Spesialingeniør/bioingeniør - laboratoriepersonell

For å styrke Noreg sin posisjon innan regenerativ medisin og presisjonsterapiar er det nyleg oppretta ein nasjonal infrastruktur “ATMP Norway”, som vil auke internasjonal konkurranseevne og akselerere utviklinga av nye avanserte terapiar (ATMPs). For å støtte innsatsen til ATMP Norway, så etablerast det eit pre-GMP laboratorium ved Haukeland universitetssjukehus (HUS). Målet er å fremme utvikling og produksjon av avanserte terapiar til bruk i kliniske studiar ved å legge til rette for godt samarbeid mellom akademiske forskara (ev. industriutviklare) og ein GMP reinromsfasilitet som er allereie etablert på HUS. 

Vi søker ein motivert spesialingeniør som vil ha ansvar for etablering og drift av eit pre-GMP laboratorium ved HUS, og som vil samarbeide med forskingsgrupper som ønsker å komme i gang med kliniske studiar. Arbeidet vil vere å utvikle, dokumentere og kvalitetssikre forskingsprotokollar saman med forskarar, og teste desse i pre-GMP laboratorium, slik at protokollane er i samsvar med retningslinjene for Good manufacturing practice (GMP). Det er fleire faggrupper, både lokalt og regionalt, som har behov for å få tilverke avanserte medisinske produkt i samband med behandling av sjukdommar, mellom anna til regenerativ beindanning, immunterapi og kreftbehandling. Initiativet vil dermed mellom anna sikte på å bygge bru mellom preklinisk forsking og klinisk bruk.

Arbeidsoppgåver i stillinga vil også vere å ta del i aktivitetane i GMP-sertifisert reinrom, mellom anna cellekultur- og analysearbeid tilknytt produksjonsarbeid og kvalitetskontroll. Den ideelle kandidaten vil ha en sterk interesse for vitskapeleg forsking og celleterapiar til klinisk bruk, med ekspertise innan aseptisk cellekulturarbeid og molekylære teknikkar.

Arbeidsoppgåver

• Ansvar for rutinedrift av pre-GMP laboratoriet, inkludert varebestillingar, kontroll av varer og vareplassering i laboratoriet
• Vere instrumentansvarleg, inkludert ansvar for enkelt vedlikehald av laboratorieutstyr og oppfølging av serviceavtalar, og opplæring av tilsette i bruk av instrument
• Delta på anbodsprosessar, og ha kontakt med servicepersonell og leverandørar
• Skrive prosedyrar, og valideringsrapportar
• Delta på laboratoriearbeid etter aseptisk arbeidsteknikk både i pre-GMP og GMP-sertifisert laboratorium (reinrom), samt kvalitetskontroll av avanserte celleterapiar
  
• Evaluere og oppsummere data, tolke funn og komme med tilrådingar for framtidige eksperiment for å oppnå prosjektmål
  
• Skapa eit godt samarbeid med akademiske forskingsgrupper og ev. industri for å utvikle nye produksjonsprotokollar og SOPs for bruk i kliniske forskingsprotokollar, og sikre ein god overføring frå prosessutvikling til (pre)GMP-legemiddelproduksjon
  
• Sette seg inn i ny kunnskap for produksjonsprotokollar og laboratorieanalysar, fylle ut dokumentasjon og sjå til at prosedyrar blir etterfølgde
  
• Andre oppgåver ved avdelinga kan bli aktuelt

Kvalifikasjonar

• Minimum relevant mastergrad (cellebiologi, mikrobiologi, farmasi, molekylærbiologi eller liknande)
• Mykje praktisk erfaring frå laboratoriearbeid, mellom anna arbeid med cellekultur (fortrinnsvis humane immun- eller stamceller), aseptisk arbeidsteknikk, og molekylærbiologiske metodar
• Praktisk erfaring frå arbeid i eit reinrom som tilverkar legemidlar, og erfaring/kjennskap til arbeid med automatiserte og lukka instrument for produksjon er ein stor fordel, men opplæring blir gitt
• Det blir lagt vekt på gode datakunnskapar
• Erfaring innan GMP og frå relevant regulatorisk arbeid blir vektlagt
• Må meistre norsk og engelsk skriftleg og munnleg

Personlege eigenskapar

Følgande personleg eigenskaper hos søkar vil bli lagt vekt på:

• Positiv og initiativrik
• Gode samarbeids- og kommunikasjonsevner
• Kunne raskt tileigne seg ny kunnskap og sette seg inn i nye protokollar og analysar
• Vere fleksibel og tilpasse seg endring i oppgåver og prioriteringar
• Godt strukturert med god evne til å planlegge sjølvstendig arbeid
• Resultat- og løysingsorientert
• Vere ansvarsmedviten og forståing for å følge lovverk
• Engasjement for fagfeltet innan regenerativ medisin og celleterapi

Vi tilbyr

• Delta i den spennande utviklinga av nye behandlingsmetodar innan avansert celleterapi
• Samarbeid med leiande forskingsgrupper innan regenerativ medisin
• Godt og stimulerande arbeidsmiljø
• Fagleg og personleg utvikling
• Konkurransedyktig pensjonsordning og gode forsikringsordningar
• Lønn ut frå kompetanse og erfaring

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Vi ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett, alder, funksjonsevne og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.

Kontaktinformasjon

Kimberley Joanne Hatfield, Seksjonsleiar, 55973053, kimberley.joanne.hatfield@helse-bergen.no

Einar K. Kristoffersen, Avdelingssjef, einar.kleboe.kristoffersen@helse-bergen.no

Arbeidsstad

Jonas Lies vei 91B

5021 Bergen

Nøkkelinformasjon:

Arbeidsgivar: Helse Bergen HF


Referansenr.: 4938468133

Stillingsprosent: 100%

Fast

Søknadsfrist: 09.04.2025