Tilkallingsvikar Omsorg og sjukeheim

Ved Ørstaheimen er det behov for fleire dyktige tilkallingsvikarar. Det er pr. d.d. størst behov ved avdelinga Bakketun. Bakketun er ei skjerma avdeling for demente med 16 plassar, fordelt på to grupper. Vi legg vekt på at alle som bur her skal oppleve ein verdig alderdom i eit trygt miljø

Vi søkjer deg som ønskjer å utgjere ein forskjell for bebuarane våra og har interesse for demensomsorg.

Tilkallingsvikarar vert tilsett med arbeidsavtale i kortare eller lengre periode. Mynde til å gjere slik tilsetting er delegert til den einskilde avdelingsleiar. Tilsetting skjer fortløpande.

Arbeidsoppgåver

• Utføre pleie og omsorgsoppgåver, på ein fagleg og etisk måte 
• Fokus på forebygging og støtte opp under brukar sine eigne ressursa
• Utføre oppgåver i tråd med vedtak og gjeldande prosedyre
  
• Dokumentasjon av observasjonar, målingar og pleie i henhold til lov og forskrift
  
• Samhandle med brukar, pårørande og andre samarbeidspartar
  
• Bidra til å skape gode og meiningsfulle dagar for dei som bur på avdelinga
  

Kvalifikasjonar

• Det vert ikkje stilt krav om særskilt utdanning i arbeid som tilkallingsvikar, men helsefagleg eller sosialfagleg utdanning er ønskeleg
• Det vert stilt krav om gyldig politiattest ved tiltreding
• Ynskjeleg med praksis annan for pleie og omsorg
• Du må kunne nytte digitale fagsystem og velferdsteknologiske løysingar
• God norsk munnleg og skriftleg framstillingsevne. Kommunen nyttar nynorsk i all skriftleg kommunikasjon

Personlege eigenskapar

• Stabilitet og personlege eigenskapar vil verte vektlagde saman med utdanning og praksis. Referansar vert nytta.
• God i norsk munntleg og skriftleg
• Du har gode kommunikasjons- og samarbeidsevner
  
• Du må ha interesse og gjennomføringsevne når det gjeld å gi brukarane godt innhald i dagane
  
• Du er fleksibel og har evne til å arbeide strukturert, både sjølvstendig og saman med andre
  
• Du har godt humør og bidreg til eit positivt arbeidsmiljø

Vi gjer ei heilskapleg vurdering av søkjarane og personlege eigenskapar vert vektlagde

Vi tilbyr

• Eit godt arbeidsmiljø og kjekke kollegaer
• Arbeidsavtale i samsvar med gjeldande lov-, forskrift og avtaleverk.

Arbeidsvilkår : Dag/kveld inkl. helgar

Dokumentasjon
Framlegging av vitnemål og attestar saman med søknaden er ein føresetnad for best mogleg sakshandsaming.  Vitnemål og attestar dannar grunnlag for fastsetjing av ansiennitet og rett løn.  Vi ber om at attestar og vitnemål vert lasta opp som vedlegg til søknaden din. 
Referansar vert nytta og aktuelle søkjarar kan verte kalla inn til intervju.

Om offentleglova
I samsvar med offentleglova § 25, kan opplysningar om søkjaren unnatakast offentleg søkjarliste, dersom søkjaren sjølv oppmodar om dette. Den som ønskjer at namnet skal vere unnateke offentleg søkjarliste må grunngje dette. Søkjaren sine behov vil verte vurdert konkret opp mot omsynet til offentleg interesse og kravet om ålment innsyn. Elles vil oppmodinga verte vurdert i høve prinsippet om meirinnsyn på vanleg måte. Dersom kommunen meiner at det ikkje er grunnlag for fritak, vil søkjaren verte kontakta og få tilbod om å trekkje søknaden før endeleg søkjarliste vert laga.

Kontaktinformasjon

Arja Helena Hietanen, Vikar for avdelingsleiar Bakketun, 48123801, arja.hietanen@orsta.kommune.no

Wenche Iren Flo, Tenesteleiar, 97582100, wenche.flo@orsta.kommune.no

Arbeidsstad

Håkonsgata 78

6150 Ørsta

Nøkkelinformasjon:

Arbeidsgivar: Ørsta kommune


Referansenr.: 4933810903

Stillingsprosent: 1%

Vikar

Søknadsfrist: 20.04.2025