Ingeniør

Er du på jakt etter nye utfordringar? Vi søker ingeniør til 100% fast stilling ved Eining for behandlingshjelpemiddel (BHM), Seksjon for logistikk og verkstad.

Eining for Behandlingshjelpemiddel (BHM) høyrer innunder Medisinsk-Teknisk avdeling, og er organisert i to seksjonar; Seksjon for kliniske fag og Seksjon for logistikk og verkstad. Eininga har 37 tilsette totalt, og tilsettgruppa omfattar både sjukepleiarar, merkantilt personell, ingeniørar, lagermedarbeidarar, sjåførar, assistentar og stab. Vi samarbeider for å finne dei gode løysingane for våre pasientar og for å halda oppe ei effektiv drift. Det er tett dialog mellom dei tilsette, og dei hjelper kvarandre med dei ulike arbeidsoppgåvene gjennom dagen.

Seksjon for logistikk og verkstad har ansvar for logistikktenester og forvaltning av medisinsk utstyr til pasientar som blir utskrivne med spesialisert heimebehandling. Det er fem ingeniørar tilsett på verkstaden, i tillegg til sju på lageret, tre sjåførar og éin tilsett på reinhald. På verkstaden har dei tilsette ansvar for forvaltning av alt medisinsk utstyr, og må forhalde seg til gjeldande lover og regelverk innan handtering av medisinsk teknisk utstyr. Heimebehandling er i utvikling og stadig ny teknologi og nye avtalar på medisinsk utstyr medfører at det blir stilt krav til at du held deg fagleg oppdatert, gjennomfører nødvendige servicekurs og har evne til å raskt tileigne deg ny kunnskap. BHM handterer medisinsk utstyr innan fagområda diabetes, respirasjon og ernæring, og det er viktig at du har evne til å bli godt kjent med og handtere alle utstyrsgrupper.

Stillinga som ingeniør hos BHM omfattar dagleg samhandling med pasientar, så vel som dokumentasjonsarbeid og teknisk arbeid med utstyr. Arbeidsoppgåvene krev gode datakunnskapar då vi arbeider på tvers av mange ulike datasystem. Arbeidsdagen er prega av høgt tempo, og vi treng deg som arbeider effektivt og har evne til omstilling. Ved behov må dei tilsette reise på heimebesøk til pasientar for å bistå med feilsøking og ombytte av defekt utstyr, derfor er det krav om førarkort klasse B til denne stillinga. Noko reiseverksemd må påreknast i samband med servicekurs hos leverandørar.

Fokus på heimebehandling er aukande og vår teneste mot heimebuande pasientar utviklar seg raskt, så dette er eit høve til å arbeide innanfor eit spennande satsingsområde!

Arbeidsoppgåver omfattar mellom anna

• Forvaltning av medisinsk-teknisk utstyr
• Gjennomføring av service på utstyr, både planlagt vedlikehald og akutt service
• Bistå pasientar, pårørande og medisinsk personell med feilsøking/ombytte på utstyr
• Resirkulering av medisinsk utstyr
• Bistand på skyllerom med sortering av utstyr, returhandtering og klargjering/etterarbeid i samband med desinfeksjon av utstyr
• Reklamasjonshandtering av defekt utstyr og enkelte forbruksartiklar
• Bruk av ulike datasystem, mellom anna Medusa, Kjørotek, SAP/Libra og Microsoft 365
• Administrativt arbeid, mellom anna dokumentering i journalsystem
• Bestilling og mottak av reservedelar og varer til verkstad
• Samarbeid og samhandling med kollegaer og faggrupper internt i eininga, pasientar, personale ved klinikkar/avdelingar ved Haukeland universitetssjukehus, og andre aktuelle samarbeidspartnarar
• Gjennomføring av servicekurs og fagleg oppdatering

Du må ha

• Bachelorgrad innan relevante ingeniørfag, eller relevant teknisk fagbrev
• Erfaring med medisinsk-teknisk utstyr er ein fordel
• Erfaring frå arbeid med menneske
• Må meistre godt norsk, både skriftleg og munnleg 
• Gode datakunnskapar og raskt kunne tileigne deg nødvendig kompetanse innanfor dei ulike systema vi nyttar 
• God kommunikasjonsevne, både skriftleg og munnleg
• Førarkort klasse B

Vi trenger deg som

• Kan arbeida godt, både sjølvstendig og i team
• Er punktleg og påliteleg 
• Er god til å sjå kva som må gjerast, og tilbyr og får gjerne hjelp 
• Er god på å tileigne deg ny kunnskap 
• Har motivasjon og interesse for å levere ei god teneste til våre pasientar 
• Arbeider strukturert og effektivt 
• Er ærleg, sjølvstendig og løysingsorientert 
• Er serviceinnstilt og har eit godt lag med menneske
• Evnar å prioritera i ein travel arbeidskvardag 
• Er positiv, har godt humør og medverkar til eit godt arbeidsmiljø

Vi tilbyr

• Ein spennande og utfordrande jobb 
• Ei arbeidskverdag med varierte arbeidsoppgåver
• Løn i samsvar med gjeldande overeinskomst 
• Gode pensjons- og forsikringsordningar  
• Eit aktivt og triveleg arbeidsmiljø med dyktige kollegaer 
• Fleksitid med kjernetid  
• Arbeid på dagtid måndag-fredag 
  

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Vi ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett, alder, funksjonsevne og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.

Kontaktinformasjon

Malene Sævrøy Johannessen, Seksjonsleiar, 97183736, malene.sevroy.johannessen@helse-bergen.no

Arbeidsstad

Solheimsgaten 13

5058 Bergen

Nøkkelinformasjon:

Arbeidsgivar: Helse Bergen HF


Referansenr.: 4941683111

Stillingsprosent: 100%

Fast

Søknadsfrist: 13.04.2025