Rådgivar

Brenn du for å motivere og hjelpe menneske ut mot arbeid?
Då er du den vi ser etter!

Hovudmålet til Nav er å bistå folk ut i arbeid og til å bli sjølvhjelpne. Vår visjon er: "Vi gir menneske moglegheiter." Avdeling Arbeidsliv ved Nav Alver har ei ledig stilling som rettleiar. På avdelinga jobbar vi med menneske over 30 år der målet er å skaffe arbeid. Du vil jobbe med både oppfølging og saksbehandling. Vi ser etter deg som er robust i møte med menneske og som likar å drive prosessar i relasjon med andre, samtidig som du er ansvarsbevisst og brenn for å jobbe med Nav sin visjon

.
Ved Nav Alver er det i dag ca. 70 tilsette fordelt på kommunale og statlege arbeidsområde. 
Stillinga som er ledig er ei fast, statleg stilling. Andre oppgåver må kunne påreknast ved endra rammevilkår eller prioriteringar. Nav Alver jobbar tett med dei andre Nav-kontora i Nordhordland og arbeidsoppgåver kan gå på tvers av kontora. 

Arbeidsoppgåver

• Kartlegge ressursar og kompetanse, og sjå nye moglegheiter for personar som skal tilbake i sitt arbeidsforhold eller er utanfor arbeidslivet .
• Rettleie og motivera arbeidssøkarar til å sjå og bruke eigne ressursar til å kome i arbeidsrelatert aktivitet og ordinært løna arbeid.
• Vurdering og saksbehandling knytt til gjeldande lovverk.
• Vera bindeledd mellom arbeidsgjevar og arbeidssøkar med fokus på arbeid og aktivitet, inkludert møter ute hos bedrifter og tiltaksarrangørar.
• Bidra til utvikling i teamet og i avdelinga.

Endringstakten er høg, og det må difor påreknast endring i arbeidsoppgåver.

Kvalifikasjonar

Du må ha:

• Fullført 3-årig relevant høgskule- eller universitetsutdanning tilsvarande bachelorgrad, gjerne innanfor sosialfag, rettleiing, helsefag, samfunnsfag eller personal og leiing. Relevant erfaring og/eller utdanning kan kompensere for kravet til utdanning. 
• Rettleiingskompetanse og relevant arbeidserfaring innan oppfølging av menneske, gjerne knytt til å bistå arbeidssøkjar i prosessen mot jobb.
• Gode skriftlege og munnlege kommunikasjonsevner på norsk.
• God kompetanse på digitale verktøy.

Det er ein fordel om du har: 

• Kunnskap om og interesse for arbeidsmarknaden, opplæringsmoglegheiter og inkluderingsarbeid.
• Kjennskap til og interesse for NAV sitt samfunnsansvar.
• Førarkort kl. B.

Personlege eigenskapar

• Du har gode samarbeidsevner
• Du har evne til relasjonsbygging.
• Du er fleksibel, robust og sjølvstendig
• Du har høg arbeidskapasitet.
• Du er utforskande og motiverande, og har evne til å sjå ressursar og moglegheiter hos den enkelte arbeidssøkar.

Vi tilbyr

Hos Nav Alver får du ta del i eit aktivt og engasjert fagmiljø der du får spennande og utfordrande arbeidsoppgåver innan eit viktig samfunnsområde.
Du får vere ein del av eit godt arbeidsmiljø, med engasjerte kollegaer i fine kontorlokale.
Stillinga er plassert i stillingskode 1434 rådgiver med lønn frå kr. 560 000 til 630 000. For særleg kvalifiserte kan høgare løn vurderast.  Som statleg tilsett i Nav får du gode pensjonsordningar gjennom Statens pensjonskasse (frå lønna vert det trekt 2 %).

Kontaktinformasjon

Inger Lise Brekke, Avdelingsleiar, 91724947, inger.lise.brekke@nav.no

Arbeidsstad

Kvernhushaugane 2

5914 Isdalstø

Nøkkelinformasjon:

Arbeidsgivar: NAV


Referansenr.: 4931603759

Stillingsprosent: 100%

Fast

Søknadsfrist: 15.04.2025