Einingsleiar open omsorg

Om stillinga

Tysnes kommune søkjer ein engasjert og tydeleg einingsleiar for open omsorg, som vil spele ei nøkkelrolle i å sikre og vidareutvikle gode tenester for innbyggjarane våre.

Eining for open omsorg omfattar heimetenestene, som inkluderer både heimesjukepleie og heimehjelp, samt to veldrevne bufellesskap for personar med psykisk utviklingshemming med tilknytt dagsenter. Bufellesskapa og heimesjukepleie har eigne avdelingsleiarar. 

Heimetenestene er samlokalisert med Tysnes omsorgssenter i moderne lokale frå 2017, noko som legg til rette for tett samarbeid mellom einingane. Dette, og samarbeid med tenestemottakarar, pårørande, legetenester og andre interne og eksterne samarbeidspartnarar er avgjerande for å kunne tilby heilskaplege og gode tenester til heimebuande som har trong for det.

Som einingsleiar har du det overordna ansvaret for eininga sine tenester, inkludert fag, økonomi og personalleiing. Du vil samarbeide tett med andre tenester i kommunen for å sikre god samhandling på tvers av einingar.

Du får personalansvar for tre avdelingsleiarar, samt helsefagarbeidarar og assistentar i eininga. Du rapporterer til kommunalsjef for helse og omsorg og inngår i kommunalsjefen si leiargruppe.

Kva stillinga går ut på

• Personal- og økonomiansvar.
• Ansvar for å driva fram utvikling i eininga og bidra til utvikling på tvers i kommunen.
• Ansvar for gode tenester og godt arbeidsmiljø. 
• Ivareta strukturert partssamarbeid. 
• Forvaltning og sakshandsaming, samt dagleg drift. 
• Fleire oppgåver kan verte tillagt stillinga ut frå søkjar sin kompetanse og arbeidsgjevar sine behov.

Kva kompetanse som er viktig

• Relevant høgare utdanning innan helse- og omsorgsfeltet.
• Leiarerfaring og  evne til å ta ansvar og leie andre i endrings- og utviklingsprosessar.
• Det er ønska leiarkompetanse, eller at du er i gang med ei slik utdanning.
• God økonomi- , samfunns og budsjettforståing.
• God innsikt i offentleg forvaltning, og kjennskap til gjeldande lovverk.
• Evne til å sjå heilskap og leggja til rette for tverrfagleg samarbeid.
• Gode norskkunnskaper, både munnleg og skriftleg.
• Førarkort klasse B.

Ved ei eventuell tilsetjing må du leggja fram:

• Politiattest, jf. helse- og omsorgstenestelova § 5-4.
• Eigenerklæringsskjema for MRSA og tuberkulose.

Kva me ser etter hos deg

Me ser etter deg som har erfaring frå leiing, og som gjerne har formell leiarutdanning eller er i gang med dette. Du har tryggleik i rolla som leiar, og evnar å balansere både fag, relasjonar og endring. Me ser etter deg som: 

• er ein tydeleg og inspirerande leiar som motiverer medarbeidarane dine.
• har eit brennande engasjement for utvikling av tenester til innbyggjarane våre.
• har evne til å sjå heilskap og leggja til rette for tverrfagleg samarbeid.
• er open, inkluderande og har gode kommunikasjonsevner.
• er strukturert, målretta og har god arbeidskapasitet.
• du ser heilskap og har god gjennomføreingsevne.

Me tilbyr

Høyres det gjevande ut å jobba ein stad med eit inspirerande samfunnsoppdrag? Då trur me du vil trivas hos oss! Som einingsleiar får du ein spanande og meiningsfull jobb der du kan påverka framtida for helse- og omsorgstenestene i Tysnes kommune.

Blir du blir motivert og engasjert av å arbeida med spanande og meiningsgulle oppgåver og få høve til å påverka framtida for helse- og omsorgstenestene i Tysnes kommune? Då trur me at du vil trivast hos oss! Me er opptekne av det samla samfunnsoppdraget til helsetenesta og korleis me kan utøva det best mogleg for brukar og pårørande. 

Tilsetjing hos oss gjer deg medlemskap i KLP. Det betyr blant anna at du får ei av dei beste pensjonsordningane i Noreg, samt høve til å søkja om bustadlån med gunstige vilkår. 

Stillinga er lønsplassert i kapittel 3.4.2, med årlege lønsjusteringar etter lokale forhandlingar. Stillinga er rekna som unormert og det vert såleis tildelt 5 kompensasjonsdagar per år.

Synes du dette verkar som ei spanande stilling eller det er noko du lurar på etter å ha lest annonsa? Ta gjerne kontakt med oss som står oppført som kontaktpersonar i annonsa.

Mangfaldserklæring

Tysnes kommune ønskjer å spegla mangfaldet i befolkninga i rekrutteringa vår. Me oppmodar alle som er kvalifiserte til å søkja ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Me ønskjer å legga til rette for inkluderande rekruttering.