Pedagogisk leiar/Barnehagelærer

Søvik barnehage søker etter 200% stilling som pedagogisk leiar/ barnehagelærar.

Søvik barnehage har tre avdelingar. Barnehagen ligg i naturskjønne omgjevnader, med fjøra rett utanfor gjerdet og kort veg til skog og fjell. Barnehagen har eige naust, båt og gapahuk ved strandkanten. 

Vi søker etter deg som er aktiv, leiken og engasjert og som bidrar til å skape eit trygt og godt barnehage-/ arbeidsmiljø til det beste for barna og kollegaene dine. Du er engasjert og omsorgsfull, og ønsker å skape meiningsfulle og inspirerande kvardagar for barn.  Vi har eit godt fagmiljø med engasjerte tilsette med lang erfaring. Høyrest dette interessant ut, ønsker vi kontakt med deg og håper du vil søke på stillinga. Bli med i teamet vårt og ver med på å forme framtida.

I Haram kommune er gode, heilskaplege tenester i fokus. Vi er opptatt av å jobbe på tvers av tenestene, for å saman skape robuste tilbod for innbyggarar og næringsliv.

Arbeidsoppgåver

Som pedagogisk leiar har ein ansvar for å: 

• Iverksette og leie det pedagogiske arbeidet på si avdeling/base, i tråd med ramme - og lovverk (jf. Barnehageloven og Rammeplan for barnehage). 
  
• Rettleie og sørge for at barnehagelova og rammeplanen vert oppfylt gjennom det pedagogiske arbeidet.
  
• Leie arbeidet med planlegging, gjennomføring, dokumentasjon, vurdering og utvikling av arbeidet i barnegruppa eller innanfor dei områda du er sett til å leie.

Som barnehagelærer har ein medansvar for å: 

• Iverksette og leie det pedagogiske arbeidet på si avdeling/base, i tråd med ramme - og lovverk (jf. Barnehageloven og Rammeplan for barnehage).
  
• Rettleie og bidra til at barnehagelova og rammeplanen vert oppfylt gjennom det pedagogiske arbeidet.
  
• Planlegge, gjennomføre, dokumentere, vurdere og utvikle arbeidet i barnegruppa eller innafor dei områda du er sett til. 

Kvalifikasjonar

For stilling som pedagogisk leiar/barnehagelærar er det krav om utdanning som barnehagelærar/førskulelærar eller anna treårig pedagogisk høgskuleutdanning med vidareutanning i barnehagepedagogikk. 

Søkar må vidare:

• Levere oppdatert politiattest.
  
• Jobbe i tråd med barnehagelova.
  
• Ha gode norskkunnskapar. Personar med eit anna førstespråk enn norsk eller samisk må fylle språkkrav, jamfør Barnehagelova §18b.
  
• Jobbe i tråd med Haram kommune sine retningslinjer.

Personlege eigenskapar

Vi søker deg som har evne til å:

• Vere løysingsorientert, fleksibel og open for endring.
  
• Jobbe sjølvstendig og vere synleg i gruppa.
  
• Motivere og vere ein pådrivar i både det praktiske og faglege arbeidet.
  
• Bruke kompetansen du har, samt halde deg oppdatert både fagleg og på det som elles skjer på eigen arbeidsplass.
  
• Vere kreativ, jakte på nye idear og vise vilje til nyskaping.
  
• Vere bidragsyter i ein levande og lærande organisasjon, både i kvardagen og på personalmøte, planleggingsdagar og i oppfølging av kurs.
  
• Jobbe målretta, syne handlekraft, organisere og ta avgjerder med barna sitt beste i fokus. 
  
• Samarbeide med styrar, pedagogisk leiar, andre tilsette, føresette og eksterne samarbeidspartnarar som til dømes skule, PPT, barnevern og helsestasjon.
  
• Vere ein god rollemodell.
  
• Vere inkluderende og bidra til eit godt arbeidsmiljø/psykososialt miljø for både barn og vaksne, her under utøve nulltoleranse for mobbing og andre krenkingar jf. Barnehageloven.
  
• Sikre barn sin rett til medverknad og involvering.
  
  

Personlege eigenskapar, god arbeidskapasitet og gode referanser vil bli vektlagt. Aktuelle kandidatar vert kalla inn til intervju.

Vi tilbyr

• Eit utviklingsorientert fagleg miljø og stimulerande omgjevnader.
  
• Fint plassert, nær sjø, skog og skule.
  
• Eige naust med båt.
  
• Løn etter gjeldande tariff.
  
• God pensjonsordning.

 

Kontaktinformasjon

Martine Volstad, Barnehagestyrer, 91319181, martine.volstad@haram.kommune.no

Arbeidsstad

Plassen 19

6280 Søvik

Nøkkelinformasjon:

Arbeidsgivar: Haram kommune


Referansenr.: 4929138078

Stillingsprosent: 100%

Fast

Startdato: 01.08.2025

Søknadsfrist: 28.03.2025