikring.

Vi ser etter deg som ønskjer å gjere ein forskjell og som vil inngå i eit kreativt og kompetent spesialistmiljø av dataingeniørar/spesialetterforskarar og datautdanna politipersonell i Møre og Romsdal politidistrikt.

Avsnitt for digitalt politiarbeid har som primæroppgåve å utføre datatekniske undersøkingar for politiet i samband med straffesaker, samt å gjennomføre avansert innsamling, analyse og dokumentasjon av digitale spor i heile Møre og Romsdal. Som ein del av avsnittet vil du gjennom å bruke din digitale kompetanse vere med på å etterforske alvorlege straffesaker.

Vi har eit tett samarbeid med nasjonalt cyberkrimsenter (NC3) på KRIPOS, og deltar også inn i nasjonale fagfora.

Stillinga er stadsplassert i Molde, og er underlagt Felles eining for etterforsking, førebyggande og etterretning (FEFE) i Møre og Romsdal politidistrikt.

Arbeidsoppgåver

• Datatekniske undersøkingar (sikring, analyse og dokumentasjon) for politidistriktet i samband med etterforsking av straffesaker
• Utvikling av metodar for sikring og analyse/tilrettelegging av elektroniske spor frå ulike lagringsmedium, andre databerarar og sporstader
• Presentasjon av analyser og sikringsarbeid for domstolane
• Halde deg oppdatert innanfor fagfeltet gjennom studie, kurs og deltaking på møte/seminar
• Undervising, rettleiing og kompetansedeling innanfor fagområdet internt i politidistriktet eller overfor eksterne samarbeidspartnarar
• Vere ein ressursperson/inspirator/pådrivar innanfor fagfeltet for politidistriktet
• Andre oppgåver pålagt av leiar

Kvalifikasjonar

Nødvendig:

• Fullført og bestått Politi(høg)skolen
• Interesse for datateknologi
• Gode norsk- og engelskkunnskapar, munnleg og skriftleg. Alle fagstudier foregår på engelsk.   
• Plettfri vandel og vere skikka for teneste i politiet. Politiattest (uttømmande og utvida) må hentast inn ved eventuell tilsetting, jf. politiloven § 18 og politiregisterloven § 41. Ved søknad på stillinga må ein pårekne at det blir henta inn opplysingar frå enkelte av politiet sine register og system til bruk i vandels- og skikkaheitsvurderinga.

Du må pårekne å gjennomføre NCFI 1 og 2A innen digital forensics ved Politihøgskolen.

For å kvalifisere til stilling som politioverbetjent/spesialist, gjeld i tillegg:

• Tre års erfaring innan fagområdet datatekniske undersøkingar
• Studiet NCFI 1 og 2A innan digital forensics ved Politihøgskolen. Anna relevant utdanning innan IT eller lang relevant erfaring kan kompansere for kravet for å bli vurdert til politioverbetjent/spesialist 

 

Ønskeleg

• NCFI 1, 2A og andre relevante moduler innan digital forensics ved Politihøgskolen
• Anna utdanning/fagbrev innan IT
• Erfaring med sikring og analyse av digitale spor
• Dataverktøykurs innan digital forensics som til dømes Cellebrite, Axiom, X-ways Forensics og Griffeye
• Erfaring med bruk av analyseverktøy som til dømes Cellebrite, Axiom, X-ways Forensics og Griffeye
  
• Fortruleg med operativsystema Linux, MacIntosh og Windows
• Kunnskap innan eit eller fleire av desse områda: Operativ- og filsystem, nettverks- og/eller trådlausteknologi, utsortering av beslagsfritt materiale, sikring av data frå skytjenester, dataanalyse, kryptering, virtualisering, kryptovaluta
• Erfaring frå etterforsking av digitale spor

Personlege eigenskapar

• Nysgjerrig på ny teknologi
• Løysings- og utviklingsorientert  
  
• Evne til å jobbe sjølvstendig og i team    
• Analytisk med god gjennomføringsevne  
• God relasjonsbygger som bidrar til eit godt arbeidsmiljø

Som medarbeidar i politiet har du høg etisk bevisstheit, du kjenneteiknast av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og om medarbeidarplattformen her: https://www.politiet.no/om-politiet/jobb-i-politiet/medarbeiderplattform/

Vi tilbyr

• Ein utfordrande og spennande arbeidsplass for deg som vil vere med og forme politiet for framtida
• Eit levande tekmiljø med gode utviklingsmoglegheiter
• Stillinga blir lønna som politibetjent 3/2/1 (SKO 1461/1459/1457), avhengig av kompetanse
• Politibetjent 3 - brutto årslønn på kr. 585 000 til kr. 680 000
• Politibetjent 2 - brutto årslønn frå kr. 525 000 til kr. 580 000
• Politibetjent 1 - brutto årslønn frå kr. 500 000 til kr. 560 000
• Politioverbetjent (stillingskode 0287), frå kr. 655 000 til kr. 710 000 brutto per år ved innfridde kvalifikasjonskrav for politioverbetjent
• Godtgjerelse etter gjeldande ATB og tillegg for eventuell turnusteneste
  
• For særskilt kvalifiserte kan noko høgare lønnsplassering bli vurdert
• Du vil bli medlem i Statens pensjonskasse som gir deg mange gode i tillegg til livsvarig alderspensjon. Les meir om tilsettingsgoda dine på spk.no/medlemskap-i-spk. 
• Det blir trekt to prosent frå løna til innskot i Statens pensjonskasse.
• Fleksibel arbeidstid og mogelegheit for trening i arbeidstida 
• Møre og Romsdal politidistrikt er ei IA-bedrift og er knytt til bedriftshelseteneste
  

Tilsetting skjer på vilkår fastsett i statsansatteloven og personalreglementet for politiet, derunder at prøvetida er seks månadar.

Kontaktinformasjon

Tom Erik Erlandsen, Avsnittsleiar, 70118700

Arbeidsstad

Strandgata 2

6415 Molde

Nøkkelinformasjon:

Arbeidsgivar: Møre og Romsdal politidistrikt


Referansenr.: 4921360331

Stillingsprosent: 100%

Fast stilling

Søknadsfrist: 06.03.2025