Dataspelrådgivar (vikariat)

Om stillinga

Norsk filminstitutt skal medverke til eit breitt utval av norske kvalitetsspel, og legge til rette for ein robust og berekraftig spelbransje som kan hevde seg i den internasjonale marknaden. Vi gir tilskot til utvikling, lansering og formidling av spel som kulturuttrykk. Vi bidrar også til arrangement og kompetansebygging i heile landet for å skape ein dataspelkultur som er tilgjengeleg, inkluderande og trygg for alle som vil ta del.

I NFI arbeider vi ut frå at måla våre blir nådd best gjennom samhandling på tvers og deling av erfaringar og kompetanse. 

Stillinga er eit vikariat i 100 % stilling med oppstart seinast 01.09.2025 og fram til 19.06.2026. Stillinga er organisatorisk plassert i seksjon for Spill og MEDIA Desk, og har arbeidsstad i Oslo.

Kven er du?

Vi ser etter deg som har gode samarbeidsevner, men som kan jobbe sjølvstendig og har evne til å ta sjølvstendige avgjerder. Du kan kommunisere godt, både skriftleg og munnleg, og har ei ryddig og strukturert tilnærming til arbeidsoppgåvene.

Arbeidsoppgåver

Medverke i saksbehandlinga av tilskotsordningane til seksjonen gjennom å: 

• legge til rette for søknadsrundar/utlysingar
• vurdere søknader 
• vurdere rapporteringar
• informere om ordningane
• tekstproduksjon til pressemeldingar/nettsider

Medverke i gjennomføring av prosjekta til seksjonen gjennom: 

• tekstproduksjon
• oppfølging av framdrift

Krav til kompetanse

• Relevant høgare utdanning minimum på bachelornivå, for eksempel innan dataspel, prosjektleiing, kulturformidling og/eller innovasjon. Realkompetanse innan dataspelfeltet kan erstatte krav til utdanning.
• Gode skriftlege og munnlege formuleringsevner på norsk 
• Kunnskap om dataspel generelt

Det er òg ønskeleg at du har 

• erfaring frå spelbransjen
• erfaring med prosess- og/eller prosjektleiing 
• erfaring frå offentleg tilskotsforvaltning
• mangfaldskompetanse 

Det er ein fordel om du har god talforståing og gode formuleringsevner på engelsk, både skriftleg og munnleg.

At personen høver i stillinga vil bli vektlagt.

Vi tilbyr

• Løn i samsvar med statens lønsregulativ. Stillinga som rådgivar (SKO 1434)  vil bli lønna frå kr 650 000 – 690 000 brutto per år, avhengig av kvalifikasjonar. For særleg kvalifiserte kandidatar kan høgare løn vurderast.
• Eit dynamisk og kompetansedrive arbeidsmiljø
• Nye, oppgraderte lokale i Dronningens gate i Oslo 
• Medlemskap i Statens pensjonskasse med gode vilkår for pensjon, bustadlån og forsikringar
• Fleksibel arbeidstid
• Interne filmframsyningar av aktuelle norske filmar og månadens film på Cinemateket
• Gratisbillettar til dei fleste av Cinematekets visningar
• Gratis digitalt interaktivt treningstilbod, rabatt på treningsstudio og delvis refusjon av treningsavgift

Andre opplysningar

Norsk filminstitutt jobbar kontinuerleg med forbetring og endringar og har ambisjon om å vere ei framoverlent verksemd innan mangfald og inkludering. Vi oppmodar derfor kvalifiserte søkarar, uansett alder, kjønn, seksuell orientering, funksjonsevne, etnisk eller sosial bakgrunn, til å søke på stillinga. Dersom det er kvalifiserte søkarar med funksjonsnedsetting, hol i CV-en eller innvandrarbakgrunn, skal vi innkalle minst ein søkar i kvar av desse gruppene til intervju. For å bli vurdert som søkar i desse gruppene, det vil seie positivt særhandsama, må søkarane oppfylle visse krav. Les meir om Positiv særbehandling når man søker jobb i staten

I samsvar med offentleglova § 25 gjer vi merksam på at opplysningar om søkarane kan bli gjorde offentlege. Dersom du ønsker å søke om unntak frå offentlegheit, ber vi deg opplyse om dette og grunngje det når du sender inn søknaden.