Fysioterapeut 100 % fast stilling

Omtale av stillinga

Kvinnherad kommune søker fysioterapeut i 100 % fast stilling. Arbeidsstad er eining Aktivitet og rehabilitering i avdeling for Ergo- og fysioterapi. Avdelinga har 8 kommunale fysioterapeutar og 3 ergoterapeutar. I tillegg har tenesta 6 fysioterapeutar med avtaleheimel. Du får eit breitt samarbeidsfelt, der våre øvrige tilsette i eininga, heimetenester, institusjon og innbyggjarar vert nære samarbeidspartar. Vi er ei teneste i utvikling og ynskjer oss terapeutar som er engasjert innanfor forbetring- og tenesteutvikling, i tillegg til fagutvikling.

Stillinga vil verta nytta til tradisjonelle fysioterapioppgåver mot heimebuande, oppfølging av pasientar på institusjon, gruppetreningar og kurs med meir.

Ut frå kvalifikasjonar og ynskjer kan det verta aktuelt å knytte 50 % av stillinga opp til eit nærværsprosjekt med fokus på å skape helsefremjande arbeidsplasser i form av arbeidsmiljø, ergonomi, tilrettelegging med meir. I tillegg delta i innovasjons- og utviklingsarbeid på relevante områder. Etter endt prosjekttid (1-2 år) vil denne stillingsressursen bli sett til andre relevante fysioterapioppgåver. Stillinga sitt innhald vil også kunne endrast med sektoren sine behov og prioriteringar. Me ynskjer alle søknadar svært velkomne uansett om dette verkar interessant eller ikkje.

Stillinga er ledig frå sommaren 2025, med oppstart etter avtale.

 

Arbeidsoppgåver

• Rehabilitering og opptrening av pasientar, både heimebuande og på institusjon
• Leie gruppeaktivitetar (trening, kurs)
• Tilrettelegging for meistring, aktivitet og deltaking
• Samarbeid innan tenesta og med eksterne aktørar
• Deltaking i og oppfølging av nærværsprosjekt
• Innovasjons- og utviklingsarbeid

 

Kvalifikasjonar og erfaring

• Norsk autorisasjon som fysioterapeut
• Erfaring/kompetanse innan allmenfysioterapi og rehabilitering
• Gode munnlege og skriftlege kunnskapar i norsk
• God digital kompetanse. Kommunen nyttar per i dag journalsystem Physica og Profil og Microsoft Teams som kommunikasjonsplattform.
• Vere strukturert og like å ha orden
• Førarkort klasse B og disponere eigen bil

 

Personlege eigenskapar

• Sjølvstendig, men likar å samarbeide med andre
• Gjennomføringsevne
• Nysgjerrig, engasjert og med evne til å jobbe strukturert
• Likar å gjere nye oppgåver og er fleksibel
• Gode kommunikasjons- og samarbeidsevner med brukarar og samarbeidspartar
• Initiativrik
• Personlege eigenskapar vert vektlagt ved tilsetjing.

 

 Vi tilbyr

• Tilsetjing skjer etter gjeldande vilkår for kommunale arbeidstakarar i samsvar med HTA og AML.
• Pensjonsordning, ulykkes- og gruppelivsforsikring gjennom KLP.
• Eit tverrfagleg miljø i utvikling, med vekt på samhandling.
• Utfordrande og sjølvstendig arbeid, fleksibel arbeidstid
• Dekning av flytteutgifter etter nærare reglar.
• Reduserte barnehageprisar og gratis SFO.
• Inga eigedomsskatt

Link til søknadsskjema: Søk her