Sommarjobb hjå Bygdeutvikling?

Sommarjobb i Suldal kommune
Sommarjobb i Suldal kommune gir deg spannande arbeidsoppgåver og erfaring som kan kome godt med seinare i livet. Du blir kjend med oss, og me med deg.

Me lovar å ta vare på deg og vil gjere vårt beste for at sommaren 2025 blir fin og lærerik på jobb. Du blir invitert til kommunen sin sommarfest som er for alle sommarvikarane i Suldal kommune.

Eining Bygdeutvikling søkjer arbeid innan natur, miljø, og landbruk
Bygdeutvikling har ansvar for landbruk, areal, natur, viltforvaltning, klima, berekraft, oppmåling/ geografisk informasjon, byggesak og fysiske kulturminne. Me samarbeider med Rogaland fylkeskommune om ei stilling innanfor vassforvaltning. Me har og sekretærfunksjon for Villreinnemnda i Setesdal Ryfylke, etter avtale med Statsforvaltaren i Agder. Bygdeutvikling i lag med Teknisk drift, er til saman 15 personar og me har kontor på Sand, Garaneset langs vakre Suldalslågen.

Aktuelle oppgåver:

• Registrering av framande arter (nokre utvalde)
• Vassprøvetaking
• Utfisking av abbor
• Oppdatering av Suldal kommune si nettside for tema natur, klima og miljø
• Godkjenning av innmarksbeite som spreieareal i felt hjå gardbrukarar og elektronisk registrering av slik godkjenning
• Anna aktuelt arbeid knytt til arealbruk, natur, miljø og landbruk

Kva kan me tilby som arbeidsplass?

• Me gir deg god opplæring og støtte undervegs
• Du får god arbeidserfaring som kan kome godt med seinare i livet
• Du får kunnskap om arbeidsområde som gir deg kunnskap og grunnlag for gode yrkesval for deg sjølv seinare
• Du blir meir kjend i vakre Suldal kommune
• Arbeid i felt og ved synfaringar, og i kontakt med grunneigarar
• Rikt høve til å vere ute i ei fin årstid, bli kjend med geografi og trivelege folk i kommunen
• Me er fleksible på lengd av sommarjobben, 4-8 veker er aktuelt

Du vil trivast hos oss dersom du:

• Er interessert i arbeide du skal gjera
• Er påliteleg
• Kan arbeida sjølvstendig
• Likar både inne – og utearbeid

Me ser etter:

• Me søkjer etter student eller liknande. Du må ha tilgang på bil.
• Har interesser og fagområde innafor for natur, miljø, landbruk og berekraft
• Likar å jobbe med kart og GIS
• Har noko kjennskap til offentleg forvaltning og kommune
• Er fleksibel og nysgjerrig

 Andre opplysningar:

•  Aktuelle søkjarar vert kalla inn til intervju
•  Kontaktinformasjon for stillinga finn du til høgre for annonsa
•  Kommunen følg offentlighetslova § 25 ved eventuell offentleggjering av søkjarliste

Slik søkjar du:

• Me ber om at du søkjer elektronisk. Klikk på «send søknad» og følg vidare instruksjonar.
• Du kan logge inn via ID-porten, med brukarnamn og passord, via Facebook-profil eller søkje utan å logge inn.
• Skriv litt om deg sjølv og kva bakgrunn, fagområde og interesser du har i skulegang og som student til no.
• Treng du hjelp, kan du venda deg til kommunen på tlf 52 79 22 00

  Velkomen som søkjar! Me ser fram til å høyra frå deg.

Link til søknadsskjema: Søk her