Lærarstilling Bygg og anleggsteknikk

 

Midt i Sunnfjord kommune ligg
Førde vidaregåande skule. Skulen er geografisk todelt med skulestad Øyrane, som
er plassert ved Førde sentrum og skulestad Mo, som er plassert 11 km utanfor
sentrum. Skulen tilbyr utdanningsprogramma: Bygg- og anleggsteknikk, Elektro-
og datateknologi, Sal, service og reiseliv, Helse- og oppvekstfag, Restaurant-
og matfag, Teknologi og industrifag, Naturbruk, Medium og kommunikasjon, Kunst,
design og arkitektur og studiespesialiserande . I tillegg har skulen
undervisning ved sosiale og medisinske institusjonar i Førde, vaksenopplæring
og ulike kurs. Skulestad Mo har internat med plass til 80 elevar. For meir
informasjon gå til skulen si heimeside http://www.forde.vgs.no 

 

Inntil 100% stilling - Undervisning i praksis og teori på Bygg og anleggsteknikk

Arbeidsoppgåver

Til stillinga ligg det praktisk og teoretisk undervisning på VG2 Tømrar, VG1 Bygg og anleggsteknikk og VG2 Mur og Betong. Delar av den praktiske undervisninga føregår saman med elevane på kundeoppdrag. Lærarar i bygg- og anleggsteknikk må utarbeide dokumentasjon og planar for undervisninga, og må følge opp, vurdere og rettleie elevar. Det skal leggast til rette for at elevane skal bestå faget med best mogleg resultat etter sine føresetnader. Opplæringa skal tilpassast den einskilde elev ut frå sitt meistringsnivå. Ein må samarbeide med lærarar og støttepersonar som samla har ansvar for oppfølging av elevane. Opplæringa vil gå føre seg i ein kombinasjon av praksis/teori og det er viktig å bidra til at elevane får prøvd seg ut i praksis i bedrift.

Kvalifikasjonar

-       Fagbrev og praksis innan Tømrarfag eller fleire byggfag som er relevante for stillingane.
-       Fagskuleutdanning eller høgare utdanning innan byggfag  
-       Praktisk erfaring og utdanning innan fleire av bygg og anleggsfaga er ein fordel
-       Pedagogisk utdanning (PPU/PPY)
-       Erfaring frå undervisning innan byggfag 
-       Erfaring frå arbeid med tilrettelagt opplæring 
-       Gode tekniske og faglege ferdigheiter 
-       Kunne meistre IT og relevant programvare 
-       God munnleg og skriftleg framstillingsevne. 

Personlege eigenskapar

-      Søkararar til stillinga må ha gode samarbeidsevne.
-      Søkarane må ha evna til å skape tillit og ha god relasjon med elevar.
-      Som lærar må ein vere løysingsorient,sjølvstendig og strukturert. 

Vi tilbyr

-eit godt arbeidsmiljø med høg fagleg kompetanse
-løn etter tariff
-fylkeskommunale tilsetjingsvilkår med gode pensjons- og forsikringsordningar


Andre opplysningar 
Det er eit vilkår om godkjend politiattest for å bli tilsett i vidaregåande skule.                                                                                                                                            Administrasjonsmålet i fylkeskommunen er nynorsk.
Alle nytilsetjingar vert gjort med ei prøvetid på 6 månader.

Vi gjer merksam på at i følgje offentleglova § 25, 2. ledd kan opplysningar om
søkjaren bli offentleggjort sjølv om du har oppmoda om ikkje å bli ført på
offentleg søkjarliste. Dersom du har bedt om unntak frå offentleg søkjarliste
vil du alltid bli varsla før søkjarlista vert offentleggjort.

 

Kontaktinformasjon

Ivar Johan Aarberg, avdelingsleiar, 41530914

Arbeidsstad

Øyravegen 1

6800 Førde

Nøkkelinformasjon:

Arbeidsgivar: Vestland fylkeskommune


Referansenr.: 4935295540

Stillingsprosent: 100%

Fast

Søknadsfrist: 22.04.2025