Sommarvikar Vinje sjukeheim

Vil du vera sommarvikar på sjukeheimen?

Me søkjer etter deg som vil vera sommarvikar på Vinje sjukeheim. Me treng vikarar på kortid- og langtidsavdelinga vår, samt vikar som kjøkkenvert. Dette er ein fin moglegheit til å få innblikk og erfaring innanfor helse, dersom du går på eller vurderer utdanning innanfor helsesektoren. 

Vinje sjukeheim har tre langtidsavdelingar og ei kortidsavdeling med til saman 34 plassar. Langtidsavdelinga med sine 25 plassar er delt inn i tre grupper, deriblant ei skjerma avdeling for personar med demens. Kortidsavdelinga består av 9 plassar, der 2 av plassane er akuttplassar for Tokke og Vinje kommune. Ved Vinje sjukeheim skal me sørge for at innbyggjarar i Vinje med behov for heildøgnspleie, meistring og omsorg mottar eit best mogleg tilbod, og der me jobbar kontinuerleg med å auke kvaliteten i tenesta. 

Arbeidsoppgåver

• Omsorg og pleie til sjukeheimsbebuarane
• Miljøtiltak overfor bebuarane
• Praktiske oppgåver i avdelinga, som smøring av mat, oppvask, rydding o.l

Kvalifikasjonar

• Du er påliteleg, arbeidsom og sjølvstendig
• Du er fleksibel og kan samhandle godt med bebuarar, pårørande og kollegaer
• Du har gode samarbeidsevner og er ein positiv lagspelar som bidreg til eit inkluderande arbeidsmiljø
• Du tar initiativ og ynskjer å lære
• Du har interesse for eldreomsorg
• Du snakkar og forstår norsk godt

Personleg eignahet vil bli vektlagt ved tilsetjing.

Personlege eigenskapar

• Du har fagbrev som helsefagarbeidar
• Du er elev/student innan helsefag og ynskjer arbeidserfaring
• Du er ufaglært, men har erfaring/interesse for arbeid på sjukeheim
• Du har gode munnlege- og skriftlege norskkunnskapar, tilsvarande nivå B2

Me tilbyr

Bonusordning:

• Til deg som bind deg for 6 veker i perioden veke 25-31 blir bonus 1000 kr per veke, i tillegg til ordinær løn.
• Til deg som bind deg for 6 veker i perioden veke 26-33 blir bonus 2000 kr per veke, i tillegg til ordinær løn.
• Til deg som bind deg for 8 veker, heile perioden, veke 26-33 blir bonus 2500 kr per veke, i tillegg til ordinær løn

Det er ein føresetnad at du faktisk jobbar 75 - 100% i avtalte veker for å få utbetalt bonusen. Dersom du i avtalt periode har fråvær, vil du miste bonus for aktuell(e) veke(r).

Opplæring blir avtalt med kvar enkelt ferievikar. Aktuelle kandidatar blir kontakta fortløpande etter søknadsfristen. Du må levere vitnemål og attestar.
Du må seie kva for veker i perioden du kan jobbe. Søkjarar som kan jobbe 6-8 veker blir prioritert, og du må rekne med å arbeide annankvar helg.

I Vinje kommune er det offisielle styringsmålet nynorsk. Alle tilsette pliktar å nytte nynorsk skriftspråk i tenesta. 
I samsvar med offentleglova § 25 kan namn på søkjarane offentleggjerast. 

Vinje kommune er oppteken av mangfald, og ynskjer at tilsette i kommunen reflekterer mangfaldet i lokalsamfunnet. Me oppmodar alle kvalifiserte kandidatar til å søkje uansett alder, kjønn, funksjonsevne eller kulturell bakgrunn.

Kontaktinformasjon

Torhild Fjellestad, Avdelingsleiar korttidsavdelinga, 91 52 47 87, torhild.fjellestad@vinje.kommune.no

Hanne Kristin Finkenhagen, Avselingsleiar langtidsavdelinga, +47 99 25 16 24, hanne.kristin.finkenhagen@vinje.kommune.no

Arbeidsstad

Vinjevegen 212

3890 Vinje

Nøkkelinformasjon:

Arbeidsgivar: Vinje kommune


Referansenr.: 4948053886

Stillingsprosent: 100%

Sommarjobb

Søknadsfrist: 21.04.2025