🌲Fast stilling som friluftsentusiastisk pedagog i ein privat Natur- og friluftsbarnehage. Eventus Valen Barnehage AS

Eventus Valen Barnehage har ledig ei 100 % fast stilling som bhg.lærar/ped. leiar. Vi ser etter ein friluftsentusiastisk person med ein tydeleg friluftspedagogikk, basert på uteaktiviteter, buss-, båtturer, og nærturer i skog og fjell! Oppstart 1. august.

Hva vi ser etter

Generelle eigenskapar vi ser etter:

• Du er ein god rollemodell for barna.

• Du er fagleg reflektert og oppteken av å halda deg oppdatert.

• Du er interessert i friluftsliv for barn.

• Du er oppteken av å gi barna gode opplevingar.

• Du held deg i form til å handsama ein aktiv barnehagekvardag.

• Du likar å vera aktiv saman med barna inne, ute og på tur.

• Du likar å vera ute i all slags vêr.

• Du er god til å samarbeida med andre menneske i alle aldrar.

• Du har god kompetanse på digitale verktøy og IKT.

• Personleg eigenheit blir vektlagt.

Vi er opptekne av å vere ein mangfaldig barnehage, så søk gjerne på stillinga sjølv om du ikkje stemmer 100 % med det vi beskriv her.

Nødvendige kvalifikasjonar:

• Utdanna barnehagelærar eller anna gyldig relevant utdanning.

• God munnleg og skriftleg framstillingsevne på norsk. Fleire språk er eit pluss.

• Gyldig politiattest.

Arbeidsoppgaver

Arbeids- og ansvarsoppgåver vil mellom anna vera:

• Vise ein tydeleg friluftsprofil i barnehagen

• Planlegging, tilrettelegging, dokumentering og synleggjering av pedagogiske aktivitetar evt. saman med avdelingsleiar.

• Vera ein del av pedagog-teamet i barnehagen.

• Vera ein del av barnehagens profesjonsfellesskap, halda seg fagleg oppdatert og delta aktivt i kunnskapsutvikling med andre tilsette.

• Få tildelt eit ekstra ansvarsområde etter eige ynske. Dette kan vera noko du sjølv brenn for å få til (friluftsliv, grønsakhage, leikeområde osb.).

• Samarbeida på tvers av avdelingar og sjå heile barnehagen som ein heilskap.

• Vera primærkontakt for halve barnegruppa på avdelinga. Dette inneber å ha foreldresamtalar, tilrettelegging av ekstra behov, kontakt med ulike støtteinstansar og andre tilpassingar som eventuelt følgjer dine primærbarn.

Vi tilbyr

• Rettleiing for nytilsette på tvers av Eventus-barnehagane.

• Minibuss og moglegheit for å få dekka førarkort på minibuss og båt.

• Stor lavvo som kan brukast heile året.

• Godt utstyrt friluftsbod og gode moglegheiter for utviding.

• Fleksibel kvardag der kvar avdeling har mykje autonomi.

• Engasjerte medarbeidarar som er opptekne av pedagogisk kvalitet.

• Fokus på bruk av plantid for å halde høg kvalitet i barnehagen.

• Arbeidsklede.

• Lønn som følgjer PBL sin tariff.

• Planleggingsdagar med fagleg innhald både i enkeltbarnehagar og felles for alle i Eventus.

• Mangfaldig arbeidsmiljø med halvparten mannlege tilsette.

Eventus barnehagar har felles årsplan, pluss ein som er tilpassa den enkelte barnehagen. Les årsplanane her: https://eventus.barnehage.no/Innhold/Side/139042