Ser du muligheter der andre ser begrensninger, er innovativ, kreativ og forstår teknologi? 

Kriminaliteten i dag er like mykje til stades på digitale plattformar som i det fysiske rom, og det har gjort at det har utvikla seg nye formar for kriminalitet. Denne forma for kriminalitet kjem til syne i heilt andre og alvorlege kriminalitetstrugslar. Fagfeltet er eit av politidistriktet sine strategiske satsningsområde.

Vi er ute etter deg som er nysgjerrig, innovativ, kreativ og samstundes evner å forstå teknologien sin rolle i dagens samfunn. Du må ha god gjennomføringskraft som vil gjera det mogleg og driva ei aktiv kriminalitetsbekjemping som held følgje med den raske teknologiske utviklinga i samfunnet.

I Vest politidistrikt, for tida Felles eining for etterretning og etterforsking, Seksjon for kriminalteknikk og digitalt politiarbeid, Avsnitt for digitalt politiarbeid er det ledig eit antall stillingar som politioverbetjent og politiførstebetjent (SKO 0287/0285) med funksjon som dataetterforsker. Ei av stillingane skal plasserast i Florø.

Avsnitt for digitalt politiarbeid (DPA) har medarbeidarar lokalisert i Bergen og Florø. Du må rekne med noko reiseverksemd i heile politidistriktet og mellom lokasjonene i Florø og Bergen. Søkjarar må angi kvar dei ønsker oppmøtestad.

Oppfyller du ikke kompetansekrava til stilling som politioverbetjent eller politiførstebetjent? Sjå utlysning for stilling som politibetjent 3/2/1 med funksjon som etterforskar :4923107746

Arbeidsoppgåver

• Sikring og tilrettelegging av elektroniske spor frå ulike lagringsmedier og sporstader
• Bistå med gjennomføring av innhaldsanalyse og veiledning
• Halde seg oppdatert innanfor sitt fagfelt gjennom studie, kurs og deltaking på møte/seminar
• Vere ein ressursperson, inspirator og pådrivar innan fagfeltet i heile politidistriktet
• Yte bistand til andre driftseiningar, seksjonar og avsnitt ved aksjonar
• Delta i opplæring og kompetansedeling i eige politidistrikt
• Beredskapsvakter må påreknast
• Andre oppgåver pålagt av overordna

Kvalifikasjonar

Nødvendig:

• Vitnemål frå politiskule/politihøgskule.
• Relevant erfaring frå taktisk etterforsking
• God munnleg og skriftleg framstillingsevne i norsk
• Beherske engelsk munnleg og skriftleg
• God kjennskap til systema til politiet
• Gjennomført obligatorisk årleg opplæring for etterforsking (OÅO), eller delta på slik opplæring etter tiltreding
• For politioverbetjent: tilfredsstille kompetansekrava for pb3 og ha arbeidet innan fagfeltet digital kriminalteknikk i minimum 5 år. Ved anna relevant bachelor- eller mastergrad kan heile eller deler av kravet fråvikast
  For politiførstebetjent: tilfredsstille kompetansekrava for pb3 og ha arbeidet innan fagfeltet digital kriminalteknikk i minimum 3 år. Ved anna relevant bachelor- eller mastergrad kan heile eller deler av kravet fråvikast

Du må ha plettfri vandel og vera skikka for teneste i politiet og politiattest (uttømmande og utvida) må innhentast ved ev. tilsetjing jfr. politilova § 18 og politiregisterlova § 41

Ønskeleg:

• Vidareutdanning i etterforsking (VEF)
• NCFI Core and Concepts modul 1 ved PHS eller forplikte seg til å gjennomføre snarast mogleg, samt andre relevante studier ved PHS tilsvarande 20 studiepoeng innan 3 år.
• God teknisk kompetanse innan informasjonsteknologi 
• Anna relevant utdanning innan teknologi
• Erfaring frå digitalt politiarbeid og god fenomenforståing innan elektroniske spor
• Erfaring frå taktisk etterforsking av cyberrelatert og cyberstøtta kriminalitet
• Kunnskap om etterretning og førebygging

Personlege eigenskaper

• Gode samarbeids og kommunikasjonsevner, under dette kunne arbeide tverrfagleg og i team
• Evne til å arbeide sjølvstendig, strukturert og vera løysingsorientert med god gjennomføringsevne.
• Evne til å skape resultat i samhandling med andre
• Evne til å byggje relasjonar og vere ein god rettleiar og pedagog i høve til kollegaer og eksterne samarbeidspartar
• Være nysgjerrig, kreativ og innovativ i oppgåveløysinga
• Trivast med å jobbe i ein dynamisk organisasjon som endrar seg etter det teknologiske bildet og kriminalitetsbildet.

Som medarbeidar i politiet har du høgt etisk medvit, du blir kjenneteikna av å vera modig og heilskapsorientert, du viser respekt og er tett på. Du kan lesa meir om dei etiske retningslinjene våre og medarbeidarplattform her

Vi tilbyr

• Ein utfordrande og spanande arbeidsplass for deg som vil vera med på å forma framtidas politi
• Eit arbeidsmiljø med engasjerte og dyktige kollegaer
• Stilling som politioverbetjent med funksjon som dataetterforsker, (stillingskode 0287), vert for tida lønna med kr 800.000 brutto per år
• Stilling som politiførstebetjent med funksjon som dataetterforsker, (stillingskode 0285), vert for tida lønna med kr 695.000 brutto per år
• Medlemskap i Statens pensjonskasse, med mellom anna gode pensjons- og forsikringsordningar (www.spk.no)

Generelt

Politiet meiner at inkludering og mangfald er ein styrke. Me treng medarbeidarar med ulike kompetansar, bakgrunn, erfaring og perspektiv for å bidra til endå betre oppgåveløysing. Dersom det er mogleg vil me leggja til rette for medarbeidarar som har behov for det.

Dersom det er kvalifiserte søkjarar med funksjonsnedsetjing, hol i CV-en eller innvandrarbakgrunn, skal me kalla minst inn éin søkjar i kvar av desse gruppene til intervju. For å bli vurdert som søkjar i desse gruppene, det vil seia positivt særbehandla på denne måten, må søkjarane oppfylla visse krav.

For å ha eit godt vurderingsgrunnlag ber me deg om å registrera utfyllande CV i rekrutteringsportalen vår og lasta opp relevante attestar og vitnemål. Dersom du har funksjonsnedsetjing, hol i CV-en eller innvandrarbakgrunn oppmodar me deg til å kryssa av for dette i rekrutteringsportalen vår. Avkryssingane dannar grunnlag for anonymisert statistikk som alle statlege verksemder rapporterer i årsrapportane sine.

Du kan lesa meir på arbeidsgivarportalen https://arbeidsgiver.difi.no/positivsaerbehandling.

Opplysningar om deg kan bli offentleggjort sjølv om du har bede om ikkje å bli ført opp på søkjarlista. Dersom oppmodinga ikkje blir teken til følgje, vil du bli varsla om dette.

Saksnr.: 24/265885

Kontaktinformasjon

Odd Arve Solvåg, Seksjonsleiar, 57758835

Kjell Ove Riple, Avsnittsleiar, 91543747, kjell.ove.riple@politiet.no

Spørsmål om elektronisk søknad/ CV, Seksjon for HR, 207.HR@politiet.no

Arbeidssted

Strandavegen 13

6905 Florø

Nøkkelinformasjon:

Arbeidsgiver: Vest politidistrikt


Referansenr.: 4884655094

Stillingsprosent: 100%

Fast stilling

Søknadsfrist: 01.04.2025